Tagalog Serye V: Pangalawang Bahagi ng Pangalawang Pangkat

Ang nakaraan... sa panulat ni @twotripleow

Nang makalapag sa Davao Del Norte sina Malou at Domer. Nag-anyong tao muna sina Malou at Domer. Nang bigla silang sinalakay na di mawari kung saan galing, tila naka ramdam ng malakas na life force ang mga kalaban at agad agad sinugod si Malou.........

---

"Daikamaitachi no Jutsu! Tanggapin mo ang aking great cutting whirlwind technique!" bulalas ni JunJun, at lahat ng saging sa buong banana plantation ni Digong ay nakalbo!

"Lingling ngayon na!"

"Dokueki no Jutsu! Hindi na gyud kayo makatas sa aking poison extraction technique! Bwahahaha!" At biglang lumabas ang napaka-kapal na usok mula sa kalangitan na may dalang lason!

_{Banana plantation sa Davao del Norte. Itinuturing ang probinsyang ito bilang Banana Capital of the Philippines}

Nagbunyi ang dalawang diwatang anghel na sina JunJun at Lingling sa pag-aakalang napasailalim na sa kanilang ninjutsu sina Malou at Domer. Nang biglang...

"Rasengan!!!"

At bumulusok ang naglalakihang fireballs mula sa kamay ni Domer patungo sa mga kalaban!

Umilag si JunJun at LingLing sa mga pamatay na fireballs. Tumambling-tumbling at nagpagulong-gulong sila sa nakalbong sagingan hanggang tuluyan na ngang maubos ang nag-aapoy na puwersa ni Domer.

"Agay! Agay! Kalakas man diay nang mga kalaban natin uy!" bulalas ni JunJun ng madaplisan ng Rasengan ni Domer. Kung hindi siya naka-ilag ay malamang dead on the spot na siya.

"JunJun!!! Ok ra ka dira?" tanong ni Lingling sa kaibigang sugatan!

"Wag ka ragud mag sigeg Bisaya Lingling bi kay hindi makaintindi ang ating mga readers! Oo, ok ra ko!"

"Kahirap man gud mag Tagalog ba. At isa pa, nasa Davao man gud tayo!"

"Tama na nga ang daldal Lingling! Mamamatay na tayo, puro ka parin kalokohan!"

"Ok kuya! Eto na, ilalabas ko na ang aking Shapeshifting Technique. Shoten no Jutsu!

At nag transform silang dalawa bilang mga Agila! At tumakas mula kay Domer!

_{Agila ang Pambansang Ibon ng Pilipinas at matatagpuan sa mga masusukal na kabundukan ng Davao Region. Pag nasa Davao ka, bumisita sa Philippine Eagle Farm at makikita mo ang mga naglalakihang agila, at iba pang endangered species ng bansa tulad ng Pilandok atbp.}

---

"Wow, Domer, ang tindi ng ginawa mo kanina! Nakakablib at nakakainlab naman yung galawan mong yun!"

"Hehe, salamat Malou! Siyempre kailangan kong protektahan ang tagapagmana ng glabs ng Dragolandia at ang tanging makakapaglabas ng kapangyarihan ni Lemron (ang dragon) na siyang makakatalo sa kalaban!"

Flashback...

Alam ni Domer na may nag-aabang na panganib sa kanila ni Malou. Kaya bago pa man sila nakalapag sa Davao ay gumamit siya ng isang ninjutsu.

"Malou, ako muna ang unang lalabas, at wag na wag kang magpapakita muna hanggat di ko sinasabi."

Pumayag naman si Malou sa sinabi ng kaibigan.

"Oroke no Jutsu!" sambit ni Domer at biglang lumabas ang isang seksing babae na akala ng mga kalaban ay si Malou.

"Kage bunshin no Jutsu!" dagdag ni Domer na nagpalabas naman ng kanyang clone.

Ang mga clones ang nakita ng mga kalabang sina JunJun at LingLing kaya hindi sila tinablan ng ninjutsu na pinakawalan ng dalawa.

"Ayeee at kinilig naman aketch sa sinabi mo! Turuan mo nga rin ako ng Kage Bunshin no Jutsu!"

"Iyon talaga ang isa sa mga rason kung bakit nandito tayo sa Davao. Maliban sa kailangan nating sugpuin ang dalawang anghel na diwata na naka-assign dito, tuturuan din kita ng mga jutsu na magagamit mo sa pakikipaglaban. At ang pinaka importante mong matutunan ay ang summoning technique at kung paano mo maco-control si Lemron."

"Aba kung ganon pala, ano pa ang hinihintay natin, simulan na nating ang training!"

_{Aliwagwag Falls ng Cateel, Davao Oriental}

Nagtungo agad ang dalawa sa Aliwagwag Falls, sa bayan ng Cateel, Davao Oriental. Kailangan nila ang puwersa ng tubig upang mas lumakas pa ang chakra ni Malou na kakailanganin niya upang kontrolin si Lemron (ang dragon)!

Mayroong tatlong kailangang gawin si Malou upang mapasunod niya ang dragon!

Una: Palakasin ang kaniyang chakra hanggang sa umabot ito sa level 1000. Nasa level 20 palang ang kaya niyang ilabas sa ngayon.

Pangalawa: Buksan ang lagusan ng puwersang nagsisilbing hadlang upang makapasok siya sa utak ni Lemron. Ang pwersang ito ay tinatawag nilang "The Barrier", at mawawasak lamang ito kapag umabot na siya sa level 1000.

Pangatlo: Kapag nawasak na ang Barrier, kailangan niyang pumasok sa utak ni Lemron, gamit ang kanyang "Mind Control Jutsu" na kailangan parin niyang pag-aralan. Kapag nagtagumpay siya rito ay mapapasunod na niya ang dragon sa kaniyang gusto!

Unang araw ng training.

Matindi na agad ang pinagawa ni Domer kay Malou. Tinuruan siya ni Domer ng iba't ibang martial arts! Natuto siya agad ng lima: Arnis, Krav Maga, Kung Fu, Muay Thai, at Brazilian Jiu-Jitsu. Sinadya ito para alam niya kung paano aatake kahit anong nationality pa ang kalaban!

Pangalawang araw

Nagsimula na sila sa pag control ng chakra. Sinubukan ni Malou na palakasin ang kaniyang chakra hanggang level 1000. At dahil lampas na ako sa deadline at overtime na, na achieve niya na agad ang level 1000.

Pangatlong araw

"Kuchiyose no Jutsu!" bulalas ni Malou at na-summon na nga niya si Lemron!

Huwag na natin patagalin pa! Nawasak na ni Malou ang Barrier, at nakapasok na siya sa isip ni Lemron! Ginamit niya ang kaniyang mind control jutsu kaya naman naging mag BFF na ang dalawa, at lahat ng sinasabi niya ay sinusunod na ng dragon. Oo, ganon kabilis! Fantasy naman ito eh kaya WOW MAGIC!

Sa kabilang dako...

"Hindi jud pwede magtagumpay ang dalawa sa kanilang misyon ba! Malalagot talaga tayo nito ni bossing ba. Huhu!!" pag-aalalang sambit ni LingLing.

"Magplano jud tayo kay matapang baya masyado yun si bossing! Ok, ganito. Magpunta tayo sa Cateel, Davao Oriental kasi andun man sila. Tawagin natin ang lahat ng mga anghel na diwata at pag-tulungan natin ang dalawa. Lyamado tayo kasi wala silang kasama!" sagot ni JunJun.

"Hala uy, kagaling mo talaga kuya JunJun ba. Lodi na talaga kita! Ito po banana chips, para mas ganahan ka pang mag-isip ng fighting strategies natin!"

"Tama na ang pangchecheret Lingling at salamat sa banana chips pero mas bet ko ang durian! I-summon mo na nga ang lahat ng anghel na diwata, at magpunta na tayong lahat sa Cateel!"

At tinawagan na nga ni LingLing ang lahat ng ka-tropa niya sa Tambayan ni Toto, at lahat sila ay nagsanib pwersa upang pabagsakin ang mga tagapagtanggol ng life force mula sa kaharian ng Dragolandia!

Itutuloy...

Sa aking mga ka grupo sa pangalawang pangkat, pasensorry po sa sobrang delay ng parte ko! Sobrang na busy at napagod po kasi ako sa nakaraang mga araw. Peace po! And for d perstaym, di ako lumampas ng 1000 words! haha. Di ko talaga forte ang temang pantasya, kaya pasensorry ulit kung ganyan ang kinalabasan! Hahaha! Kaya sis @jemzem, ikaw na ang bahala sa susunod! :D

Isa pa pala, sa storyang ito, nasa Davao ang setting, ito rin ang aking hometown! May iba kaming istilo sa pagsasalita ng Tagalog dito. Haha. Kaya ganyan ang dialogue nina JunJun at LingLing para naman localized talaga! Lol! Kung may hindi po kayo naintindihan, maaari namang ako'y inyong i-tag sa comment section, at masaya ko itong ita-translate para sa inyo. :)

Pasensorry din kay JunJun at LingLing na nadamay pa sa kabaliwan ko. Na nosebleed na ako, kaya di na ako nag-isip ng ibang pangalan pa. hahaha

_{Mga iba pang pinagkunan ng letrato : pang-apat , pang-anim}

_{Unang Pangkat}

_{@cheche016 Huwebes
@jamesanity06 Byernes
@johnpd Sabado
@romeskie Linggo}

_{Ikalawang Pangkat}

_{@twotripleow Huwebes
@chinitacharmer Byernes
@jemzem Sabado
@jazzhero Linggo}

_{Shout out kay JunJun ng @tagalogtrail sa napakagandang banner na itey!}