"Iibig nang Muli" : A Filipino Poetry
"Iibig nang Muli"
Halos mata'y di makita sa labis na iyakan
Dulot ng nasirang pag-iibigan
Sa taong di dapat sana paglaanan
Ngunit sinalba mo sa malagim na kahapon
Ang pusong wasak na naitapon
Nabigyan pa ito ng liwanag
Nabuhay muli at di na matitinag
Kinulayan mo ito ng mala bahaghari
Punong-puno ng galak sa mga pangyayari
Nabihag mo ang aking pusong noon ay nasawi
At ito ay iibig nang muli
Para sa'yo ako'y iibig nang muli
Ipaparamdam ko ng totoo aking sinasabi
Sa'yo ay kampati nang lubos ang damdamin
Nangangakong ikaw na ang iibigin
Nalaman ko rin ang iyong kasagutan
At ako'y nakuhanan ng tinik sa lalamunan
Napalitan ng saya aking mundo na dati'y lungkot
Sapagkat napakatamis mong "oo" ang sagot
Batid kong mabilis ang mga pangyayari
Pero sadyang puso'y di marunong magkunwari
Pagmamahal sa'yo abot hanggang langit
Sa'yo hindi kailanman ipagkakait
Maraming Salamat sa Pagbasa (Thank you for Reading!)
Nawa'y naantig at naaliw kayo sa mumunting tulang aking orihinal na nilathala. Kung may komento, opinyon o may reaksyon man kayo, wag kayong mag atubiling i-reply sa post na ito. Ako'y lubos ang galak na makita ang mga iyon.
Just awesome poem.I like it.thank you very much for sharing a wonderful post with us.hope it will be liked to all.keep it up.thank you.go ahead
thank you for providing my friend information, may be useful to all of us thanks, very good post and great poetry.
Sir @jassennessaj, such a good read.
Naantig po ako. Napakaganda po! 🤗