Hikayat Muda Seudang, Pt.2; Awai Phoun Mula
Ureueng di barat ramee ouk pirang
Di ureueng padang carong niaga
Haba phoun baroe ta lajot rijang
Nyak muda seudang lahee u donya
Nibak poh siblah seulanyan malam
Lahee lah insan ateuh rueng donya
Aneuek jih agam itam that leugam
Nyak Muda Seudang geubouh keu nama
Ma blien teuseuheh teuseunyum riang
Ate geu seunang beulanja kana
Bantu peulahee si muda seudang
Aneuek janjongan sibijeh mata
Lon ulang rawi wahe e rakan
Ayah ngon bunda nyak muda seudang
Pang juhang nama ayah di seugan
Umi po intan bunda nyang riang
Uroe keu uroe meugantoe malam
Nyak muda seudang peu eih lam ayoun
Hana pree rateb hikayat geu nazam
Peuteungeut si agam dengon meupanton
Dooo idiii ku doda idiii
Cicem mirah pati ka patah teu-out
Sibok di poma bak ulee jeungki
Gabuek di abi bak meukat eungkout
Meukru seumangat nikmat han sakri
Nyang bri raseuki Allah ta'ala
Beurijang rayeuk ee aneuek abi
Malem meubudi bila agama
Helo @lamkote, apa kabar? Telah kami resteem ke 7607 follower.. (Sebutir kontribusi kami sebagai witness pada komunitas Steemit berbahasa Indonesia.)
Thanks @puncakbukit
Luar Biasa sambong lom beuh bek putoh -putoh Terimoeng geunaseh @lamkote
Teurimong geunaseh ateueh dukongan aduen @ilyasismail
miseu han serius ta ikuti, memang na can meulawok calitra..
peunasaran loen, peu hana masalah sagai ngon inkonistensi adak pih makna jih saban, ayah, abi, bunda, poma, umi... sang han meunan nyang ka tom loen deungo.
adak meunan, meunarek keu ta baca lom..
bersambung chit.