Hikayat Muda Seudang, Pt. 9; Syarat Meunikah
Mirahpati dong di ateueh tampoung
Tiyong coh pijet ateuh rueng keubeue tuha
Nyak Muda Seudang angan meulamboung
Lagee sikeumbong jipout angen ba
Di Aisyah dara hate pih seunang
Sang bungong keumang watee trouh masa
Abi ngon ummi hatee that riang
Hasee peu tunang ureueng nyan dua
Siat sikeujab geu meusu abu
Hai Aisyah bungsu peu teutap sigra
Peugah di gata jinamee laju
Peuneuwoe bungsu terserah gata
Bungsu teukeujot han meuphoum sapu
Hana meu sigeutu harap keu harta
Bak neupeutimang keu haba di abu
Bek malee teungku jinamee wajeb na
Aisyah han geupeutrep geu meusu bagah
Geu peugrak lidah geu kalon bak binteh
Jinamee keu ulon sikrek ija mirah
Sikrek sajadah ngon seuleukoum puteh
Teuma nyang susah syarat utama
Lon takot kanda han sanggop neuba
Susah meuleumpah kon suai hareuta
Seudeh hai kanda bak neujak mita
Abu lon cinta seureuta ummi
Kon lon mita dali bek jadeh nikah
Saweueb di ulon kalheueh meujanji
Soe nyang teupati barou sah nikah
Ummi neu kalon abi teuceungang
Nyak Muda Seudang jantong meugeudhop
Hana geu sangka urusan raya panyang
Hatee nyang seunang mulai meu sagop
Abu Peh Tima hana geu bantah
Pu nyang geupeugah le sinyak dara
Haba ka geukheun kiban teuseurah
Han mungken lidah meubalek haba
Mandum ka seungap babah meugampet
Lagee ureueng pet 'oh malam jula
Hana nyang meusu sang ureueng saket
Geu preh seunapet haba nyak dara
Neu peurati hai kanda barang lon rawi
Hana lon ulang keulai haba keudua
Sigo lon peugah beuceudah bak peurati
Bek sampoe sangsi kon haba hareuta
Bek tuwoe neubaca chit ata awai mangat meuho uram ngon ikue;
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Abu peh tima teuseunyum rumeh
Neu eu ka jadeh aneuk nyan dua
Cut putroe aisyah teurimong rijang
Asoe jeunamee muda seudang ba
Bah pih alakada cukop that seunang
Kareuna muda seudang siap seudia
Soai hareuta hana payah pike
Allah nyang bri asai na useuha
meuseumong.....
Ra-ueh han timang bak tukang banggi
Jikalon sari meureupang arah
Takalon rupa han ta turi hi
Ta kalon bak hi ka seungap lidah
Lidah meulipat meusukat hajat
Hajat meusampoe dudoe ka meuri
Hajat peusapat peuteupat adat
Adat megantoe meutaloe di gaki
Junjong meutuah pancuri manu
Manu han tari meusukat haba
Haba meudali ji dali manu
Meunan hai teungku neutulong rika
hana mphom nyn panton dilontuan
Nyoe cuma sebagian ubit dari hikayat hiem ata jameun lon peugot.
Doa bak aduen lon lakee, neu meutuah badan ngon sehat pikiran, watee ka tamat Hikayat Muda Seudang, akan lon post hikayat laen yang ka awai lon peugot lam thon 2001
seulamat, beu sukses saboh ta smbong laen tma.
lanjutkan......aamiin
meumet on kayee lon tupeu cicem, teusenyom teukhem lon tupeu bahsa, taloe bak gaki jaroe ka lam weng, chit ka ulon tem katroh bak jeumba. Abang @lamkote ulee bek puseng, dek Ni puteh licen gaseh kameusra. Dikheun le den Ni bak abang @lamkote, jantong boh hate oh malam jula. keunoe neujak cut bang meutuwah, hatee tapapah lam behtra cinta.
Meutuah rimueng kureng han jiboh
Meutuah tanoh seulaman udep
Saleuem keu kanda indah lon peutroh
Ka neubri peurumoh ceudah cukop sep
Aduan @isnorman hana pu sangsi
Urusan Dek Ni han lon peu dua
Adak di rayu sabe le Nyak Ti
Hana seutali Dek Ni nyang muda
Ban lheueh meusapat ulon ngon Dek Ni
Baro lon turi nikmat hareukat
Nikmat nibak po nyang ka geu janji
Dudoe ta turi lheueh jaroe ta jabat
nyan ka neujak ramah ho laen lom
abeh neu teugom dum inong janda
myo keu gop sagai han neu peulheuh
meudeh si dek ti nyan kon jeut lon po jeumba
jeh sidek ni yang ka geujok neucok jih yang kana
bek si dek ti jeh pih neu sawok
di lon meusidroe han mreumpok
ka neuramah buet dronh rata
Bek neu meususah peugundah hate
Inong nyang balee ramee lagoina
Droeneuh kajeut bak neumeu sya-
Teutee dum reulee hate si janda
Kalheuh lon keubah Nyak Na meutuah
Ureueng jih ceudah meu bulee dada
Meunyoe ngon nyan mantong hana pah
Na sinyak mah nyang dada rata
haaas...that na teuh dada rata????.bencong kali yeee???
Lon meuheut meukawen ngon ureung inong
Bek neujak peutaba ngon ureung agam
Meunyo kon ngon dek ti laen han meukeunong
Bek neujak tanyong nyang kon lon suka