Word Poetry Challenge #3 : Gintong Medalya

Pinagkunan: Pixabay

Sa haba ng panahon na ako'y nasa institusyon.
Kung saan ako'y kumuha ng edukasyon.
Pumasok sa butas ng karayom para makapasok.
Sa dami ng patimpalak, ako'y lumahok.

Lumipas ang napakahabang panahon.
Walang oras na sinayang at tinapon.
Para makamit ang kaginhawaan.
Sa kinalaunan ay makaramdam ng kaligayahan.

Sa daming pagsubok na aking pinagdaanan.
Kitang kita naman na ako ay lumaban.
Sa paghihirap, naipamalas ko'y pagiging matiisin.
Makapunta sa tuktok, aking pagsisikapin.

Sa oras na aking ginugol, ginawa ko ang lahat.
Pero minsan pakiramdam ko ito'y di sapat.
Ikompara man ito sa inyong mga sakripisyo.
Aking mga magulang, gagawin ko ito para sa inyo.

Lumipas ang dalawang dekada, di pa ako natapos.
Sa aking pag-aaral, grado ko ay kinapos.
Di ko alam ang aking gagawin, ako'y hiyang hiya na.
Dahil di ko pa naibigay ang inasam nyong diploma.

Di ko man naibigay sa inyo ang gintong medalya.
Ang hiniling nyo lang ako'y matapos, kayo'y umaasa.
Kaya gagawin ko ang lahat para ito'y makamit.
Para makaakyat sa entablado suot ang itim na damit.

Ang tula na ito ay aking nilahok para sa patimpalak na ito ni @jassennessaj.

---

---

Please support @surpassinggoogle as a witness by voting him at https://steemit.com/~witnesses and type in "steemgigs" at the first search box.

You can also give him witness voting decisions on your behalf, visit https://steemit.com/~witnesses again and type in "surpassinggoogle" in the second box as a proxy.

Please support his project as well, which is @teardrops Smart Media Token.

---

Do support @steemph, @bayanihan, and @sawasdeethailand curation teams. Huge thanks to sir @bobbylee, and @hr1.

---