The Diary Game Season 3|| Ang aking unang pagbahagi ng Salita ng Dios sa taong 2023 at ang Bonding naming sa Beach 😇🏖️🙌

Isang malaking opurtunidad para sa akin na ako ay magamit ng Dios sa bawat gawain na kanyang ipinagkatiwala sa amin lalong lalo na at ang lahat ng ito ay para sa Kanyang kaluwalhatian at kapurihan. Ngayon nga ay ibabahagi ko sa inyong lahat ang pinaka unang pagbahagi ko ng mga Salita ng Dios ngayong taon na ito dito sa aming Church at ang nangyaring bonding namin sa beach na ngayon lang din na planohan.

Tuwing ikalawang linggo ng buwan nga ay naka schedule ako na magbahagi ng mga Salita ng Dios at nagpapasalamat ako sa Dios dahil opurtunidad na ito dahil magagamit ako ng Dios upang ma encourage ang mga Kasama namin at madagdagan ang aming mga kaalaman sa Dios at sa Kanyang mga Salita.

Medyo ma ulan nga ang panahon ngayon kung kaya medyo natagalan kaming maka punta sa aming Church at mga nasa oras na 9:20 ng umaga na kami nakapag simula at sinimulan ito ng mga pag-awit namin para sa Dios at dasal para sa pagsisimula. Sinundan din ito agad-agad ng mga testimony ng iilan sa aming mga kasamahan na ang mga ibinahagi nila ay nagpapatunay na kay buti ng Dios sa lahat ng panahon.

Pagka tapos ng mga testimony ay sinundan ito ng aming pag aalay papuri't pagsamba sa Dios na pinangunahan ng isa sa aking Praise and Worship leader na si Jicel. Dito nga ay nagbigay kami ng pasasalamat, papuri't pagsamba sa Dios dahil habang tayo ay may buhay pa, ito ang ating magagawa para sa Dios ang pagbibigay papuri't pagsamba sa Kanya dahil sa lahat ng mga bagay na ginawa at binigay Niya sa atin, ang Dios natin ay hindi nag kulang sa atin kung kaya nararapat na ang lahat ng papuri't pagsamba ay sa Kanya lamang.

Mga nasa oras na 10:50 natapos ang aming Praise and Worship at kasunod nito ang pagbahagi ng mga Salita ng Dios. Sa linggong nga ay ibinahagi ko sa lahat sa pamamagitan ng nga Salita ng Dios ang kung ano ang tunay na mga tagapaglingkod ng Dios. Dito nga ay meron akong mga ibinahaging sampung mga katangian na masasabi nating tunay tayong lingkod ng Dios. Sa bawat Salita ng Dios na aking ibinahagi ay nagpapaliwanag sa bawat katangian ng tunay na lingkod ng Dios at sa tulong ng Dios at ng Balaang Espiritu, ay maintindihan at ma e apply ng bawat isa sa kanilang mga buhay.

Natapos ang aming Church Service mga 12:20 na kung kaya pagkatapos nga ay agad na din kaming nananghalian pero habang kami ay nananghalian ay bigla na lang napag usapan na mag bonding kami sa Beach, sabi nga nila mas maganda ang biglaang bonding kami matutuloy at natuloy nga ang bonding namin kinahaponan. Mga 2:00 ng hapon nga ay nagpunta kami agad Market para bumili ng Isda at Karne para ulam namin, ang mga binili nga
namin ay inihaw namin dahil mas masarap kumain ng inihaw sa dagat. Pinagtulongan nga namin ang pag ihaw sa mga ito para maka kain narin kami.

Ngayon naman habang abala pa ang ibang kasama namin sa pagluluto, kinuha naman namin ito na pagkakataon upang kami ay makakapag kuha ng mga litrato bilang aming remembrance namin dito. Kitang kita naman na talagang napaka ganda dito dahil sa mga halaman na makikita at libre lang dito at hindi na kailangan ng cottage dahil maraming mga kahoy na pwede kaming magpasilong. Hindi talaga matutumbasan ang ganda ng kalikasan na gawa ng Dios kaya kailangan natin itong ingatan at mahalin upang ito ay atin pang mapanginabangan sa mga darating na panahon.

Mga nasa oras na 4:00 ng hapon humabol na din ang aming Senior Pastor na si Ptr Dodz na galing pa sa ibang Church dahil siya ay inimbitahan. Saktong sakto lang din dahil hindi kami nakabili ng mga softdrinks at tubig, nag volunteer naman siya na bumili ng softdrinks at nag dala ng tubig. Mga ilang sandali lang din ay sa wakas na luto na rin ang mga inihaw naming isda at karneng baboy, at para maging maganda ang bonding namin dito, nag Boodle Fight kami at salamat din dahil meron ding ibinigay sa amin na pancit pangdagdag sa ulam na aming kakainin. Sa wakas din ay oras na upang kami ay makakain at busog na busog kaming lahat sa mga pagkaing inihanda namin. Dahil nga sa medyo malapit na gumabi, medyo maulan at ang lakas ng alon, hindi na kami naligo at nag enjoy na lang kami sa lugar at nag groupfie bilang remembrance naming lahat dito.

Para sa Dios ang lahat nang Papuri at Pasasalamat!!! 😇🙏☝

Mabuhay ang Steemit Philippines Community

@LOLOY2020
_{Achievement Task 1 | Facebook | Twitter}