Hikayat Muda Seudang, Pt. 35; Rumoh Mawa 4
Kajeuet hai bang jak taduek bak seuramoe
Na bacut ie unoe ta lhap ngon boh ubi
Kadang chit mak na nyang neuk peusampoe
Bek meudaleh kamoe gadouh peulikak hi
Jeut chit tajak duek nibak seuramoe
Nyoe ka seuleusoe peumeurot guda
Hantom lon rasa boh ubi ngon ie unoe
Watee trouh keunoe lon deungo haba
Geuduek nyak Muda di ateueh tika
Si dua droe dara tajo u dapu
Laju geupeungon uleh ayahwa
Peunari haba dang azan meusu
Pajan rencana ta lanjout keulana
Tanyong ayahwa bak Muda Seudang
Geu jaweub bagah sang singoh lusa
Dang puleh teunaga guda si lantang
Meunoe hai aneuek nyang lon neuk peugah
Singoh ta teugah bek tajak dilee
Lhee uroe teuk sagai si saudah nikah
Ngon aneuek bang balah di buket lungkee
'Oh lheueh walimah meulanjout tajak
Tanggong that tapak chit padum uroe
Peu lom di gata keunoe hantom tajak
Na keuh po pihak dari dari tanoh meuligoe
Teuka di cut ni peutamah haba
Beutoi hai Muda peu nyang geupeugah
Walimah han rayeuk tok keu saudara
Han sanggop meuraya kiban nyang mudah
Nyan keuh hai cut bang bek neujak dilee
Neupreh keuh sampe abeih acara
Sambong sidara aneuek phoun pang ulee
Bak jaroe na ji mee talam meutata
Muda sedang han geujaweub laju
Geukalon ie madu di dalam talam
Teumon boh ubi teureuboh ngon ju
Dang-dang pajouh bu seugohlom malam
Ban saboh rumoh ka meusapat hinan
Dudoe trouh sigam aneuek nyang bungsu
Jiduek sampeng mak ngon cukop simbhan
Jaroe lam talam boh ubi di seurbu
Jeut chit meunan yahwa ngon mawa
Dudoe lon gisa sambong meurantoe
Lon preh lheueh walimah sidara manja
Bek ganjai rupa malee teuh keudroe
Bek tuwoe neubaca chit ata awai mangat meuho uram ngon ikue;
- Bhah lhee plouh limong Rumoh Mawa 3
- Bhah lhee plouh lhee Rumoh Mawa 2
- Bhah lhee plouh dua Rumoh Mawa
- Bhah lhee plouh sa U Tingkeum Manyang
- Bhah lhee plouh Lam Perjalanan 3
- Bhah dua plouh sikureueng Lam Perjalanan 2
- Bhah dua plouh lapan Lam Perjalanan
- Bhah dua plouh tujoh Ulang Kisah
- Bhah dua plouh nam Bak Cut Ti Hayat
- Bhah dua plouh limong Meupisah
- Bhah dua plouh peuet Ziarah Kubu
- Bhah dua plouh lhee Jak Ziarah
- Bhah dua plouh dua Sahabat Pang Juhang
- Bhah dua plouh sa Han Sep Beulanja
- Bhah dua plouh Jak Bloe Guda
- Bhah sikureueng blah Langkah Phoun
- Bhah lapan blah Ie Mata Bungsu
- Bhah tujoh blah Meurumpok Ngon Guree
- Bhah nam blah Jangeuen Asmara
- Bhah limong blah Reuncana Keulana
- Bhah peut blah Nanggroe Ujong Utara
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Bereih... sang na keujadian bak uroe acara yaa😉 kok teujalok loen meunan yaa. Oman kiban rasa boh bi reuboh ngen ie unoe? Biasa ie saka.. saweub ie unoe meuhai 😂
Sep mangat boh ubi reubouh ta lhap ngob ie unoe, peunajoh raja nyan.
Sang na insiden bacut, ta usahakan yang ringan matong bek rusak acara gob, sayang teuh
insiden uroe walimah, tijoh ie mata di keu peulamin jikalon jantong hate ka gop po juemba. nyoe meunan brader @lamkote
Wakakakaka😂😂 that na teuh bang @isnorman. Pokok jih kon keujadian lagee pang @lamkote meunyanyi sampoe rhot boh jantong atee nyakti laah.. insiden bacut, adek calon linto hi ngen bungong jeumpa.
Bek that neu tiek mi sajan awak peu let leuk, that na teuh. Na can mogok makan nyak muda seudang.
Hahahahaha
Nyan tsunami ie mata menyoe lagee nyan keujadian aduen @isnorman.
Rencana cuma bacut intrik sagai seubagoe bumbu cengkonek
Pue kaka ruthat sagoe nyan.
Oh na ka nyak muda jijak? pue mtg bak rmh mawa jih?
That na teuh dum di lon mtg kosong signal krn ujeun di lhok
Ya salam. Neu pakek sinyal alam ghaib hai bang mangat lancar
Hana paket
Koh taloe beuso kon dengan parang
Koh bak pisang meurinthak teuma
Ka peut uroe lon pantoe Muda Seudang
Cokop seunang di rumoh Mawa
Menyoe ie unoe ngong boh bi sabe teu hidang
Sang han leukang bak duk lam tika
Kiban lanjutan di Muda Seudang
Oh wateei leukang ngon walimah dara
made with love & fun 😂😂👍👍☕☕
Teuntee bak asoe saket tarasa
Saweueb nyan kada hana meugantoe
Lam padum uroe nyoe chit bak rumoh mawa
Harap nyak muda na soe nyang peu toe
Kiban keuh ukeu lanjot ceurita
Gohlom lon rika mantong meucawoe
Langkah goh teuntee tapteh sep dana
Sang lheuh acara lanjot meurantoe
Saleuem Kupi Phet
Ban meubalek ban ka meutuka ke
Ban meuturi ngon aneuk yah wa hate ka jimeurawe
Sang ka tuwo mita knari 7 rupa
Nyang sinyak aisyah hawa peutroh heut hate..
tergoda...
Han meutuka bhan keu ngon bhan likot
Hana peu takot keu meugantoe jeumba
Adak dum tari dara nyang seutot dilikot
Langkah han surot keu keunari tujoh rupa
Adak pih meunan teuntee na wahmon
Tanyoe peuteumon ngon aneuek dara
Tamse ta meu'en toe di bineh mon
Adak han meusumpom tentee basah na
Meunyo pula pade ka teutee dalam blang
Meunyo pula kacang yang get bak tanoh gle
Bak lon kaleon nyak muda nyan ka han le leukang
Saweub aneuk yah wa nyan ka jineuk cue hate
Kon lon tudoh keu nyak muda seudang
Kon lon kheun macam2 bak lon rika
Tapi bak lon peunyum lagenyan sangkaan
Krna mebiasaan lagenyan tingkah dum aneuk muda
Reudok dibarouh ujeuen di tunong
Goh teuntee keunong lagee keunira
Rawi bak neubhah sang karap keunong
Maklum si dek nong aneuek manusia
Namun ceurita gohlom ta samboung
Kadang ek lamboung teubalek kira
Jaez ta ingat meurantoe bak ujoung
Akan lon samboung neubaca saja