Bakit Sila Nilikha?

By: @christyn

---

Ano na nga ba ang ating nagawa?
Sa mga pangakong ating itinala
Na babalutin natin ang mundo ng saya.
At papahiran ang luha sa mga mata.

Kayrami ang naghihirap at nagdurusa
Kahit mga kabataan ay mga biktima
Karahasan ay bakas sa kanilang mga mukha
Ito ba ang dahilan bakit sila nilikha?

Binitawan na ang pangarap na guminhawa
Upang palitan ng sandatang pandigma
Imbis na papel, lapis at crayola ang dala
Dahil sa pagtataas ng watawat na pula.

Sila na nga ang ginawang kasangkapan
Sila pa ang biktima ng digmaan.
Digmaan sa kapangyarihan at kasamaan
Kailangan natin silang tulungan, kailan?

Nasaan na nga ba tayo sa ating misyon?
Ilang buhay pa ang itataya ngayon?
Patuloy pa rin kasi ang pagkuha sa liwanag
Liwanag na kasisimula palang sa pagsinag.

---

Recent Posts

Poetry	Tula
Ligaya na Hindi Tayo
Faces of Love	Hindi Ako Paasa
Pusong Serena	Bayaning Sundalo
Aking Tagumpay	Maglaro Ka Muna
Fool Me More	Hayskul Love
Brand	Huwag Mong Ipilit
Sizzling Sisig	Tuloy Parin
Potato	Pag-ibig na Walang Hanggan
Monkey	Muling Magkasama
Grocery List	Sarado na ang Puso
First African in Space	Palayain ang Puso
Witches	Kaibigang Tunay
Belt	Masayang Pagluha

---