"Gamo-gamong Ligaw" by makatang_singkit

Mula sa madilim at malayong tanaw
Isang sinag ng Liwanag ay kumakaway
Parang galing sa langit na bulalakaw
Gusto kitang hanapin na kahit pa maligaw
Sa aking paglipad sa gitna ng kabukiran
Sa loob ng munting kubo ikaw ay nagisnan
Sa parisukat na bintanang kawayan
Matatanaw ang iyong kagandahan
Nagbibigay ka ng liwanag Sa buong kabahayan
Ako ay lumapit at ramdam ko ang iyong init
Akala ko kaya kung sayawan nagbabagang init
Sa bawat haplos ng kamay ko ay napakainit
Sa bawat lambing ko paso ang kapalit
Ako ay saglitang lumayo upang ako ay magisip
Paano ko ba yayakapin ang sinag na mainit
Panu ako tatagal sa apoy na iyong gamit
Kung ang buhay ko ay malalagay sa bingit
Tila walang makalapit Sa nagdadarang mong init
Ako'y mag-iipon tyaga na may kalakip na pag-ibig
Yayakapin kita ng lambing at ibayong pagtitiis
Upang matagalan ko ang apoy ng iyong pag-ibig
Na kahit kaisaisang buhay ko pa ang kapalit
"Gamo-gamong ligaw"

Image may contain: outdoor and nature

Apologies guys but this is not from me. It is beautiful but it will be so hard for me to translate it in English. Besides, words are arranged to rhyme accordingly. I have been encouraging my friend to sign-up here in Steemit with no success...so far.

At least in here, it can be saved in a block chain.

https://www.facebook.com/flabbergast.art/posts/1375672612519937?comment_id=1376778265742705&reply_comment_id=1376860599067805&notif_t=feed_comment_reply&notif_id=1496789431902750