SUGILAGMING (Binisayang Flash Fiction): Sugilanon nga Mas Mubo pas Imong Utot :D
Slideshare: Day 5- Short Story and Flash Fiction by qu33nvictoria
Kapoyon ba kag basa og tag-as nga mga basahon o libro (nobela pananglitan)? Magduka na ba kag binasa sa usa ka mubong sugilanon? O laayan ba ka tungod sa imong mubong attention span? Pero ganahan kaayo kag mga sugilanon sagolag story-bot. Hahaha. Pwes! Para ni kanimo igsoon! Akong ipaila-ila sa inyo ang FLASH FICTION
Ang flash fiction usa ka genre sa pagpanugilanon diin mogamit kalang og labing minos sa 1000 words (depende kon kinsa imong pangutan-on, basta mubo. Mubo pas inyong panag-uban sa imogn ex nga maidlot. Hahaha). Bag-ohay lang sad ni misikat sa western literary scene. Ug paspas kining nauso diri sa Pilipinas tungod sa kamubo niini. Dali ra mahuman. Paspas. Sama sa kapaspas niya nga nakakitag laing. (Perti!)
Usa sa mga unang sugilagming (matod sa mga iskolar sa Katitikan) mao kinig sugilagming nga Baby Shoes ni Ernest Hemingway: (dili ra tanantong mubo no?)
Sa Binisaya, popular kining ginatawag nga sugilagming. Ang uban, sugikiblat (gikan sa pulong nga "sugi-", sugilanon; "kiblat" baryasyon sa pulong nga kidlat. Sugikiblat, sugilanon sama kapaspas sa kidlat. Ug para karon nga post: akong i-share kaninyo ang lima mga sugilagming nako. Ready? :D
1. MAMA YOKAI
Udto nako nakamata. Mahadlok gyod ko pag maudtohan. Miadto ko lamesa, si Mama gahukad. Gangisi, way yawyaw. Gipalingkod ko. Nagtinan-away mi sa akong manghod nga naglingkod na. Mihunghong siya "Yokai"
31 words
2. BAGSAK PRESYO
"Bagsak Presyo!" syagit ni Liklik. Natingala ko, "Magbagsak presyo sad diay nang Shabu bay?"
"Oo. Bagsak preseyo gyod. Lisod maabtan ta ni bato."
"Mag-unsa nalang man ka?"
"Magpunerarya nako."
30 words
3. ADIK SA GUGMA
21 words
4. USA KA GABII SA USA KA POETRY NIGHT SESSION
31 words
5. YOKAI
Gitextan ko sa akong uyab nga buros daw siya. "Positive! :(((", ingon siya. Dali-dali kong mireply: "Kagagawan ito ng mga Yokai!"
20 words
Unsay tan-aw ninyo? Sayon ra no? Ug dali rajod pod nuon! Kamo, sulayi ug ayawg kalimot sa pag-comment sa inyong mga minugna sa ubos. Interesado kong mobasa sa inyong mamugna.
PHTOTO SOURCES
ABOUT Gil
@gilnambatac
Related posts:
- "TOMORROW, I WILL BE MEETING WITH PRESIDENT DUTERTE IN HIS HOMETOWN, DAVAO."
- (GRAMMAR 101) BISDAK TA BAY #1: Mga Kasagarang Sayop sa Pagtitik sa Binisaya
- (POETRY) Pakigbisog Para sa Bag-ong Ugma
Nice!!! @jassennessaj bai awa payts ni contest.
Larga! I-compile dayon nato para sa future sa Katitikang Binisaya.
grabeh while gabasa q ba haha lisod ilitok ang ubang words haha nice one sir.thanks sa pag share.
Normal rana kay wala man ka nagpa-expose sa written Binisaya. I hope na-encourage ka nga mobasa pag Binisaya nga material xD salamaat. Btw, @jackielouvarquez, I'm running a weekly Binisaya Grammar lessons ug ang debut post kay about sa mga common mistakes nato sa pagsulat. Naa nasad next part ani every Wednesday.
hahaha sipata! laloma uy!
Salamaaaat @deeday31. Ingon pa sa Editor sa Bisaya Magasin nga si Edgar Godin, way lalom nga pulong. Ang naa ra kakulangon sa pagbasa ug pag-immerse sa materyal nga Binisaya (o maski unsang pinulongan). Kon interesado ka, naa koy weekly BISAYA GRAMMAR 101. Debut post ani kay last Wednesday (yes every Wednesday ni siya). Kita-kits nasad unta hihihi.
hala.. atangan ko na imong lawom na sugilanon! :D
Hahaha. Puhon-puhon (siguro by Monday o Tuesday). Naa koy usa ka sugilanon nga ang setting sa C-3 xD Salamat daan. Unta imong basahon hahaha.