Matagal na nating pinlano iyon
Mga ilang linggo bago ang panahon.
Hanggang sa isang araw nalang ang kulang
Nagtext ka na at sabing "pasensya nalang".

Nakakadismaya ang iyong mga sinabi
Dineretso mo at wala man lang pasintabi.
Ako'y masyadong nalungkot sa nabasa
Di makapaniwala, "Pinaasa Mo lang Pala".

Sana ay hindi ka nalang umoo
Kung ganun pala ang desisyon mo.
Mga sinabi mo'y nakakadismaya
Ako'y napailing at napatingala.

Sinta, akala ko tayo'y handa na
Ay mali, "Pinaasa Mo lang Pala".
Kay saya sana ng panahong yon
Pero sinayang mo ang pagkakataon.

Di bale, mawawala din sa isip ko.
Ang pagkakataong sinayang mo.
Akala ko tayo'y magiging masaya
Sa araw na yun pero "Pinaasa Mo lang Pala".

Maraming salamat sa pagbasa! (Thank you for Reading!)

Nawa'y nagbigay-aliw ang tulang ito sa inyong mga magiliw kong magbabasa. Kung may mga komento o suhestiyon kayo sa naturang tula, huwag mag-atubiling ilahad ang inyong mga opinyon. Ako'y lubos na magpapasalamat kung ako'y iyong tutulungan sa paghubog ng aking kakayahan.

Narito ang kompilasyon nga mga nagawa kong tula sa mga nagdaang araw :

Photocredit : One Two