Introducemyself e a nosa comunidade

Ola.
Somos a xente da Asociación Comunitaria Cultural Das Coutadas.
Un grupo de persoas que decidimos que queremos, nos presta e nos da a gaña de fedellar.
Unha traducción mais cosmopolita de ese termo sería "Hackear".
Vamos, que somos unhas xentes que queremos mudar as relacións entre as persoas para que sexan sociais e non económicas, e activar a solidariedade como motor das relacións humanas, a cultura como medio medre das persoas e das colectividades e o amor e o humor para os intres nos que as nubes (non meteorolóxicas) decidan poñerse na contra do 99% ó que pertencemos.

Vimos de legalizarnos. O impreso de legalización é tan recente que ainda cheira a novo.

Bueno, ainda non temos todos os trámites administrativos en regla (nos falta o número fiscal), pero son pasos que iremos dando amodiño e na medida en que a realidade non se mostre especialmente tozuda.

Ainda que vimos de darnos de alta no rexistro de asocicacións como asociación Galega, e adscrita a ese ámeto, xa temos realizadas unhas cantas actividades:

2017 Xuño 2

Daquela andabamos a pensar que un forno para cocer pan con leña non debería estar apagado e sin darlle uso, como era o caso do que está na casa de Xana....
Por aquelo de ir a percurar barro, mover a leña etc pensamos que deberíamos ter un veiculo de empresa que nos facilitara as tarefas. Esta imaxe é da súa primeira aparición pública (como veiculo de empresa, non como utensilio privado)

Xena de costas, im-presionada mirando para o veiculo de empresa

A experiencia de facer pan foi altamente gratificante, tanto polo proceso como pola compañía, ainda que somos algo reacios o tema das fotos... pero mirase ben o forno mais o pan.... ;-)

Ainda que non de xeito asíduo seguimos facendo pan de masa nai por lecer e dar uso de unhas instalacións que merecen respeto polo que traen de vello e pola posibilidade de tornalo nun elemento comunitario.
A reportaxe de ese día xa está no Steemit NESTE POST. ¿Non tes curiosidade?

¡ PAN!! (Pan pan)

2017 Xuño 13

• A actividade para esta data foi un taller de Dogecoin. Nada do outro mundo... coller uns cantos doges de unha doazón e aprender a coñecer as carteiras, facer traspasos, usar carteira de papel e tal. Cando menos no noso bairro foi a primeira actividade de este xeito...
  O pobre evento no Facebook está neste link,
  En aquel momento en que as cousas non tiñan nome e para nomealas había que sinalalas co dedo, creíamos que iamos chamarnos Acción Cervexeira, xa que ese é un dos medios de financiación que temos en mente. Non tardamos moito a decatarnos de que non era a denominación mais adecuada.. pero...

O cartaz polo que optamos pretendeu ser unha chamada de atención sobre o uso sexista dos corpos na publicidade, polo que escollemos este eslogan: "A economía dixital saca peito en Beade", e vaia se tiña peito ... ;-)

• Nosa primeira cervexa (fabricada a partires de extracto), da que xa non queda mais que unha mostra testemuñal. Era unha Evil-Dog Double IPA.... pouca documentación quedanos das catas, pero algunha foto do día de fabricación seguro que hai... deixademe buscar....

A foto que apareceu foi a do día de embotellar. NESTE POST no STEEMIT hai mais.

2017 Septembro 05

• Nesta data instalamos noso primeiro ponto de Bookcrossing no barrio.
  A iniciativa pretende o mesmo tempo crear diversos puntos de troco de libros, e crear unha biblioteca comunitaria descentralizada (baseada en nodos de cercanía) axudados pola ferramenta Lybrary things.

Como imaxe para difundir o evento usamos unha imaxe do mestre Quesada de fai mais de 30 anos, onde uns paisanos leen... o periódico que outro mercou....

Un momento de recollida de unha doazón de libros, co veiculo de empresa incluido....

O aspecto da estantería seguramente se pode mellorar, pero coincidiredes con nos en que está "Hackeada" en toda regla....

Respecto o ponto de troca de libros, estamos a preparar unha idea que partiu de @wagneratamanaha que creemos que nos pode (a todos) dar resultados excelentes, tanto para potenciar a troca de libros como para toda a comundade de Steemians amantes da lectura.

2017 Agosto 31

• De esta actividade non fixemos difusión, e non asistimos mais que as persoas nucleares da asociación. Todas tiñamos a curiosidade de coñecer o proceso de fabricación do xabón..... e fixemolo, coa axuda de Cristina.

... por certo... así estreamos nosa conta no Dtube.... con este video currado por @xana

https://dtube.video/#!/v/accioncultural/7x1fa33b

2017 Septembro 15

• A actividade que estamos a artellar e que celebraremos o venres 15 é unha cata de cervexas belgas. O respecto iremos informandovos xa en vivo e en directo... (ou case...) xa que como todo o que facemos (ejem) está tan verde que hai que sinalalo co dedo para nomealo.
  Deixamosvos o cartaz de presentación da cata....

Pois encantados de coñecervos. Un saúdo a todas e a todos, e imos falando.
Apertas apretadas.