Hikayat Muda Seudang, Pt. 24; Ziarah Kubu
Ta piyouh siat bak bineh telaga
Ta bri ie guda bek reubah bak rot
Bah jeut ji meu rhot ngak na teunaga
Sawueb lam rimba ra-ueh meu urot
Inahat watee ta kira arah ta tuju
Trouh bak kubu ayah lon tuwan
Sang-sang lam hate beu tajak laju
Neuk peugleh kubu doa ta paban
Geu tanyong nyak Muda bak yahwa amat
Sang sep meukarat geuneuk jak laju
Hana trep ngon guda watee meu siat
Meunyoe lon sukat si jeum sikeutu
Watee ka asa ta seumbahyang siat
Lheueh nyan ta brangkat keudeh bak kubu
Hai abeudo mandum guda gata jak ikat
Mangat ta shalat peudong nyang fardhu
Lheueh sembahyang geu cok lom guda
Tamong lam rimba arah u tunong
Ra-ueh geu ingat uleh ayah wa
Na geu bouh tanda ngon batee limong
Meubileueng buket meukira paya
Tanda mantong na hana soe sungket
Sikureueng boh buket lhee boh paya
Ngon uteuen meuriya dudoe meuapet
Buket keu siploh yahwa geu piyouh
Geuraba bungkouh geu troun bak guda
Yahwa geu meusu nyoe kamoe ka trouh
Keunoe ta susoh hai pilok panglima
Janji na lon ba sira lam bungkouh
Tanda lon ka trouh saweu panglima
Langsong geudeungo na su geumuroh
Lagee na soe drouh sang su meugeunta
Siklap ji teubit si pilok kureng
Ji group meulanteng dikeu ayah wa
Cut bang abeudo teukeujot planteng
Rhoet teu banteng dari rhueng guda
Muda Seudang meusurot u likot
Ka leumoh teu-out ka pucat muka
Teukeupak baten rimueng nyang sambot
Guda geu surot hana geuseungaja
Ayahwa amat baluem geu buka
Geucok le sira geu jok keu rimueng
Cukop trep kubu ka gata jaga
Nyoe sira lon ba syarat han kureueng
Uroe nyoe lon ba wareh Pang Juhang
Si Muda Seudang jak kalon kubu
Ta minah siat gata hai rimueng plang
Bek yoe nyak Seudang bak ziarah kubu
Si pilok ji surot laju lam rimba
Seureuta ji ba sira lam baluem
Ayahwa amat geu ek lom guda
Buket geu lingka langkah beuleuheun
Cut bang abeudo ngon Muda Seudang
Geu seutot rijang geujak dilikot
Ka gadoh beuho seureuta geuransang
Saweueb meupalang rimueng nyang sambot
Bak ujoung buket yahwa geu piyouh
Alamat ka trouh bak kubu Pang Juhang
Geu kalon kubu di miyup bak bulouh
Hate geuh durouh ingat keu masa prang
Muda Seudang geuduek bak bineh jrat
Lam hate sep brat keu rasa rindu
Kiban hi ayah hantom geuturi krat
Geu kalon jrat ie mata meuharu
Langsong geukheun allahummaghfirlahu
Beu peungeuh kubu wahe rabbana
Neu peu ampon dosa ayah lam kubu
Beu neupeumasyhu lam jannnatul ma'wa
Khusyu' meudoa bak rabbul 'alamin
Nyang kheun amin abeudo ngon yahwa
Geu toub ngon seulaweut akan al-amin
Allahul 'adhim nyang peukabol doa
Bek tuwoe neubaca chit ata awai mangat meuho uram ngon ikue;
- Bhah dua plouh lhee Jak Ziarah Sa
- Bhah dua plouh dua Sahabat Pang Juhang
- Bhah dua plouh sa Han Sep Beulanja
- Bhah dua plouh Jak Bloe Guda
- Bhah sikureueng blah Langkah Phoun
- Bhah lapan blah Ie Mata Bungsu
- Bhah tujoh blah Meurumpok Ngon Guree
- Bhah nam blah Jangeuen Asmara
- Bhah limong blah Reuncana Keulana
- Bhah peut blah Nanggroe Ujong Utara
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Jeu'oh ka lagoe.. nyou baru na watee siat loen duek baca tulesan gata lom.. syep brat trep ka hana loen peugot postingan bhah pehtem😔 teungoh gabuek jaga keudee dan jareung meuteumeung mat laptop, miseu bak hape.. kayem ji stop keudrou jih.
Ka 22, nyan bek that neukarat. Nyang peunteng hajat nyak.muda meusampoe.
Rame jamme sang uroraya Nyoe bak keude yah tuan dronh? Alhmdllh, raseuki beumudah, insyaAllh momongan pih bna, bek sbe mata tahe mkdroe,
Sibijeh mata droe y ta meulake bak PO beubagah na.
Nyan meunyo na geubi le Allah penerus generasi dronh, ta peutron bak mesjid Raya Banda Aceh, na setuju?
Aamiin ya Rabb
Minal Aidin Wal Faizin...
Loen peuhah keudee saweub urou raya haji hino syit hana saban lagee bak tanyou, meu'ah desya saleum-saleum pih hana.. dari mulai poh 8 leuh seumayang urou raya sampoe 'an abeih isya.. haba pre2 loen peugot kupi.
Na keuh kira2 60 boh glaih keu kupi, hana si sprite, teh, rukok.. rap seteungoh asoe keudee abeih. Loen top keuder saweub ka keumong aki bak dong sabee😂
Insya Allah, miseu na bijeh mata meutuwah nyan.. ta peutron pat nyang mudah mantong, han meuceh mesjid raya.. bak mesjid darussalam pih jeut sang. Neu bantu do'a mantong, loen kiban amanah dari Allah SWT mantong loen peujak. Loen syit han loen teumeung meu tahe-tahe seulawet nyou, hana aneuk drou na aneuk kuman, na cucoe. Jeh sinyak dawod loen watee lien talipun.. ka han jitem lee hei nan loen lagee biasa, ji hei mami sabee
Di bigbos pih Hana meuteumeung peulheuh eungkap
Uronyoe, jikoh martabak Meu asap sikin, Meu geuntot
Han meuteume toh, pulom iek,. Haaa...
Lon peungon jih jiteubiet reu-oh lon lam Aneuk mata
Cewek meubloe pih gadoeh ji peukaru bigbos, maklum ganteng pih lumayan digopnyan, btoi2
Lage hansome artis Holywood.
Nyan droenh le lagot mgkn berkat doa ayah tuan d tnoh suci..
Dlm dr Lhoksumawe for to tangsel
Myo na siboh ate dronh tptron bak mesjid Baiturrahman Lhoksumawe. Glantoe saweu tnoh kelahiran Mak jih, ok kan?
Kdg insyaALLAAH mustajab hajat..aamiin...
Aamiin.. nyan keuh nyou teungoh ta useuha lam bulan madu, ka troih lee ureung jak peukaru. Na ngon maslakoe hana pat eh ji peugah saweub ji peu plueng hareuta geuh lee wanita. 2 malam ta tueng leubeh nibak nyan panee ta tueng teuma😯... tapi utak hana, ji jak lom. Oh urou raya baro, hana ji seumayang.. ji beudoh poh 11 urou, syep palak loen. Ka jih sidrou.. troih aneuk kuman teuma dari jawa.. lah pih singoih ka ji nak wo.. meuhan syit ka brigen aju teuh han ta teumeung bulan madu 😂😂😂
Uroenyoe ka jitamong yang keu 24. Sang panyang that mantong ukeu.
Kiban bereh keude?
Pehtem hana payah neupeugot tiep binggu keudeh, neu lheueng2 watee nyang pah mantong
Nyan keuh.. loen peurati miseu yu peugot postingan, memang brat.. leubeh mudah ngen comment mantong. Maka ukeu loen peugot nyang comment lom mantong.
Oohh 24 ka? Kop bereih memang miseu teungoh meu apui😂 keudee galom bereih, ka abeh peng keu rehab ka hanjeut ta beulanja barang dilee.. peu abeih peu nyang na dilee lah. Sibok that loen meukat kupi😂 sampoe hana watee keu posting. Saweub postingan contest suwah buka bsk laptop.
Publoe taloe taku laju dile mangat lancar usaha, watee kana raseuki jeut ta blo lom.
Pu mantong neu meukat
Wakakaka... mandum taloe takue, euncien, taloe jaroe.. loen keubah bak mak 😁 kakeuh ta olah dari peu nyang na mantong dilee.
Loen meukat kupi sachet, rukok, eh krem, sabon.. atra ta ngui sehari2 lah. Teuma lawet nyou loen dong syit seubagoe ureung taguen kupi gayo atawa lampung, loen peugot kopi dingin ala pehtem (keudee loen berjudul #pehtem kupi) regular member pak RW 013, Pak RT7, oom dokter RT 5 marbot mesjid saja.
Tapi lawet na loen peutaba kupi #pehtem, na syit aneuk muda nyang jak tes minum. Galak.. tapi han i jeut jak sasabee saweub na pejabat RW miseu malam😂
Gawat that relasi droeneuh, para esselon I mandum lagoe. Nyan sang ukeu ka pre uroh surat bak awak nyan
Hahaha... aseuli😂 sayang jih pak RT 3 bak loen tinggai han geutem duek bak keudee kamoe, kirem satpam mantong jak pantau kondisi😂😂 kop brat persaingan politek urosan RW dan RT, saweub hana geuchik hino😂
Loen hana uroih surat sapeu dilee siat nyou, mantong ktp Aceh saweub jai kemudahan.
Neupeugah bak pak RT droeneuh, hino di aceh meu bupati mantong dijak jep kupi bak warong, sekalian pencitraan
Hana coment mkarat tmog dinas!!!
Lanjot juragan
Congratulations @lamkote! You have completed the following achievement on Steemit and have been rewarded with new badge(s) :
Award for the number of comments received
Click on the badge to view your Board of Honor.
If you no longer want to receive notifications, reply to this comment with the word
STOP
Do not miss the last post from @steemitboard:
SteemitBoard and the Veterans on Steemit - The First Community Badge.