Tula 24: Para sa Lahat ng mga Nanay!
Aking Ina
By: @christyn
Noong ako'y iyong isilang sa mundo
Ang buhay mo ay nasa peligro
Ilang beses ka ngang umiri
Buhay ko ay iyong pinili.
Noong ako ay nakakalakad na
Gabay mo ay sumubra pa
Sa akin parati kang nag-aalala
Dahil sabi mo, di ko pa kaya.
Ngunit sadyang matigas ang aking ulo
Walang tigil sa pagtakbo-takbo
Hanggang sa ako'y umiyak na lamang
Dahil sa sugat na hindi na mabilang
Ngayong ako ay binata na
Aruga mo ay hinahanap pa
Dahil ikaw lang aking ina
Hinahanap hanap sa tuwina
Nanay, ikaw ang aking gabay
Sa araw araw ng aking buhay
Maraming salamat sa iyo
'Wag ka sanang lalayo.
Recent Filipino-Poetry
