Hikayat Muda Seudang, Pt. 8; Haba Bahgia
Pucok trieng linuet meu eumpueng miriek
Leumiek meujuwiet han rhet bak tanoh
Muda Seudang malee han geuteujeut lingiek
Sang nyum ka teu tiek teu-ot ka leumoh
Si bungsu ka malee di ateueh tika
Boh mieng ka mirah jantong meugeudham
Si umu udep nyak bungsu hana ji kira
Meuduek bak tika na jamee agam
Teuma di abu get that geu peurati
Seudang di ummi hana ceurita
Lagee len panyout bak malam hari
Hana soe mulai nyang peugah haba
Geumeusu abu hai Muda Seudang
Intan si karang Aisyah lon boh nama
Aneuek keudua na sidroe abang
Syahid dalam prang bila agama
Hantom neukalon Aisyah di luwa
Malee jih raya lam rumoh sabe
'Oh watee uroe maguen sajan ma
Malam lam kama ji rateb siribee
Nyan keuh nyoe aneuek sibijeh mata
Amanat rabbuna lon jaga sabe
Han tom ji teubiet meu'en di luwa
Lam tiep-tiep masa meurateb sabe
Gata ka rayeuk hai Muda Seudang
Murid lon sayang inseuen permata
Maksud lam hate lon neuk peutunang
Peunikah rijang Aisyah ngon gata
Kalheueh lon pike sabe lon timang
Hai Muda Seudang gata jroh budi
Nyak bungsu Aisyah kon tukang peutimang
Hana peu mumang peukara raseuki
Ujeuen peulimbot sagoup pih teuka
Angen utara pout watee lheueh asa
Soe keuh inseuen nyang han bahagia
Geuneuek peu jeumba ngon dara mulia
Muda Seudang teukeupak lam seuheh
Sang han geu pateh haba bak teungku
Lagee geulanteue tak tumpok bileh
Muda meupayeh di ateueh tika
Teuma geusambong Abu Peh Tima
Kiban Nyak Muda pue na neuk sampoe
Nyak Muda Seudang han ji teubit haba
Ulee meukunok geu anggouk sigoe
Lheuh nyan geuntanyong le abu teuma
Hai Aisyah dara bak gata kiban hi
Bungsu sep malee muka mirah saga
Haba ayahda hana lon mita dali
Keumang hai keumang bungong meulu
Keumang bak tangke indah san sakri
Indah hai leupah hai sinyak meulu
Hiasan kalbu permata firdausi
Bek tuwoe neubaca chit ata awai mangat meuho uram ngon ikue;
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Seumong laju sampe habeh calitra. Na calitra lam bahsa Aceh saboh bak dapu long, ci adoe @lamkote baca.
Get aduen. Akan lon rawi sampoe keuneulheuh ceurita.
Labgsung ke TKP
Hello @lamkote, apa kabar? Kami sudah resteem ke 7673 follower.. Byteball tebar hadiah. Ayo klaim airdrop kita!. (Sebagian kontribusi kami sebagai witness untuk komunitas Steemit Indonesia.)