101 KA MGA SULAT NGA GI-SNOBAN NI PRESIDENTE DUTERTE #3: Viva Senador Mocha! Viva!

in #philippines6 years ago (edited)


Photo by: Anahaw News

Nasayod ang tibuok Pilipinas sa usa sa mga klaseng pamulitika nga imong ginabuhat: Politikang Pinadrino. Bahalag unsaon nimog repackage ang imong kaugalingon isip usa ka “bag-ong politiko” luyo sa kamatuoran nga naggikan ka sa usa ka adunahang pamilya diin ang imong amahan usa sad ka politiko (TraPo man o dili, kinahanglan pako maglunsad og dungag pagtuki) ug sa inyong pamilya nga magpabilin sa sabakan sa panggobyerno dili lang sa Dakbayan sa Davao kundili sa tibuok probinsiya, mabutang ra gihapon ka sa mga gitawag natong Traditional Politician (TraPo). Nakadumdom na nuon ko sa usa ka panultihon nga “Walay kawatan nga motug-an”. Sama ra sad na sa kadaghanang politiko sa nasod “Walay TraPo nga mokanta sa karaang kanta. Silang tanan moangkon nga naggikan ug nagbitbit sa bag-ong pamulitika.”

Tungod kadaghanan sa katawhang Pilipino kabalo na sa tradisyon ninyong mga politiko, dili ikatinggala nga naa nay mga storya nga nanggawas sa posibleng pangandidato ni Mocha Uson pagka-Senador sa sunod nga piniliay. Dili man to bag-ong taktika nga gibuhat sa inyong kampo nga tataw kaayo nga usa ka mind conditioning ug na-curious ko kon unsa nay ginabuhat sa mga DDS ug mga keyboard army sa mga social networking sites, blogs, etc, para makaon sa bagang katawhan ug nagpabiling nabudol sa inyong karisma sukad sa imong pagkakandidato pagka-Presidente. Pa-char pa gyod ning inyong PCCO Undersecretary nga molimod sa posibleng offer sa PDP-LABAN nga mokandidato ug gibawi human niya gibungat ang pulong nga ayha ra daw siya mosugot kon ikaw na mismo ang mobungat nga modagan siya. Kon wala nimo gibuhat ang atras-bawi sa imong plano pagka-Presidente sa panahon nga gapadulong na ang campaign period ug ang piniliay siguro dili ingon kadaghang ang pagsupak sa plano ni Mocha. Pero nakita naman na namo nga taktika sa imo, kunuhay pugson-pugson pa pero ganahan diay to, wala na. Ubay-ubay sad ang nagpakitag pagsupak sa pagbutang sa laing matawag nato “untried, untested” sa paggamhanan. Isip usa ka Bisaya, sakto nasad siguro nga naa silay Lapid, Estrada, ug Pacquiao sa Senado. Ayaw na dunggagi pa. Wala man gani nasolbad sa ubang kauban ninyong mga abogado, ekonomista, ug mga nanigulang na sa pag-serbisyo kunuhay sa bagang Pilipinhon sama ni Enrile, unsa nalang kaha sa mga tawo nga mosulayg sulod sa Senado nga wala man lang sa kumingking sa eksperyensya sa niining mga tawhana, unsa nalay dagway sa umaabot kaugmaon sa lehislatibo? Aber, unsay gibuhat ni Mocha, 10-15 katuig nga milabay para hatagan og tsansa nga magdumala namong mga Pilipino?

Dili man ko supak sa bag-ong dugo sa politika. Kon ako ang papilion, mas gusto nako magdumala ang mga yanong katawhan. Kay sila ra ang tinuod nga makasabot ug makasulbad sa problema sa yanong Pilipino. Ipalingkod ang mga mag-uuma, mga doktor, mangingisda, magtutudlo, engineer, urban poor. Supak lang ko sa kakulangon sa ideolohiya sa paggamhanan nga gihupatn ug gipanagbisogan ni Mocha Uson. Asa gikan ang iyang mga sentimento? Unsa ang mga butang nga para kaniya importante? Kabalo kong dili uso ang platform-based politics sa Pilipinas kay kargado raman tas personality based. Pero gusto man kaha ka molambo ang nasod? Tudloan nato ang atong mga igsoon kon unsaon pagpili og desenteng lider nga morepresenta kanila, kanamo, ug kanato.

November 2017

TOTAL CROWDFUND AMOUNT: 6.307 SBD


Thanks to the TOP 10 CROWNDFUND Supporters:
@surpassinggoogle
@bayanihan
@precise
@arcange
@asbonclz
@raphaelle
@paulthebeloved
@jonelq
@ranielbrianulan
@shairanada

The "101 Sulat nga Gi-snoban ni Presidente Duterte" is a crowdfunding project of @gilnambatac. All of the funds that will be collected from all these 101 letters will be utilized in self-publishing these letters in a book form, hopefully to be send to Malacanang and other significant national leaders to read. This is a personal effort for our humble voices be heard. @gilnambatac welcomes your letters to be included in this project. Thank you for the support.

If you have questions or collaborative work, please contact @gilnambatac at Steemit Chat.

DID YOU MISSED A LETTER?

Ikaduhang Sulat: "Damgo Ngadto sa Reyalidad"
Unang Sulat: "Trust Issues"


FOLLOW | UPVOTE | RESTEEM
About GIL
@gilnambatac


MORE POSTS BY @gilnambatac




Sort:  

Aber, unsay gibuhat ni Mocha, 10-15 katuig nga milabay para hatagan og tsansa nga magdumala namong mga Pilipino?

Mao na ang dakong pangutana.

Tudloan nato ang atong mga igsoon kon unsaon pagpili og desenteng lider nga morepresenta kanila, kanamo, ug kanato.

Unta sa muabotay nga eleksyon, atong mga kaigsoonan dli gayud magbaligya ug boto. Pastilan, kagahi jud sa mga ulo. Dili lang ta mupili tungod kay sikat ug dato kundi sa kredibilidad, reponsable ug naay output mahitabu.

Coin Marketplace

STEEM 0.29
TRX 0.12
JST 0.035
BTC 65090.19
ETH 3379.11
USDT 1.00
SBD 4.55