Source

Itong artikulo na ito ay aking inilalahok sa paligsahan ni @rcarter.witness.

Simple lang ang gagawin dito, gagawa ka ng isang post o artikulo tungkol sa mga katangian ni Steemit na kung saan karaniwang nalilito ang mga baguhan.

Pwede nyong tignan ang kabuuang detalye dito sa artikulong ito.

Ang mga isusulat ko dito ay base sa naranasan ko nung ako ay bago pa lang at magsasama ng mga artikulo ng ibang myembro kung sakaling gusto nyo ng mas maraming detalye.

---

Ano ba si Steemit?

Source

Naniniwala ako na bago mo matutunan ang mga katangian ni Steemit, kailangan mo munang malaman kung ano ba talaga sya.

Yung iba kasi, dahil sa narinig or nakita nila na si Steemit ay isang social media website eh gagawin na nila ung mga madalas nilang ginagawa tulad ng pag lagay ng picture or pag follow or paglagay ng video.

Hindi naman yun mali pero dapat malaman nila na hindi lang sya social media kundi blogging platform din at para maging successful dito, kailangan magisip at kumilos ka na parang blogger.

---

Ano Naman ang Blog at Blogging Platform?

Pwede mong ikumpara ito sa isang diary.

Source

Ang blogging platform ang diary book at ang blog ay ang mga sinusulat mo. Pwede itong mga karanasan mo, mga payo, talento mo at kahit kahinaan mo.

Ang isang magandang halimbawa ng blog ay ang luvabi.com na kung saan ang blogger ay isa sa pinakamagaling at pinakamabait dito sa Steemit na si @luvabi. (Maligayang araw ng mga guro!)

Ang kaibahan lang ay dito sa Steemit, sign up lang ang kailangan mo at pwede ka ng magsimulang mag blog at kumita.

---

Paano ka naman kikita?

May iba't ibang paraan para kumita sa Steemit. (Parang networking lang hahaha)

At kadalasan yan ay nangyayari sa pamamagitan ng pag like or sa salitang Steemian "upvote"

Itsura ng upvote button (pero mas maliit dyan)

Source

Unang paraan - Pag Post

Ang pag post ay ang paraan upang makapag simula kang magsulat ng kung ano man ang iyong gusto.

At ito naman ang makikita mo sa susunod na page.

1. Ang pamagat ng iyong isusulat.

2. Dito mo ilalagay ang mga isusulat mo.

3. Ang iyong mga tags. (Gamitin ang Pilipinas pag tagalog or Philippines pag ingles ang iyong artikulo.)

4. Pag gusto mong palitan ang iyong estilo ng pagsusulat.

5. Kung gusto mong palitan ang kikitain mo sa isusulat mo. (100% SP or 50% SP 50% SBD)

6. Kung gusto mong automatic mong i-upvote ang post na gagawin mo.

Si @deveerei ang unang nagturo sa akin kung pano gawin ng tama ang Steemit at meron syang artikulo na nagpapaliwanag kung paano mo magagamit ng tama ang markdown writing style sa iyong pag susulat at ito ay makikita mo dito.

Ikalawang Paraan - Pag komento

Ang ikalawang paraan naman ay ang pagbigay ng opinyon sa artikulo ng iba.

Sa ibaba ng bawat artikulo ay my reply button at makikita sa larawan kung saan pde mong isulat ang iyong opinion at iyan ay pwede ding i-upvote ng iba.

Babala! Wag mong i-upvote ang sarili mong opinion at baka ka matawag na spammer :-)

Ang pagbigay ng opinyon ang pinaka mabisang paraan para mas makilala ka at magkaron ng mga followers pag nagsisimula pa lang. Pinapakita nito kung paano ka magsalita at makisama sa ibang mga Steemians.

Ikatlong paraan - Curation

Ang curation naman ay ang rewards na makukuha mo tuwing ikaw ay bumoboto sa artikulo o komento ng iba.

Ang kikitain ng manunulat sa kanyang artikulo o komento ay mahahati, 75% sa manunulat, 25% naman ay paghahatian ng mga bumoto.

Source

May mas malalim na artikulo si kaibigang @jassennessaj tungkol dito sa curation at sigurado akong mas madami kayong matutunan pag binasa nyo ito. Punta lang kayo dito.

Ikaapat na paraan - Contests

Ang pagsali sa contests ay ang pinakabisang paraan naman para kumita pag nagsisimula. Dalawa kasi ang potential na pwedeng kitain dito. Yung isasali mo ay pedeng iboto at kung sakaling manalo ka pa ay may bonus ka pang premyo na makukuha.

Iba't iba ang mga contest, my contest sa pag guhit, pag tula, pag kuha ng larawan at kung ano ano pa. Mabuting basahin mabuti ang mga patakaran para hindi ma disqualify.

Source

Si @julstamban, @roykie17, @allmonitors at @errymil ang ilan sa mga kapatid nating malulupit sa paligsahan. I-follow nyo sila para makita nyo kung gaano sila kalupit sa kani kanilang mga talento.

---

Gantimpala

Source

Ngayon alam mo na kung paano ka kikita dito sa Steemit, pag usapan naman natin ang mga pera o gantimpala na makukuha mo dito.

Dapat ding malaman na ang mga rewards na kikitain mo ay mapupunta sa Steemit wallet mo pagkalipas ng pitong araw or isang lingo mula ng nag post or bumoto ka.

Ang mga rewards sa Steemit tulad ng steem ay isang uri ng cryptocurrency. Ito ay virtual money na hindi nahahawakan ng pisikal pero ito ay may halaga tulad ng tunay na pera.

Merong tatlong uri ng gantimpala, ito ay ang steem, steem dollars at steem power.

Source

Steem Power

Ang Steem power ay ang reward na lagi mong makukuha kapag kumikita ka na. Ito ang sumusukat kung gaano kaatas ang kikitain mo kapag bumoto ka sa posts or comments.

Ibig sabihin, mas malaki ang steem power mo, mas malaki ang pwede mong kitain.

Steem and Steem Dollars

Ito na siguro ang pinaka nakakalito sa mundo ng Steemit. Sa tingin ko para mas maintndhan natin, dpat alam natin ang pagkakapareho at pagkakaiba nila.

Pagkakapareho

Ang dalawang ito ay parehong digital money. Ibig sabihin, pareho silang may halaga na pwede mong kunin mula sa Steemit account mo para maging pisikal na pera.

Pagkakaiba

Ang pagkakaiba nila ayon kay @andrarchy ay simple lang.

Ang Steem ay may pabago bagong presyo na ang nagpapasya ay ang cryptocurrency market.

Ibig sabhin pwedeng ngayon $1 ang katumbas nya pdeng bukas $10 na. Ito din ang dahilan kung bakit ang mga rewards na pwede mong makuha mo ay laging steem dollars or steem power.

At kabaligtaran naman ang Steem Dollars (SBD). Ang presyo nito ay hindi masyadong gumagalaw at hanga't maari ay lagi syang katumbas ng $1.

Sa madaling salita, pwedeng pagkalipas ng ilang taon eh nasa $1 pa din sya or malapit sa $1 ngunit ito ay pwede pa ding magbago depende sa future ni Steemit.

Kung gusto nyong mabasa ang post nya about sa mga rewards sa Steemit, punta lang kayo dito

Ang pag withdraw ng iyong rewards ay simple lang at di tatagal ng ilang minuto. Ang ginagamit ko ay bittrex at coins.ph sa pag withdraw.

Gusto ko man sila isama sa post na ito, medyo off topic na sila :-)

Pero pede nyong basahin ang post na ito ni binibining @dreamiely kung paano mag withdraw. Mababasa nyo yan dito.

Isang simpleng payo lang, mas okay kung at least 20 Steem dollars (SBD) ang i -withdraw mo kasi my minimum limit sa pag withdraw base sa karanasan ko.

---

Iba Pang Termino

Ang mga nakalagay dito ay ang mga iba pang termino lalo na sa wallet na kung saan ay madalas nalilito ang mga bagong Steemians.

• Transfer - Ito ang paraan ng paglipat ng steem or steem dollars sa ibang member ng Steemit or sa mga wallet exchange para ma withdraw ang rewards mo.

• Transfer to savings - Ito naman ay paglipat ng rewards mo sa savings mo sa Steemit. Ang silbi nito ay para sa iyong seguridad na kung saan ang mga nilipat mo sa savings ay aabutin ng 3 araw para ma withdraw.

• Power Up - Paraan upang ipalit ang steem para maging steem power

• Market - Dito mo makikita ang takbo ng steem at steem dollar sa market.

• Buy/Sell - Kung gusto mong bumili or magbenta ng steem or steem dollars at iba pang cryptocurrency

• Power down - Ipagpapalit mo lahat ng steem power mo para maging steem. Aabutin ng humigit kumulang 13 weeks.

• Witness - Mga members ng Steemit na nag nag mamaintain ng regularidad sa Steemit. Bawat member ay pwedeng bumoto ng witness.

• Discord - Libreng chat app na kung saan madaming Steemians ang gumagamit. Sali kau sa Steemit Philippines server para sa mga payo, tulong and announcements.

Ang post na ito ay opinion ko lamang. If may mali man akong nasulat or may nais kayong idagdag, pakisabi sa comments section para ma edit ko ung post.

Sana po ay nakatulong ang aking post sa mga bagong member. Happy Steeming!

---

---

If you find value on this post, feel free to share it.

Join our amazing Filipino Steemit Community on Discord

Steemit Philippines Discord

gif was made by @malos10