"BAHAGHARI"

Ibat-ibang kulay ay meron ka
Pitong kulay mo'y sapat na
Silbing tanglaw sa kalangitan
Sagisag mo'y kapayapaan



Lumilitaw matitingkad mong kulay
Kapag bagyo't unos ay pumapanaw
Pag ika'y nasilayan na
Pangamba at lungkot wala na



Kulay na pula ay iyong taglay
Simbolo ng dugo at buhay
Itong kahel na pangalawa
Kulay na sadyang kaaya-aya



Dilaw na pangatlo mong kulay
Sa araw maaaring sumilay
Luntian din ay meron ka
Kulay ng halaman na sagana



Bughaw man din ang panglima
Kulay ng dagat at langit magkasama
Indigo kung sa Ingles ay tawagin
Kulay sa pagitan ng asul at lila
Kabilang sa iyo at pang anim pa



Itong huli naman ay lila
Kumukompleto sa kulay mong kay ganda
Bahagharing biyaya buhat sa itaas
Bigkis ng pangako hanggang wakas

img credit