အချိန်

image source:(google)
အချိန်ကိုတိုင်းတာရာ၌လက်တွေ့အကျဆုံးနည်းမှာ ဝင်ရိုးပေါ်၌ ကမ္ဘာလည်နေခြင်းကို အကြောင်းပြု၍ တိုင်းသော နည်းပင်ဖြစ်သည်။ ကျွန်ုပ်တို့သည် ယခုအခါဝင်ရိုးပေါ်၌ကမ္ဘာလည်နေသည့်အချက်ကို သက်သေ ထုတ်ပြနိုင်ရုံမက ကမ္ဘာလည်၍ ကြာသောအချိန်ကာလကိုလည်း တွက်ယူနိုင်ကြ ပေပြီ။အချိန်ကိုတိုင်းရာတွင်နေရက်နှင့်ကြယ်ရက်၊လ(စန္ဒရမာသ)နှင့်ကြယ်လ၊နေနှစ်နှင့်ကြယ်နှစ်တို့ဖြင့် တိုင်းပြလေ့ရှိကြသည်။ နေ၊ လ၊ ကြယ်ဟူသော အသုံးအနှုန်း များမှာ နေကိုလည်းကောင်း၊ လကို လည်းကောင်း၊ ကြယ်ကိုလည်းကောင်း အသီးသီး အကြောင်းပြုထားခြင်း ဖြစ်ပေသည်။ရှေးခေတ်က လူတို့သည်လနှင့်နှစ်ကိုစတင်၍သတ်မှတ်ကြသည်။ ထိုနောက်မှလူတို့၏အသုံးကိုလိုက်၍ရက်သတ္တပတ်၊ ရက်၊ နာရီ၊ မိနစ်၊ စက္ကန့် စသည်တို့ကို အသေးစိတ် ခွဲခြား သတ်မှတ်လာခဲ့ကြသည်ဟု ဆိုလေသည်။ နေရက်တစ်ရက်မှာနေမွန်းတည့်အချိန်မှနောက်တစ်ခါ နေမွန်းတည့်ချိန်အထိ ကြာသောအချိန် ဖြစ်သည်။သို့သော်နေရက်တစ်ရက်၏ကြာသောအချိန်သည်တစ်နှစ်တွင်းပြောင်းလဲတိုးတက်လျက်ရှိသည်။ ဒီဇင်ဘာလ၊ ဇန်နဝါရီလများတွင်ရှိသော နေရက်တာတို့သည်ဇွန်လ၊ဇူလိုင်လများတွင်ရှိသော နေရက်တာတို့ထက် အချိန်ပို၍ ကြာသည်။ နေရက်တို့သည်အချိန်ကာလအားဖြင့်တစ်ရက်နှင့်တစ်ရက်မတူညီသောကြောင့်တစ်နှစ်တွင်ဖြစ်သောထိုပျမ်းမျှနေရက်တစ်ရက်၏အချိန်ကာလသည် ကြယ်နှင့် တွက်ချက်ထားချက်အရ အချိန် ၂၄ နာရီ ၃မိနစ်၂၆.၅၅စက္ကန့်ဖြစ်လေသည်။သတ်မှတ်ထားသော ကြယ်တစ်လုံးသည် ကြည့်ရှုသူ၏ မီရီဒီယန်ကို ပထမဖြတ်သည်မှ နောက်တစ်ခါ ဖြတ်သည်အထိ ကြာသောအချိန်ကာလမှာ ကြယ်ရက်ဖြစ်သည်။ တစ်နည်းအားဖြင့်ဆိုသော် ကမ္ဘာသည် ဝင်ရိုးပေါ်၌ တစ်ပတ်တိတိ၊ သို့မဟုတ် ဒီဂရီ ၃၆ဝ လည်၍ ကြာသောအချိန် ဖြစ်သည်။ ကမ္ဘာသည် နေ့စဉ် အနောက်မှ အရှေ့ဘက်သို့ ရွေ့ရှားလျက်ရှိ၏။ သို့ရာတွင် ကြယ်တို့သည် ကမ္ဘာမှ အလွန့်အလွန် ဝေးကွာသည့်အတွက်သတ်မှတ်ထားသောကြယ်ကိုအကြောင်းပြု၍ဖြစ်သောကမ္ဘာ၏တည်နေရာသည် ရွေ့ပြောင်းခြင်းမရှိပေ။ကြယ်ရက်တစ်ရက်၏ အချိန်ကာလသည် ပျမ်းမျှအချိန်၏ ၂၃ နာရီ ၅၆ မိနစ်၎.ဝ၉စက္ကန့်နှင့်တူညီလေသည်။နေသွားလမ်းနှင့် အီကွေတာ စက်ဝိုင်းတို့ ဖြတ်သွားရာ အချက်နှစ်ခုဖြစ်သော နေ့နှင့်ည ညီမျှချိန် နှစ်ခုမှာ မတ်လ ၂၁ ရက်နှင့် စက်တင်ဘာလ ၂၂ ရက်တို့ ဖြစ်သည်။ပထမ မတ်လ၂၁ရက်နေ့မှဒုတိယမတ်လ ၂၁ ရက်နေ့အထိ သို့မဟုတ် ပထမစက်တင်ဘာလ ၂၂ရက်နေ့မှဒုတိယစက်တင်ဘာလ၂၂ရက်နေ့အထိ ကြာသောအချိန်တွင် ကမ္ဘာသည် နေကို တစ်ပတ် တိတိ ပတ်မိရမည်။ သို့ရာတွင် နေ့ည ညီချိန်ဖြစ်သောအီကွေတာနှင့်နေသွားလမ်းတို့ဖြတ်ရာအချက်နှစ်ခုသည်အရှေ့ဘက်မှအနောက်ဘက်သို့ တစ်ရွေ့ရွေ့နှင့် ရွေ့နေသည့်အတွက် ကမ္ဘာသည်နေကိုအနောက်မှအရှေ့သို့လှည့်ပတ်ရာတွင် တစ်ပတ်တိတိ မပြည့်မီ မိနစ် ၂ဝ စက္ကန့် ၂၃ ခန့်အလိုမှာပင် နေကို အကြောင်း ပြုထားသော အနေအထားအရ၊တစ်ပတ်ပြည့်သကဲ့သို့ဖြစ်သွားလေသည်။ အဓိပ္ပါယ်မှာ ပထမ မတ်လ ၂၁ ရက်နေ့၌ဖြစ်သော နေ့ည ညီချိန်အမှတ်မှ ဒုတိယ မတ်လ ၂၁ ရက်နေ့၌ဖြစ်သော နေ့ညညီချိန် အမှတ်သို့ ရောက်ရန် အချိန်မှာ မိနစ် ၂ဝ၊ စက္ကန့် ၂၃ ခန့်လျော့သွားသည်ဟုဆိုလိုသည်။ဤကဲ့သို့နေ့ညညီချိန် အမှတ်တစ်ခုမှ ထိုနေ့ည ညီချိန်အမှတ်သို့ နောက်တခါ ဆိုက်ရောက်သည်အထိကြာသော အချိန်ကာလ အပိုင်းအခြားကို နေနှစ်ဟုခေါ်၍ နေနှစ်၏အချိန်တာမှာ ၃၆၅ ရက် ၅ နာရီ ၄၈ မိနစ် ၄၅.၅၇၅ စက္ကန့် ဖြစ်လေသည်။ ကြယ်နှစ်မှာ သတ်မှတ်ထားသော ကြယ်ကို ကမ္ဘာ့ ဗဟိုချက်က ပထမဖြတ်သည်မှ နောက်တစ်ခါ ဖြတ်သည်အထိ ကြာသောအချိန်ကာလဖြစ်၍ ထိုအချိန်ကာလမှာ ၃၆၅ ရက်၊ ၆ နာရီ ၉ မိနစ်၈၉၇စက္ကန့်ဖြစ်လေသည်။လောင်ဂျီတွဒ်တစ်ခုတည်းပေါ်တွင်ရှိသောနေရာများသာလျှင် ပျမ်းမျှ နေအချိန်ကို တညီတည်း သတ်မှတ်နိုင်ကြသည်။ အဘယ်ကြောင့်ဆိုသော် နေသည် တစ်နာရီလျှင် လောင်ဂျီတွဒ် ၁၅ ဒီဂရီကျ အနောက်ဘက်သို့ ရွေ့သွားနေရာ ဒေသတိုင်းတွင် နေအချိန်ကို အသုံးပြုကြမည် ဆိုပါကတစ်ဒေသနှင့် တစ်ဒေသတွင် အရှေ့ အနောက် ကွဲလွဲပုံကိုလိုက်၍ အချိန်ချင်း တူညီကြမည် မဟုတ်ပေ။ ထိုအခါ အထူးသဖြင့် ခရီး အသွားအလာများအတွက် အချိန်သတ်မှတ်ရန် ခက်ခဲပေလိမ့်မည်။ ထိုကြောင့် နိုင်ငံအသီးအသီးတွင် ဒေသတစ်ခုလုံးအတွက် တစ်ချိန်တည်းသတ်မှတ်ထားသောစံတော်ချိန်ကိုသာ အသုံးပြု ကြလေသည်။ မြန်မာနိုင်ငံရှိ စံတော်ချိန်အရဆိုလျှင် ရန်ကုန်မြို့ တွင် ၁၂ နာရီအချိန်သည် မော်လမြိုင်မြို့၊ စစ်တွေမြို့တို့တွင် လည်း ၁၂ နာရီအချိန်ပင် ဖြစ်သည်။ နေရာအလိုက် အချိန် ကိုသာ အသုံးပြုမည် ဆိုပါက ရန်ကုန်နှင့် မော်လမြိုင်တို့တွင် နေအချိန်ချင်း တူညီကြမည် မဟုတ်ပေ။နိုင်ငံတိုင်းသည် လန်ဒန်မြို့ ဂရင်းနစ် စံတော်ချိန်ကိုဗဟိုစံတော်ချိန်အဖြစ်အသုံးပြုကြသည်။ ဂရင်းနစ်ကို ဖြတ်သော လောင်ဂျီတွဒ်မျဉ်းကို သုညဒီဂရီအဖြစ် သတ်မှတ်ကြသည်။ ဂရင်းနစ် အရှေ့ဘက် ၁ဒီဂရီကျသောလောင်ဂျီတွဒ်မျဉ်းတွင် နေထွက်ချိန် ၄ မိနစ်စော၍ဂရင်းနစ်အနောက်ဘက် ၁ ဒီဂရီကျသောလောင်ဂျီတွဒ်မျဉ်းတွင်နေထွက်ချိန် ၄ မိနစ်နောက်ကျသည်။ထိုနည်းဖြင့်နိုင်ငံတိုင်းသည် ဂရင်းနစ်လောင်ဂျီတွဒ်မှကွာဝေးသောဒီဂရီများအတိုင်း စံတော်ချိန်များကို သတ်မှတ်ကြသည်။ ပုံစံအားဖြင့် ဂရင်းနစ် မီရီဒီယန်၌ မွန်းတည့် ၁၂ နာရီ ဖြစ်လျှင် အရှေ့ဘက် လောင်ဂျီတွဒ် ၁ဝ၅ ဒီဂရီ၌ ညနေ ၇ နာရီဖြစ်မည် ဟူ၍လည်းကောင်း၊ အနောက်ဘက် လောင်ဂျီတွဒ် ၉ဝ ဒီဂရီ၌ နံနက် ၆ နာရီဖြစ်မည်ဟူလည်းကောင်းသိမှတ်ကြလေသည်။ရှေးက အချိန်ကို ပိုင်းခြား သတ်မှတ်ရန်အတွက် နေနာရီ၊ သဲနာရီ၊ရေနာရီများကိုအသုံးပြုကြခဲ့သည်။ သို့ရာတွင်စက်မှုလက်မှုနှင့်သိပ္ပံပညာထွန်းကားလာပြီးနောက်တွင်ကားသံပတ်စက်ဖြင့်အချိန်မှန်သွားလာသောနာရီများကိုသာကမ္ဘာအနှံ့သုံးစွဲလာကြလေတော့သည်။