Sobrang napakasarap sa pakiramdam
Presensiya at aura mo'y aking damdam.
Di ko mabaling ang atensyon ko sayo
Hudyat na dapat sabihing "Ako'y iyong-iyo".

Dapat bang bumili ako ng ng maraming kahon?
Para paglagyan ng mga nasayang na pagkakataon?
Gusto kitang mapasyal sa ilog na dalisay
At itanong kung tayo ba'y panghabangbuhay.

Ngunit hindi ko kayang sabihin iyon
Pagiging matapang ay di ko matunton.
Kapag andiyan ka'y di ako mapakali
Masaya na sa mga nakaw na sandali.

Ika'y palaging nasa isip aking giliw
Sa dulo pangako ako'y hindi bibitiw.
Okay na ako na makita iyong mga ngiti
Kahit man lang sa mga nakaw na sandali.

Maraming salamat sa pagbasa! (Thank you for Reading!)

Nawa'y nagbigay-aliw ang tulang ito sa inyong mga magiliw kong magbabasa. Kung may mga komento o suhestiyon kayo sa naturang tula, huwag mag-atubiling ilahad ang inyong mga opinyon. Ako'y lubos na magpapasalamat kung ako'y iyong tutulungan sa paghubog ng aking kakayahan.

Narito ang kompilasyon nga mga nagawa kong tula sa mga nagdaang araw :

Photocredit : One Two