Ngunit sa kabila ng lahat ba't nandito pa
Ang pagmamahal na lubos at sobra.
Kahit matindi ang sinapit sa iyo
Di mapigilan puso ko'y para sa iyo.

Ganito nga pa ang pagmamahal?
Kahit masakit kaya parin magdasal?.
Na sana'y maging tuwid ang lahat
At sa isa't-isa tayo'y maging tapat.

Kahit gaano karaming dahilan na iwan kita
Di ko parin magawa-gawa dahil mahal kita.
Lahat ng parte ng katawan ikaw ang hinahanap
Ngunit kahit anino mo'y hindi ko mahagilap.

Bakit ba mahal parin kita?
Kahit ako'y parang mamamatay na.
Hindi ko kaya ang iwan ka
Ewan ko, dahil ba mahal kita?.

Yan lang ang katagang palaging masasabi
Sa tuwing nasasaktan, ang kirot mahapdi.
Ngunit kapag maiisip kita, lahat napapawi
"Mahal Parin Kita", yan lang ang masasabi.

Babala

Maraming salamat sa pagbasa! (Thank you for Reading!)

Nawa'y nagbigay-aliw ang tulang ito sa inyong mga magiliw kong magbabasa. Kung may mga komento o suhestiyon kayo sa naturang tula, huwag mag-atubiling ilahad ang inyong mga opinyon. Ako'y lubos na magpapasalamat kung ako'y iyong tutulungan sa paghubog ng aking kakayahan.

Nagmamahal (Katuwaan lang)

Jassenn

Photocredits : 1 2