Word Poetry Challenge #8 : Tagpuan

_Pixabay

Tagpuan
ni jennybeans

Sa nakatagong parte ng bukirin
Tatambad ang isang magandang tanawin
Na kung saan tahimik at presko ang hangin
Na siyang nagsilbing saksi sa pagmamahalan natin

Dito natin madalas na pagsaluhan
Malulutong na tawanan at kuwentuhan
Abutin man nang gabi sa daan
Di mangangamba pagkat ikaw ay nandyan

Sa ating tagpuan nabuo ang simpleng pangarap
Na magkasamang bubuo ng pamilya sa hinaharap
Magsisikap nang mabuti para magkaroon ng buhay na kaysarap
Maginhawa at malayo sa problemang masaklap

Sa tuwing sasapit na ang dapit hapon
Dali-daling tatahakin iisang direksyon
Sa ating tagpuan ako paroroon
Dahil ikaw ay naghihintay sa akin doon

Ngunit nang lumipas ang maraming taon
Nakapag-isip-isip at nakapagdesisyon
Ako'y magtatrabaho muna sa malayong nasyon
Para rin naman sa atin 'to pagnagkataon

Ako'y aalis man at mangingibang bayan
Babalik at babalik pa rin sa ating tagpuan
Kahit na sa darating na bukas ay walang kasiguraduhan
Kung meron pang isang ikaw na doo'y madadatnan

---

---

_{Ito ang kauna-unahang entry ko sa patimpalak ng paggawa ng tula na inorganisa ni Ginoong @jassennessaj na ngayong linggo ay tungkol sa paksang "Tagpuan".}

---

---

---

_{Maraming Salamat sa Pagbisita}