Hikayat Muda Seudang, Pt. 19; Langkah Phoun
Indah ban keumang bungong seulanga
Harom lagoina 'oh seupout uroe
Meunan keuh seudeh di Aisyah dara
Han le geu kira padum na rugoe
Meuh lam balum geujok ngon sigra
Seubagoe tanda harap meujeumba
Geunantoe ngon tarek bak leupah haba
Han mungken meugisa narit ka keuluwa
Muda Seudang han geu seu-oet sapeu
Meuh geu peubiyeu hana geu raba
Hate ka gundah rasa sang meusiseu
Han geu teujeut eu keu sinyak dara
Abu Peh Tima meuphoum murid na
Akai nyak Muda malee that raya
Geuturi ayah beuseureta poma
Aneuek nyang mulia seureuta adab na
Ta cok meuh nyan hai aneuek meutuwah
Jeut tajak beu bagah bila na guda
Lon meuphoum gata malee meuleumpah
Bek ta peu sosah pike keu balah jasa
Ta mita guda nyang itam sukla
Bulee meu cahya ikue jih keumang
Gukee jih rapat gaki peurkasa
Jiplueng sep teuga leupah geuransang
Teunang lam hate nyak Muda Seudang
Han le meu kalang meusak lam dada
Izin geu lakee beubagah rijang
Arah meulinggang nanggroe utara
Geu intat le abu sampoe babah roet
Likot di seutoet Aisyah bungsu
Geu kalon jeumba ra-ueh geu seutoet
Ie mata geuh rhout han jeut geu meusu
Meulinggang indah gaki meunari
Tari seudati pucok piasan
Hiasan canden kon lam leumari
Di dalam diri beu ta peu indah zan
Muda Seudang mulai geu meukeulana
U nanggroe utara langkah geu geutuju
Meuheuet jak mita keunari tujoh rupa
Syarat meujeumba ngon dara bungsu
Langkah geu hayak bacut meulinggang
Bak baho meulintang seunalen raga
Langsong geu rawe keudeh u glanggang
Nyak Muda Seudang geuneuk bloe guda
Bek tuwoe neubaca chit ata awai mangat meuho uram ngon ikue;
- Bhah lapan blah Ie Mata Bungsu
- Bhah tujoh blah Meurumpok Ngon Guree
- Bhah nam blah Jangeuen Asmara
- Bhah limong blah Reuncana Keulana
- Bhah peut blah Nanggroe Ujong Utara
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Kenari tujoh rupa na di Timu
Leupah that leuhu lage teupula
Muda sedang langkah keunan laju
Boh lam pasu Cok teuma
Saleem seureuta
Teurimong geunaseh keu fauzan sidroe
Ka neupeudeh droe bak ulon tuan
Keu masalah muda seudang jak meurantoe
Bek that neu peutoe keunong geulawa
Teuma watee ka lheueh lon peugot sampoe tamat hikayat nyoe, akan lon peugot versi lengkap yang kana revisi.
Nyoe baro sikhan ra-ueh, doa bak rakan neu sanggop lon peu seuleusoe
Hai, helo @lamkote! Resteem ke 7792 follower yaa.. 😉 (Secuil kontribusi kami sebagai witness pada komunitas Steemit Indonesia.)