Hikayat Muda Seudang, Pt.3; Muda Lam Ayon
Laailaahaillallah
Kalimah thayyibah beukai ta matee
Ta udep ngon sunnatullah
Ate teuh iklaih amanah sabee
Rihon meubayeun meujangeuen insan
Wahan meusumpai kada ka teuka
Bak ayoun aneuek ummi po intan
Rateb geuh sajan seureuta doa
Doa peusampoe bak ilahi rabbi
Sinyak beu neubri malem seujahtra
Beu meuguna keu mandum insani
Allah ya rabbi neu kabol doa
Bek ta klik panyang hai muda seudang
Rayeuk beurijang jak bantu abi
Gagah beurani sinyak dalam prang
Peuturot hai intan ban wasiet nabi
Takalon abi hai muda seudang
Geujak bantu prang bila agama
Hana geupakoe ka keunong parang
Ate geuh seunang jeut keu syuhada
Beudoh hai aneuek di dalam ayoun
Langkah ta ayoun peuphoun ta meuseuek
Bek yo keu rebah ka beukah uboun
Darah nyang keu phoun ta anggap riyeuek
Muda seudang tahe lam ayonan
Doa po intan meuphoum gohlom na
Teungeuet di aneuek lam rasa aman
Lumpoe si agam beureukat doa ma
Geureudam geureudum di dalam nanggroe
Cupo sabawa meuheuet keu cucoe
Hikayat muda seudang golom trouh sampoe
Ta sambong dudoe bak singeh uroe
Bek tuwoe neubaca chit ata awai mangat meuho;
cukop brat bereh dan meusaneut ju ..
😂👌
Alhamdulillah na ureuen baca.
Teurimong geunaseh @nekmudagroh, singoh ta lanjot teuma. Mantong panyang hikayat nyoe
Haba meusambong bak singoh uroe
Dalam postingan nyoe kamoe cerita
Sang muda seudang tehee meukeudroe
Jideungo poma peurateb doda
Meuharap keu aneuk rayek beurijang
Bah jijak dalam prang bela agama
Meunyo mate syahid dalam peujuang
Allah bri balasan tamong syiruga
Teurimong geunaseh ka trouh neu saweue keuno @fauzan11
saban2 @
Pehtem ka geu mulai, jeut neu ikot. Ne baca aturan main beu got.
Lon harap droeneuh beu meunang kalinyoe
teurimong geunaseh e syara mtuah
haba tpgah sira ta meurika
kdg na bcut hba mkilah
nyan bek jeut keu soai sbagoe canda
slm kopi hangat sehangat persaudaraan dlm steemit
Gron ateuh bareuh gron, pajan ta baca hikayat sigo dua teuh brader @lamkote he he he?
Sep hawa lon meurumpok ngon aduen @isnorman, terutama lon neuk meurunoe lom hadih maja.
Lon jeut lon peugot panton meubacut namun han carong bak cara meu ca-ee
sesuatu akan indah pada waktunya, nyang peunteng lantak laju bek lheuh angen meusiklep pih
okay.. lanjot.. sang ukeu suwah ta peu pah lom nyou, watee ta baca atra geu tuleh lee TA Sakti, kop rapi meu atoe rima a, i, eh,eo,ue. atra tanyou mantong meucawo-cawo.. tapi watee ta gliep keulayi, na chit ji lumpat-lumpat rima, meunarek that memang meunyo ta tem meuruno keulayi.
Uloen tuwan meuruno awai pantun melayu, bak sikul... sang panton aceh karap saban dua cara, mudah-mudahan ukeu maken jai informasi ta baca dan ta tuleh bhah nazam, panton atawa caé
bersambung...