Hikayat Muda Seudang, Pt.6; Mula Inti Ceurita
Geulanteue meuseu-out reudok that leupah
Bak buleuen dua blah buleun keunong sa
Buleuen nyang kayem teuka banjee bah
Watee nyang susah pawang ubee na
Muda Seudang umu ka tujoh blah
Meutamah ceudah perangui ngon rupa
Geubeuet ka manyang kitab risalah
Rihlah geuh susah peusiblah nuraka
Ummi Po Intan mulai puteh ouk
Han ek le geu kok pade dalam blang
Umu ka tuha badan rhap bungkouk
Udep pih tok dua ngon Muda Seudang
Jinoe si agam ka rayeuk seudang
Mandum buet di blang Muda keurija
Ureueng ka rayeuk balek peutimang
Nyak Muda Seudang nyang jak useuha
Kadang geu meu glee kadang troun u blang
Hana peutimang gengsi geu hila
Nyang peunteng haleue geu pubuet seunang
Seukada syarat udep lam donya
Malam geujak beut uroe keurija
Abu Peh Tima seunue lam dada
Geu kalon murid intan permata
Hate geuh seudeh tijoh ie mata
Lam tiep-tiep masa uroe meugantoe
Kada nibak po kaya goh teuka
Kadang pajoh bu cuma cot uroe
Maklum hai adoe pade si cupa
Ubee na hase di glee ngon lam blang
Abeih geu publoe peuseunang poma
Hana geu pikee kiban droe seunang
Hate geuh teunang peutimang bunda
Bak saboh meugreb 'oh lheuh seumbahyang
Geuduek cong rangkang meurateb saja
Abu Peh Tima geu kalon sep sayang
Nyak Muda Seudang ka sep dewasa
Laju geu narit geu hei u dapu
Geu yue pajoh bu murid tersayang
Kalheuh geu sedia kuah boh labu
Tamah asam u ngon manok reundang
Geu beudoh rijang laju u dapu
Geu takot abu trep that cong balee
Geu duek langsong meukeue ngon abu
Geu cok pingan bu ngon rasa malee
Watee Nyak Seudang ka geuneuek boh bu
Deuh geudeungo su ureung mengaji
Irama haloh leupah that syahdu
Bak ruang tamu na nyang beuet kahfi
Nyak Muda Seudang ka tahe gante
Hantom geu deungo lagee nyan syahdu
Mulai manyak sampoe raya ngon beuhe
Teutahe hai mak e suara sep meurdu
Bek tuwoe neubaca chit ata awai mangat meuho uram ikue;
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Ban lon buka hp lon kaleon rijang
Nyak muda seudang katroh lom teuka
Baroe mugreb lon kaleon jicong rangkang
Nyak muda seudang tngoh lam mushalla
Hek that nyak muda tiep uroe dalam blang
Nyak muda seudang geutulong poma
Adak pih si gogo geu jak dalam gle
dalam blang pade po intan yang jaga
Uroe keu uroe meugantoe buleuan
Nyak muda kheun si patah kata bak poma
Poma meutuwah yang ulon sayang
Pajan nyak muda seudang judo neumita??
meuseumong.......
nyan nyang mantap takheun lam peudio sigo
beu seurius, kon lage cae baroesa, cae barosa nyn cae singet, tp meunyo hikayatnyoe kon keumeuneu en. kiban seutuju???
Nyan terseeah bak droeneuh, nyoe hikayat baro sikhan jalan. Mantong panyang that ceurita.
ooo ya, oh abeh ceurita mye pah angen ta hambo.
Ka bereh. Asai ek neu meuca-e meu siteungoh jeum pakon teuma.
Nyang bek neujampu ngon atra gob sagai
haaaaa.....nyerah deh...
lanjut rawi beuabeh sampe punoh calitra
Mantong panyang that aduen @isnorman. Sebenarnya nyoe baro tamong lam inti cerita.
Lon target menyoe hana lon peu singkat, siploh boh episode teuk sang.
Congratulations @lamkote! You have completed the following achievement on Steemit and have been rewarded with new badge(s) :
Click on the badge to view your Board of Honor.
If you no longer want to receive notifications, reply to this comment with the word
STOPTo support your work, I also upvoted your post!