Hikayat Muda Seudang Pt. 5; Masa Abege Dua
Reudok di barat ujeun di timu
Bak uram bak u uleue meulingka
Meuheuet keu ileumee tajak bak teungku
Meuheuet meusyeuhu ta duek keu raja
Meunan keuh saban ngon Muda Seudang
Peureulee keu manyang mita ileumee
Adak pih nyang na tok sikrek ija krang
Gaki geu linggang geujak u balee
Dak malam minggu geubeut hantom pree
Hana geu pikee mita hiboran
Jeumot bak geu beut sang han abeih batree
Geupeuthee sabee amanah poma
Dum aneuek dara nyang ceudah rupa
Ka jatuh cinta keu Muda Seudang
Jikalon aneuek tampan that rupa
Adab meuseunia hana nyang timpang
Ladoum si dara chit pungo lagoina
Bak wab peukara cinta ngon gaseh
Abeih dum cara dali dimita
Bak dukon jiteuka mita peungaseh
Laen ceurita Dik Ni ngon Nyak Na
Keumuen ma sabawa nyang cukop tari
Bajee ji meungui sang peuraga busana
Demi bang Muda sang pujaan hati
Nyang leubeh beuhe Nyak Ci Tansaja
Jeh surat cinta tuleh meuhambo
Narit geu atou asoe geurika
Bak peugah cinta han geutheun talo
Ramee meuba-e di aneuek dara
Hana teukira cinta tan sampoe
Ate ka seungkoe meusak lam dada
Tamse bahtera reuloh keumudoe
Nyak Muda Seudang hana geu pakoe
Meumacam bagoe geu ilah daya
Mita ileumee bah malem 'oh dudoe
Bek keuh meusampoe iblih peudaya
Di teungku rangkang leupah that seunang
Nyak Muda Seudang hana teugoda
Abu Peh Tima hate geuh sep riang
Murid tersayang lam lindong rabbana
Minggu keu minggu buleun meukira
Jan thoun meutuka umu meutamah
Muda Seudang rhap toe dewasa
Meunan kheun cuda umu tujoh blah
Bek tuwoe neubaca chit ata awai mangat meuho;
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
lanjut brader @lamkote gron ateuh bareh gron, rawi beu abeh sampoe meuho ujong kisah.
Insya Allah aduen @isnorman, adak pih kureung pah teutap ta lanjot
meugantoe thon mtuka masa
mrubah rupa dari yg dile
muka yoh ubit biasa saja
oh muda teuma ka timoh mese
janggot kana dgn beurewok
dum gadih harok keu sinyak muda
sinyak ni ngn sinyak nu sit ulok2
jijak peukaru cut cicisaja
nyak cici saja deugee mleumpah
haba han ji pgah ngn awk nyn dua
saweub nyak cici galak keu muda seudang
adak peudong prang nyk cici rela
sinyak ni ngn sinyak nu
meungalah le rijang
bah muda seudang nyak cici yg punya.....
meuseumong.......++++
Kiban. Puna jadeh neu meupanton bah pehtem kalinyoe
jadeh rencana dlm ca'e, tp glom pah signal nyoe
mtg angan seubak seubok siho saho
haaaa... mklum tinggai teu bineh laot
Jroug hai aduen. Neu peuduek beu simphan sigoe kalinyoe, neupeugot beu get hana pue neu karat. Pokok jih beu sep gron neu atou
hom hai, rencana mnyo pah angen, meunan...
nyo bak rencana oh geu kaleon le cut nyak cici
beu rho ie mata geukhem...
kalheuh lon peu ek konteh cut nyak cici beh lam komen gop nyan,, mye kira2 hana btoi neu tulong
bi thee bak lon beh syara @lamkote
nyang leubeh jeulaih ci neu kalon bak postingan lon
Nyan droeneuh ka meulanggeih ngon atoran.
Hinan jipeugah nan aneuek dara pileh saboh mantong, bek dua, pue lom mandum nan neu rawo.
homhai,,kakeuh...haaaaa
ku neuk sawok saboh tp wte ku kaleon mdum cdah that boh lam on nyan, kakeuh ku sawok madum ju..
haaaa.. dasar mata keranjang lonnyoe..
sang beungeh bacut cut cici..
nyoe ka payah kucok rauh laen sang, rauh tunang matong jeut kon?
Halo, apa kabar @lamkote? Sudah kami resteem ke 7656 follower yah.. (Sejumput kontribusi kami sebagai witness di komunitas Steemit berbahasa Indonesia.)