Salam, hər vaxtınız xeyir olsun. Nəhayət, steemitazerbaijan topluluğunda yarışma ayının sonuncu həftəsinə gəlib çatdıq. Bundan əvvəlki yarışmalarda da iştirak etmişəm. Bu yarışmada da iştirak etməyə qərar verdim. Əvvəl özüm haqqında onu deməliyəm ki, mən bir müəlliməyəm. Ömrümü gələcəyimizin savadlı, dərrakəli, geniş dünyagörüşünə malik olaraq yetişməsinə çalışmaqla keçirirəm.

Steemit platformasının veteranlarından sayıla bilərəm. Nə az, nə çox, 3 ildən çoxdur ki, bu platformanın aktiv yazarlarındanam. Nəyə görə steemit? Bir müəllimin steemitlə nə bağlılığı ola bilər ki?

Steemitlə tanışlığım @revan746 ilə birbaşa əlaqəlidir. Buraya da onun təklifi ilə gəldim. Boynuma alıram ki, ilk baxışda platformanın texniki baxımdan çətin olduğunu və burada paylaşım etməyin çətinliyini dəfələrlə @revan746 ilə müzakirə etmişdik. Onu bezdirdiyim də az olmayıb:) Sonra alışdım. Bu platforma mənim həyat tərzimə çevrildi. Hal hazırda platformada dönüb dolaşan hər hadisədən xəbərim var və iştirakçı olmağa çalışıram. Yuxarıda dediyim kimi mən bir müəlliməm və yazı savadım, fikrini ifadə edə bilmə və ümumiyyətlə cəmiyyət içində çox olmağım mənə steemit platformasında post yazaraq həm maddi, həm mənəvi qazanc əldə etməyimi sağlayır.

İşimi sevirəm. İnsanın uşaqlarla, gənclərlə işləməsi çox gözəldir. Təmiz beyinlərdən çox şey öyrənirsən. Belə bir söhbət eşitmişdim. NASA bir statistik təcrübə aparır. Əvvəlcə 35 yaşlarında insanlar üzərində yaradıcılıq test aparılır. Daha sonra 20 yaşlılar, daha sonra 15 yaşlılar və sonda 5 yaşlı uşaqlar arasında bu test aparılır. Məlum olur ki, 5 yaşında uşaqların yaradıcılıq qabiliyyəti böyüklərinkindən qat-qat yüksəkdi.

Hər gün yeni hadisələr, yeni söhbətlər, yeni görüntülər imkan verir ki, steemitdə təptəzə orjinal postlar paylaşım. İnternetdə götürülmə şəkillərlə post paylaşdığım yadıma gəlmir. Heç buna ehtiyac da yoxdur. Gördüyüm hər hadisəni hekayələşdirib post yazmağı sevirəm. Steemit sanki bizdən hekayə ustası yaradır, dil qabiliyyətimizin zənginləşməsinə səbəb olur. Bu platformada saxtalığa yer yoxdur. Plagiata yol verilmir. Şəffafdır. Burada vaxt itirilmir. Evdə oturduğun yerdə, işlədiyin vaxt yorulub əl saxladığın vaxtda qalareyanı qurdalayıb burada maraqlı post paylaşa bilirsən. Bunun da maddi qarşılığını alırsan. Bundan gözəl nə ola bilər ki.

Bir neçə ay bundan əvvəl steemitazerbaijan toplululuğunun başbilənləri ölkəmizdə işıqlı gəncləri steemitlə tanış etmək və onların bu platformada aktiv şəkildə iştirak edərək həm maddi, həm də mənəvi cəhətdən qazanması üçün Steemit student adlı layihəyə imza atdıq. Tələbə gəncləri steemitə cəlb etmək üçün bir çox işlər gördük. Steemitazerbaijan platformasında tələbə gənclər də var. @gulaybagirzade həm mənim qızım, həm də tələbədir. Eyni zamanda mənim steemit dostumdur. Deməli, bura həm də ailə platformasıdır. Burada @famil, @orxan, @yusif və bir çox başqaları kimi dostlar qazanmışam. Təsəvvür edin, bu kagızların içində itib batırsan.

Yorulursan, bezirsən və telefonu əlinə alıb STEEMİT tuşunu basırsan. Bütün yorğunluğun yadından çıxır. Yuxarıda adını çəkdiyim steemitdaşları bu yarışmada iştirak etməyə çağırıram. Oxuduğunuz üçün təşəkkürlər.
@urcah.com