Pantun Aceh - Bukti Cinta

Source

Hate ta sungket rasa ta ubah,
Cinta loen beukah cuma keu gata,
Koen keuh loen rayu keu mameh babah,
Meubek le gundah hate lam dada,

Bukti saboeh toeng ka uloen keubah,
Lagee loen peugah meunan keuh nyata,
Hana uloen roen loen cang boh panah,
Seubab meugeutah inteuk jiteuka,

Bukti cinta loen meususoen goet pah,
Loen jak bak ayah ka deungoen poma,
Izin loen lakee bak poma ayah,
Laju loen peugah cinta keu gata,

Pakiban haba gata hai ceudah,
Tatem meunikah atau keuh hana,
Seubab cinta loen indah meuulah,
Nyoe bicah siblah seusak lam dada,

Cinta uloen dek na ube Gajah,
Meunan keuh surah loen peugah raya,
Pue keuh di adek sama ta peugah,
Atau meusiblah gata meubeda.

Source