කොරෝනා නිසා වෙනස් වූ ජන ජීවිතය - 50% to Sl Charity
අපි හැමෝම මේ දවස්වල නිතරම අහන දෙයක් තමයි කොරෝනා උවදුර කියන්නේ. මේ වෙද්දී මුළු ලෝකය පුරාම මේ වසංගතය නිසා සිද්ධවෙන ජීවිත හානි ගැන අහන්න ලැබෙනවා. ඒ වගේම මුළු ලෝකයම මේ වසංගතයෙන් බේරෙන්න විවිධ ක්රම හොයනවා. ඒ අතර විවිධ අවස්ථා වලදී මේ රෝගයේ පැතිරීම පාලනය කරන්න ඒ ඒ රටවල්වල රජයන් විසින් රටවල් අගුලු දැමීම වගේ ක්රියාමාර්ග ගන්නවා අපි දැකලා තියෙනවා. ඉතින් රටක් අගුලු දැමීමක් කරනවා කියන්නේ ඒක ඒ රටේ ජන ජීවිතයට විශාල බලපෑමක් එල්ලකරනවා. ගොඩක් වෙලාවට මිනිස්සුන්ට රැකියා පවා අහිමි වෙලා තියෙනවා මේ තත්වයන් එක්ක. ලංකාවේ අපිට නියමාකාර රට අගුලු දැමීමක් ගැන අත්දැකීමක් නැති උනත් රටේ පවතින තත්වයන් එක්ක රජය විසින් පැනවූ යම් සීමා වලට යටත්ව සිටීමට අපට සිදු උනා. මට මේ ලිපිය ලියන්නට හිතුනේ අපේ රටේ පසුගිය දිනවල පනවාතිබූ සංචරණ සීමා ඉවත්කළ දවසේ දැකපු සිදුවීම් කිහිපයක් නිසා. සංචරණ සීමා තිබූ කාලය පුරාම මට රැකියාවට යන්න උන නිසා ගෙදරින් එළියට යන්න තිබූ තහනම මට දැනුනේ නෑ. මුල් දින කිහිපය තුල පොලිස් මාර්ග බාධක වලදී සිදුකල පරික්ෂාකිරීම් හැරුනම ඉතිරි දිනවල කිසිම තහංචියක් නැතුව යන්න එන්න පුළුවන්කම තිබුනා. සමාජ මාධ්යවල මම දැකලා තිබුනා එක් පිරිසක් මෙම සංචරණ සීමා වලට පක්ෂවත් තවත් පිරිසක් මේවාට විපක්ෂවත් විවිධ අදහස් පලකරලා තිබුණු හැටි. එත් හැමදාම ගෙදරින් එළියට යන්න එන්න අවසරයක් තිබුන නිසාත්, රැකියාවට ප්රශ්නයක් වෙලා තිබුනේ නැති නිසාත් මට ඒ තර්ක විතර්කවල විශේෂයක් තිබුනේ නෑ.
ඉතින් මේ මාසේ 21 වෙනිදා සංචරණ සීමා ඉවත්කරාට පස්සේ මං දැකපු දේවල් හින්දා මට මිනිස්සු පත්වෙලා ඉන්න තත්වයන් ගැන ලොකු දුකක් ඇති උනා. වෙනදා වගේම 21 වෙනිදා උදෙත් මං වැඩට එන්න පිටත් උනා. වැඩට එන අතරමග මට තිබුණු එකම ප්රශ්නේ තමයි වෙනදට වඩා වාහන වැඩි හින්දා අත්විදින්න වූ තදබදය. ඒ හැර මට වෙන ප්රශ්නයක් දැනුනේ නෑ. එදා මං වැඩට ඇවිල්ලා ටිකක් කලින් ගෙදර ආවා අප්පච්චිට බෙහෙත් ගේන්න යන්න. ඒ ගමනේදී මං ලොකු රථවාහන තදබදයකට මුහුණ දුන්නා. ඒ වගේම මං දැක්කා බැංකු ලග මිනිස්සු ගොඩක් පෝලිම්වල ඉන්නවා. ඒ වෙලාවේ මට හිතුනේ ගෙවල්වල හිටිය මිනිස්සු සල්ලි ගන්න බැංකුවලට ඇවිල්ලා හින්දා තමයි මේ පෝලිම කියලා. තව ටිකක් දුර යද්දී මං දැක්කා මිනිස්සු බැංකු ලගම විතරක් නෙවෙයි තවත් තැන්වලත් ලොකු පෝලිම්වල ඉන්නවා කියලා. ටිකක් උවමනාවෙන් බලද්දී තමයි මං දැක්කේ මිනිස්සු මේ පට්ට අව්වේ දාඩිය පෙරාගෙන පෝලිම්වල පොරකකා ඉන්නේ උකස් මධ්යස්ථාන ලග කියලා. අන්න ඒ වෙලාවේදී තමයි මට ඇත්ත විස්තරේ තේරුනේ. මිනිස්සුන්ට රස්සා නැතිවෙලා, තිබුනත් පඩි කපලා. ඉතින් ගෙවල්වල වියදම් පියවගන්න තමන් මහන්සියෙන් හම්බකරගත්තු රත්තරන් බඩු ටික උකස් කරන්න ඇවිල්ලා. ඉතින් මේ විදියට ගොඩක් අයට කොරෝනා විසින් ප්රශ්න ගොඩක් ඇති කරලා. ඉතින් ඉක්මනින්ම මේ උවදුර ලෝකයෙන් දුරන් කරන්නට අපිට හැකිවෙන්න කියලා මේ පොසොන් පෝය දවසේ මං ප්රර්ථනා කරනවා.
Ekata nam godak duka hithuna.... Godak minissu asaranai me welawe.....
Korona uwadura ikmaninma me loken thuran wewa!!!
මාත් කලින් එච්චර උනන්දුවෙන් බැලුවෙ නෑ.. පස්සෙ තමයි දැක්කෙ උකස් මද්යස්තාන වල පෝලිමක් කියලා. බැංකුවෙ පෝලිමක් තිබිලා තියෙන්නෙත් රත්තරන් බඩු උකස් තියන්නලු
එදා වේල හම්බ කරන් කන මිනිස්සු තමයි ගොඩක්ම අසරණ වෙලා තියෙන්නෙ. 😫
මේක ඉක්මනටම ඉවරයක් වෙන් ඕනෙ.
ඒක ඇත්ත .. ඒ මිනිස්සු අසරණයි හොදටම..
Steem Sri Lanka Discord Channel
✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵✵
ඒක ඇත්ත අසරණ උන කෙනා තමයි ඒකෙ තේරුම දන්නෙ. සමහරුන්ට ඒකෙ ගානක් නැති තරම්
කියාගන්න බැරි තරම් අසරණ මිනිස්සු ඉන්නවා...
Minissu anthima asarana wela inne dan. meka ikmanta iwara unoth hodai.
Ikmanatama iwara wenna kiyala api hithamu....
අපි හිතුවේ නැති වුනාට ගොඩක් මිනිස්සු අසරණ වෙලා ඉන්නේ. දුක් මහන්සියෙන් හම්බකරගත්තු රත්තරං බඩු උකස් කරල ජීවිතේ ගැටගහන්න වෙලා තියෙන තැනකට මේ රට පත්වෙලා ඉවරයි. දේශපාලකයන් මොන දේ කිවුවත් එදා මෙදා තුර ඔවුන් රට වෙනුවෙන් වෙහෙසන මිනිසුන්ට කරපු දෙයක් නැ. හාල් කිලෝ එකට හාල්මැස්සෝ දෙසිය පනහට බදු ගහන රටේ අනවශ්ය විදියට ලොකු පුටුවල ඉන්න අය සුරසැප විදිනවා. හැමදාම අපිට දකින්න ලැබෙන්නේ මාද්ය සන්දර්ශන විතරයි. මේ තැනින් ගොඩ එන්න පුලුවන් අපි අපිට උදවු කර ගත්තොත් විතරයි..
සම්පූර්ණ ඇත්ත කතාව.. දේශපාලනය කරන හැමෝම එක පැත්තේ. දිනන කෙනා තමන්ගේ මල්ල තර කරන්නවා. ඒකට අහුවෙන සාමාන්ය මිනිස්සු තැලෙනවා..
Hi, @ruwankumara,
Thank you for your contribution to the Steem ecosystem.
Please consider voting for our witness, setting us as a proxy,
or delegate to @ecosynthesizer to earn 100% of the curation rewards!
3000SP | 4000SP | 5000SP | 10000SP | 100000SP
ඉහල බලධාරීන් පවා තව ටිකක් පොඩි මිනිස්සු ගැන හිතන්න ඕන මීට වඩා. පුලුවන් තරම් වැඩ අරගෙන අසරණ උනාම එලවන එක වැරදී. මේ තියෙන තත්වය කවුරුත් හිතල සිදු කරපු දෙයක් නෙවෙයිනේ. කන්න බොන්න නැතිව දුක් විදින මිනිස්සු කොච්චර ඇත්ද මෙහෙම..
මේකෙන් වාසි ගන්නේ ඉහල බලධාරීන් තමයි. තමන්ට වාසි වෙන විදියට හැමදේම කරගන්න මාර්ගයක් බවට පත් කරගන්න එයාලා දක්ශයි..