Hikayat Muda Seudang, Pt. 23; Jak Ziarah Sa
Jak ta beudoh hai Muda Seudang
Bak jrat Pang Juhang lon intat gata
Gata hai abeudo pih bek koh reupang
Ka jak bak palang tajak cok guda
Ka cok si plang si puteh ngon si lantang
Bagah ta trajang malam goh teuka
Hana geu meusu sapue di Muda Seudang
Hana teubayang na geubouh nan guda
Nyoe pat kana lhee boh guda
Jeut keu keundara ngon jak bak kubu
Masalah yum guda dudoe ta peugah haba
Jinoe lam rimba beu bagah ta tuju
Yang gata tanyong nan jih si lantang
Peulana ta pasang laju le gata
Si puteh lon pakek wab jiplueng rijang
Meunyoe si plang bah abeudo hila
Muda Seudang geupasang peulana
Bak takue guda geu gusuek-gusuek
Ayahwa amat sep geupeurati saja
Timang peulana bak guda geupeuduek
Langsong beurangkat deungon bismillah
Doa peusiblah bak mara bahaya
Guda geu peu plueng beu bagah-bagah
Ubee di tuleh gah geu teugon saja
Si puteh geu hila buet yahwa amat
Taloe geu mumat gaki geu gapet
Guda geu balap lagee sang kilat
Sigo-go geulumpat peulingkeu palet
Di likot ji seutot nyak Muda Seudang
Deungon si lantang guda laksmana
Baroekon geu ek tok guda bawang
Lam lampoh pisang Abu Peh Tima
Nyang paleng sayang chit abeudo cut bang
Geu hayak si plang meurhoh-rhoh di likot
Adak geu teugon gah jiplueng han rijang
Maklum lah si plang guda toh geuntot
Dua jeum geujak hana geu piyoh
Geu kalon ka troh bak bineh rimba
Meunyoe han piyoh alamat meh moh
Guda ka leumoh payah bi ie sigra
Bek tuwoe neubaca chit ata awai mangat meuho uram ngon ikue;
- Bhah dua plouh dua Sahabat Pang Juhang
- Bhah dua plouh sa Han Sep Beulanja
- Bhah dua plouh Jak Bloe Guda
- Bhah sikureueng blah Langkah Phoun
- Bhah lapan blah Ie Mata Bungsu
- Bhah tujoh blah Meurumpok Ngon Guree
- Bhah nam blah Jangeuen Asmara
- Bhah limong blah Reuncana Keulana
- Bhah peut blah Nanggroe Ujong Utara
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Bagus bang @lamkote
Saking bagusnya ngerti pun kagak 😂😂
Posted using Partiko Android
Ga usah ngerti, drpda minta dibayarin kopi.
Hahaha
😂😂
Posted using Partiko Android
Hallo, apa kabar @lamkote? Keren postingnya dan sudah kami resteem ke 7802 follower ya.. 😋 Ayo klaim airdrop kita dari Byteball!. (Sebagian kontribusi kami sebagai witness pada komunitas Steemit Indonesia.)
Thanks @puncakbukit