Hikayat Muda Seudang, Pt. 26; Bak Cut Ti Hayat
Lam seupot malam ka geujak sidroe
Taloe krueng arakundo ra-ueh geu lanja
Bak cut hi hayat geu eh malam nyoe
Wab singoh uroe sambong meukeulana
Meukru seumangat hai bungong panjoe
Ji pout angen po hanjeut keu boh na
Jarak that jioh payah jak sidoe
Mita peuneuwo keunari tujoh rupa
Miseu meukaleueng jarak han sampoe
Golom trouh geuwoe lhee go purnama
Bateue lah janji hajat han meusampoe
Meunan keuh adoe kada bak meujeumba
Poh sikureung malam katrouh bak teumpat
Bak rumoh cut ti hayat guda geu gisa
Geu beu-oet saleuem peugoe po teumpat
Geu seu-oet siat soe jamee teuka
Geu buka pinto di cut ti hayat
Jaroe geumumat le sinyak Muda
Geukalon keumuen badan that sihat
Puteh meukilat ceudah that rupa
Oo ku teueh that rayeuk ka keumuen long
Bagah ta tamong angen that teuga
Muda Seudang langsong geu tamong
Laju teumanyong ho ka cut baka
Ee ayah sigam neu teubit bagah
Leupah that ceudah jamee trouh teuka
Apa cut baka geu teubiet bagah
Ija geu peupah geu palet sigra
Gata lagoe hai Muda Seudang
Rayeuk that rijang misee pih kana
Hai ma si dara bagah ta bet idang
Kadang nyak Seudang ka deuek lagoina
Kijeut jula that gata trouh keunoe
Poh padum bunoe ta teubit di rumoh
Awai lon jak ban jiteubiet mata uroe
Meusantok le that hoe sampoe sep leumoh
Eunteuk lon ceurita wahee apacut
Le that meukeusud lon peugah ceurita
Bah lon jak pajoh khanduri meubacut
Sang lagee boh kruet lam pruet teurasa
Laju ban dua geujak u dapu
Geujak pajoh bu peu nyang na mudah
Na eungkot bacee lam kuah pliek u
Pucok on labu leumak get that pah
Muda Seudang chit hana nyum seugan
Maklum hai rakan bak rumoh mak cek
Leungkap teumon bu geubouh lam pingan
Abeih santapan pruet pih sep tarek
Bek tuwoe neubaca chit ata awai mangat meuho uram ngon ikue;
- Bhah dua plouh limong Meupisah
- Bhah dua plouh peuet Ziarah Kubu
- Bhah dua plouh lhee Jak Ziarah
- Bhah dua plouh dua Sahabat Pang Juhang
- Bhah dua plouh sa Han Sep Beulanja
- Bhah dua plouh Jak Bloe Guda
- Bhah sikureueng blah Langkah Phoun
- Bhah lapan blah Ie Mata Bungsu
- Bhah tujoh blah Meurumpok Ngon Guree
- Bhah nam blah Jangeuen Asmara
- Bhah limong blah Reuncana Keulana
- Bhah peut blah Nanggroe Ujong Utara
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Kop treeepp... bak urusan meu idang pih trep that 😂 brat deuk aneuk muda, keunong eungkot bacee ngon kuah leumak.. jadeh tumbon😂
Hahahaha
Nyan request droeneuh beu le canek haba. Nyo ka ta mulai perjalanan mita keunari tujoh rupa. Ide tragedi kana meu padum boh, pu na neuk tamah ide hinan, bek seugan2 hai rakan, asai cocok akan ta hambo
Salah saboh tragedi nyang jeut neu tamah adalah rhet dari guda meurumpok teungku ngen aneuk dara nyang jeut tunyok pat ji duek keunari tujoh rupa... 😂😂 ka lagee sinetron meunan yaa
Lon takot rhet dari guda bak gara-gara geu kalon aneuk dara, maklum teungku mantong muda.
Hahahaha
Neubri ide beu meu aceh bacut, bek saban ngon sinetron, sayang teuh abu peh tima sep hek bak geupeu beuet nyak muda seudang
Hahaha.. nteuk loen pikee dilee, agak kureung meu aceh loen lam bhah muda seudang nyou.. ka trep hana loen baca 1001 malam saweub jai calitra tanyou diadaptasi dari buku nyan
Ya, bereh that nyan. Lon harap muda seudang teumbos 100 eps
Saboih teuk.. watee geu nak akses keunari tujoh tupa suwah geu peuglah hiem dilee
As a follower of @followforupvotes this post has been randomly selected and upvoted! Enjoy your upvote and have a great day!
Thank's so much @followforupvotes
Aku kembali. Salam muda seudang!😂
Lama tak bersua rakan.
Saleuem kupi phet