火燎森騙子(袁炳輝)在Facebook所寫的文章(二)

屈機

售賣機新資料

有唔少讀者叫我寫多啲關於自動售賣機嘅最新消息 , 因為始終我都要整理一下邊啲可以公開講,邊啲唔可以公開講, 所以希望大家, 畀少少包容.

有啲嘢其實你只要簡單推敲, 都可以搵到我有心留白地方嘅答案.

呢幾日經銷商主動搵我,希望我可以畀一啲交易所嘅人脈比佢 , 原來收到嘅現金同埋比特幣，都唔係好夠擺落去之後部署嘅比特幣提款機度。

以我估算，即係話佢哋準備投放嘅比特幣提款機規模，應該唔係好細。

而揾呢啲交易所嘅原因，係希望增加atm 嘅比特幣同埋現金交收吞吐量。

呢一個優勢係當日投資時未發生, 覺得好有驚喜.

越多比特幣嘅提款機，就會越令可以收比特幣嘅智能自動售賣機受益， 只要香港越多人擁有比特幣，就越有機會有人用比特幣去消費。

情況就好似交易所，一買一賣先至會有成交價 。即係話睇好同睇淡嘅人 ，係一定同時存在。

如果以咁大規模嘅投資，就解釋到點解經銷商可以獨家經營呢款智能自動售賣機 。

成件事好鬼星火燎原feel
公開屈機定價策略

28 Oct 2017 1:03pm

之前有提過, 自動售賣機會增加信用卡收款功能. 因為發現市場原來一啲大額嘅交易係冇人做, 即係話冇對手.

因為個個覺得自動售賣機唔會買超過50蚊嘅嘢, 但係亦因為人人咁樣諗，所以大額小小嘅交易個市場係無限大!

做個假設，如果喺ifc 放自動售賣機 ，只係賣dior嘅唇膏 ，( 當然我係亂講) 唔單止交易金額會好大 ，而且呢部機已經係非常值錢 ，遲d 好似h 24咁 有交易平台， 二手機價錢一定會反映地產嘅價值喺裏面， 所以最終價值不容忽視。

其實呢啲價值，我覺得好快所有人都會睇到，投資者要做嘅事，就喺人哋睇到價值之前快人一步， 以快打慢。

我所知而家呢一批，係最後一批十萬蚊以下嘅售賣機， 之後因為要加信用卡收款系統，每部機嘅成本會多咗一萬五千蚊 ， 仲未計安裝費 , 成本將會轉嫁去第四批及之後嘅投資者嗰度， 即係話舊客戶係免費加，優勢愈嚟愈大。 大家係知得早過人，千祈唔好最後係慢過人。

再之後嘅價錢，以我所知應該係十二萬左右 ，再下一批係十五萬左右， 其實唔覺唔覺大家手上面嘅資產已經升咗五成， 因為有成交 ，就等於係市場價。

我唔信到時会冇成交，因為就算加到三十萬，呢個投資都係一個吸引嘅投資， 只要你幻想所有機都落曬地嗰個畫面，你唔使計都知呢個投資唔會係十萬蚊。

我問咗佢哋好多次，佢哋係話以whatsapp報價作準，所以將來就算加咗價，佢哋都會跟番最近嗰一次報價，即係話而家你叫佢報咗，之後你至少唔使捱加價嘅機。

1 Nov 2017 8:09pm

雖然自己係一個投資者 ，但亦係一個有經營能力嘅生意人 。

我有能力去令到原本唔能夠買賣嘅合約， 變成有價有市有息派嘅資產。

一樣有能力將自動售賣機， 變成地產項目。 大家要明白點解我而家晚晚咁夜都未瞓。

仲有另外一條大嘅戰線， 我喺度幫手串聯緊, 開發到嘅話 , 每部機營業額係有機會過百萬。( 只要你係買緊可以收比特幣嗰個機款， 你先至可以食到呢一個浪。) 暫時有三成把握。

要記住所有消息出曬嚟， 有兩個風險 , 第一 到時道門應該會閂埋， 因為已經驚動咗投行, 俾佢搞包裝完一大輪 , 整隻保本定息基金， 應該会用6, 7倍價錢再賣返出嚟。 第二 ， 就算度門未閂埋 ，價錢一定會升得好快。

我應該係比較大嘅投資者， 幫自己資產釋放返應有嘅價值 ，係我成日做嘅事。
一個令我興奮到瞓唔到嘅消息

2 Nov 2017 12:31pm

大家快啲增持自動售賣機，未買嘅就快啲去買，

Ivmcc.com

一項新嘅合作， 如果真係傾得成， 自動售賣機 一定賣得快過挖礦機， 件事一定會由十萬變做廿萬， 我已經保守咁樣講。 而且成部機嘅營業額 ，好容易過一百萬。

雖然件事 有七成機會成唔到 ，但已經令我瞓唔到啦， 足足兩三日， (不過至少知呢個方向可行 ，呢間合作唔到 ，我再用我嘅關係網，搵另外一間去合作 )所以冇辦法，要拍返粒安眠藥。
屈機項目 最新情況

4 Nov 2017 10:02pm

因為我會定期同創辦人 一齊開下會了解情況， 呢一項都係我比較重視嘅投資， 所以係比較關注少少。

有兩個幾好嘅消息可以公開同大家講( 並不包括令我寢食難安嘅大型戰線)， 第一係 呢款智能自動售賣機， 竟然可以買一啲新鮮產品， 例如即食菜， 再揀埋沙律醬， 試行嘅數據反應熱烈， 竟然好多學生幫襯。

另外喺某一個好出名嘅商場， 雖然租要六千蚊 ，營業額可以達到四位數字一日， 畀最新嘅數據再高咗啲， 佢哋跑到嘅位置真係非常之好。
開會前再買入屈機

7 Nov 2017 7:23pm

今個星期，會開一個重要嘅會議， 就係令人一直瞓唔著嘅大型戰線， 當然我係非常之希望所有公司都係香港做基地 ，唔係太想同外國公司合作。

而且難得而家屈機嘅創辦人 同其他人都合作得嚟 ，呢一個都係一個緣份。

小弟將會代表所有投資者去傾, 主要係同 技術平台 合作, 我亦會有plan b plan c ，因為而家屈機嘅規模已經去到 上市公司級數。

我發現搵人合作有如探囊取物， 嚟緊呢三個禮拜都會有其他技術平台傾合作。

而且已經有兩間投行好有興趣， 希望成事之後， 可以同到佢哋啲基金再合作 。

我會密切留意邊一間公司誠意係會大啲， 同埋最重要做到嗰件事 ，唔係得個噏字個种公司。

簡單啲講句， 我係要一定做到呢件事。

既然係咁，我倒不如喺傾之前就入定貨。 下面其實只係我其中一個電子錢包， 我係一個鍾意作細 同埋作風低調嘅人， 冇必要 唔會凸個頭出嚟， 明就明唔明就由佢。

Ivmcc.com

呢排天機唔係咁願意收比特幣其實係有原因， 真係唔好意思喇咁多位。
關於屈機嘅大戰線

10 Nov 2017 4:36pm

啱啱開完會, 暫時只係好初步互相認識, 但各單位 感覺上應該都合作得嚟， 我嘅建議係快啲增加投資數量， 假設將來上到市， 我嘅要求係要所有屈機嘅機主，都可以上市前擁有股份， 就算只係佔少部分， 都一定要有， 呢個係其中一個合作條件。 不過利益嘅嘢住後再傾實d。

就算上唔到市， 如果呢條大戰線開發到， 屈機嘅利潤係超乎想像。

另外喺個會議度，小弟死R咗一個新嘅硬件， 只要你係第四批或之前嘅投資者， 就唔使再加錢。 呢個係關乎日後無論乜嘢支付系統， 都會增加機會收到錢。 多謝創辦人慷慨解囊。

容許我再整理一下今日個會議, 可以透露嘅我會盡量透露,放心.
屈機項目題外話

10 Nov 2017 4:42pm

題外話， 會議中有一位支付系統嘅大佬級人馬在場， 一年營業額大概係1500億人民幣左右， 佢一睇個項目就已經斷定廣告收益潛力非常之大。

英雄所見略同。

致屈機大客

10 Nov 2017 9:36pm

啱啱收到消息， 一啲比較大少少嘅投資者， 將會收到天機嘅邀請 ，去試一啲好勁嘅地方， 我提議大家接受， 同埋保持低調。 因為只係得返十部機嘅名額。 一月份就已經可以營運。

緊急對策

11 Nov 2017 12:11am

啱啱收到讀者留言, 整個屈機集團, 所有大機已經全數沽清, 而家得番後備計劃 ，天機有細機賣, 暫時仲收到比特幣 ，呢個訊號係一個強烈就嚟閂門嘅訊號.

既然停得咁急 ,我覺得大家要加快腳步, 唔好理佢大機定細機, 最緊要有機.
大戰線確立後的甜品

11 Nov 2017 3:20pm

屈機嗰條大戰線如果合作順利, 會增加投行合作嘅機會， 只要攞到同投行合作嘅機會， 成件事順利成章應該可以上市。( 預計三年)

喺呢度我可以做嘅係協調各方， 一齊成長。

除咗呢方面，我只係有一個要求，就係所有屈機嘅機主， 可以喺上市嗰部分度，享有十個percent左右嘅股份， 之後先至上市。 (如果最後冇上市，呢件事就當冇發生過。)

我唔會佔呢十個percent， 會另外佔某個百分比， 嚮往後嘅發展絕對唔會影響大家利益。

至於呢啲原始股份甜品，幾時會截龍， 我就控制唔到， 只能夠叫你哋快少少，唔好等啲事情變到係另外一回事， 先至出手。 有機會時係要捉而唔係等。

Ivmcc.com
屈機項目 兩個減低選址劣勢方法

12 Nov 2017 7:49am

(所有嘢以官方發佈為準)

呢幾日同佢哋開咗好多個會， 尋晚亦等於通宵咗一晚， 因為希望將啲嘢盡快可以實行， 同埋亦希望平衡各方利益保持公平。 相信呢兩日大家都攰呀。

佢哋將會推出一個 你想點 嘅計劃， 就係如果你哋擔心自己選址嘅排名比較後， 揀唔到啲好嘅位。

你可以做定呢一個後備動作， 就係你見到一啲合適擺放 售賣機嘅地點， 例如係你自己住緊嘅屋苑， 提供 聯絡嘅單位同埋對口人，佢哋就會去傾，如果傾得成功， 你就可以優先用呢一個位置 。

當然如果呢個位置一早已經傾咗， 咁就唔算數。 所以最好大家畀多幾個位置同埋聯絡人資料。 呢啲都係先到先得，萬一你覺得好嘅位置畀人哋推薦咗， 咁你就會少咗個優勢， 我相信每個人都有自己嘅優勢圈。

第二個方法， 係嚟緊幾個月後， 會有啲好特別嘅地方需要試運。 之後好可能係用抽籤形式去邀請投資者， 試運通常都有優勢。 所以如果之後抽中你， 真係要認真考慮下。
關於 你想點 計劃更新

13 Nov 2017 2:01pm

1. 發現大家人際網絡都好強大 , 已經唔少加盟者俾左一d靚地方既contact person 甚至係至到高層既contact, 如傾到已有該點優先選擇權 ,

諗到就填form俾contact! 唔使畀自己太大壓力， 因為本身擺機嘅地點已經足夠， 甚至乎只係部機唔夠啫。

https://goo.gl/forms/YwIWY1jZ7sIAZCDB3

落實呢個計劃只係回應讀者擔心自己， 揀機嘅地點畀人哋差好多， 減輕一下呢個問題。

1. 記得 一般租務熱線唔計😂😂😂 一定要有特定人同電話先計在內 , 雖然已經寫左係form , 但仍然有人俾hotline , 譬如 就咁寫 朗豪坊租務部熱線咁 😂😂😂， 千祈唔好咁做。

2. 類型上而家偏重左係商場 , 大家可以俾多d屋苑同工商廈 , 商場你預已經一早畀我哋佔據咗， 除非租金好貴。
   呢d係生意角度都幾好亦全年都咁stable , 大家其實去approach自已住緊既屋苑管業處傾傾 問邊個係負責屋苑設施 . 就已經可以拎到contact👍🏼

屋苑有時係禾稈冚珍珠😎😎
點解屈機賣曬?

15 Nov 2017 12:51pm

尋日開會發生咗一件事， 就係發現自動售賣機 嘅工廠已經買唔到某一隻零件， 所以第四批屈機 一直都未開始, 而且應該遙遙無期.

而我自己做咗一輪功課發現呢隻零件，通常喺台灣或者日本採購， 竟然冇人諗過泰國係有， 泰國咁啱有人脈， 竟然打幾個電話就訂到， 不過數量好少， 而且佢哋動作好慢, 到而家都未覆實我幾時出貨, 一日未出到貨 ,天機嗰邊都唔夠膽開始賣第四批, 我諗大家最好waiting list 都waiting住先, 因為以我所知個數量, 最多頂到一至兩日.