Hikayat Muda Seudang, Pt. 7; Aneuek Bungsu
Indah jikutru nyan leuek bangguna
Nyang teumiru suara si tiyong bungong
Hana le meurdu seuruleng cek rana
Bak ta umpama su beuet intan payong
Muda Seudang keu bu ka tuwoe
Aweuek bak jaroe hana meugrak le
Geudeungo su beuet aneuk dara sidroe
Lagee lam lumpoe tentram lam hate
Abu Peh Tima teuseuheh teuseunyom
Watee geukalon murid teubiye-biye
Di guree lansong geureuhem geureuhom
Peu sadar lamon Muda lam tahe
Wahe e aneuek Nyak Muda Seudang
Pajoh beurijang khanduri kana
Peu abeih dilee jeh manok reundang
Teuma 'oh lheueh nyan ta peugah haba
Muda Seudang muka mirah hu
Rasa ka malu keu Abu Peh Tima
Saweueb geudeungo suara syahdu
Dalam sikeutue tahe terpana
Langsong geu cok bu geu boh lam pingan
Sie manok reundang hana le hawa
Siliek asam u pih hana pah paban
Pikiran meu angan meucawo lam dada
Lheueh nyan na siat siap khanduri
Geubet ie kupi ngon timphan asoe kaya
Muda Seudang seunang han sakri
Guree peurati bouh soe nyang tan suka
Ie kupi geujep na dua boh teugouk
Ulee meu anggouk mangat geurasa
Geu peukreueh hatee peuleumiek tungkouk
Bek ji ek lam kouk malee geuh raya
Geuneuek teumanyong sang lidah that kaku
Neuek peuteubiet su babah han teuhah
Abu Peh Tima ka meuphoum laju
Maklum di teungku kasep meuphom bhah
Langsong geumeusu di teungku Abu
Geumeuhei nyak bungsu beuseureuta poma
Peu mulia jamee kalheuh pajoh bu
Adat endatu bek ta tiek u luwa
Keuno hai tajak hai cahya meusyeuhu
Langkah u dapu beu deungon poma
Bek tuwo ta ba ranub ngon gapu
Pineueng kuneng hu ta ba seureuta
Geulangkah bagah nyak bungsu ngon poma
Han tuwo geuba peurintah teungku
Geu duek han that toe bineh jeundela
Di ateueh tika disampeng abu
Muda Seudang muka meu tamah hu
Kalon si bungsu ceudah that rupa
Aneuek jih puteh meuneu mirah hu
Sang nurul 'ainu si mirah deulima
Bek tuwoe neubaca chit ata awai mangat meuho uram ngon ikue;
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
As a follower of @followforupvotes this post has been randomly selected and upvoted! Enjoy your upvote and have a great day!
Mulai lagi Si abang... Saya komentar gambarnya Bagus haha
Posted using Partiko Android
Hahahaha
Beberapa postingan kali ini memang sebagai upaya saya untuk promosi budaya hikayat aceh. Ya di harap maklum.
Dimaklumi bang 😁😁😁
Bilingual boleh yaaa 😂😂
Waduh...
Ntar kalo versi lengkap udah terbit saya buat resume atau translate kalo memungkinkan :-)
Haha.. bercanda doang bang, g Ada unsur pemaksaan 😁😁😁
Posted using Partiko Android
Kruuuhhhseuumangat..hehe
Hahahahaha. Meu kru lam ulee bang
Haba meubalek titek meugantoe, jinoe lon puwoe balek calitra, si Nyak @lamkote carong meulumpah, cae bak babah tuwo jih hana. Di langet manyang bintang meujandreng, di bumoe gaseng meuputa, wahe @lamkote ulee long ka puseng, mata long reuneng malam ka jula. Meumada otnoe haba lon canek, titek lon balek seulimbot lon raba. ha ha ha kajeut jak eh malam ka jula
Teurimong geunaseh aduen meutuah
Hatee neuh luwah neu kalon adoe
Adak pih malam karap poh dua blah
Suai hikayah bah lon kheun sidroe
Hahahahaha
nyaaa...
meuah e syara teulat ulon trok
bnoe lon koh ok tuwo lonkrut mese
payah lom lon riwang jak peubereh
bek mdaleh daleh gura hi rupa
muda seudang malm nyo hana lon smbong...
sleum mtuah jroh...