Word Poetry Challenge #19 : "Ulan" | Aking lahok.

Pinagkuhanan ng litrato

"ULAN"
Katha ni: @blessedsteemer🙏

---

Dumating na naman ang panahon ng tag-ulan,
May mga natutuwa at iba'y kinaiinisan.
Mga magsasaka sa kabukiran ito ay pinapasalamatan,
Ngunit dito sa siyudad, ay sinusumpa dahil sa kalbaryong nararanasan.

---

Sa pagbuhos ng ulan maraming reaksyon kang makikita,
May masaya, malungkot at asar ang mukha.
Mayroon namang nag eemot at lumuluha,
Dahil sa patak ng ulan mayroong silang naalala.

---

O' kayganda pagmasdan ang bawat patak ng ulan,
Mga problema mo sa buhay minsan ay naiibsan.
At minsan ay naalala mo ay iyong kabataan,
Na masayang nagtatampisaw sa buhos ng ulan.

---

Maraming tanong sa aking isipan patungkol sa ulan,
Perwisyo o pagpapala ang dala nito sa bayan?
Ngunit aking ito minumuni muni sa aking isipan,
Mayroong itong tulong sa iba nating kababayan, pero kapag sumobra naman perwisyo ito sa sambayanan.

---

Kaya payo ko na lang sa ating mga kababayan,
Maging disiplinado tayong mga mamayan.
Mag ingat tayo at huwag naman magtapon ng basura kung saan saan,
Para maiwasan ang perwisyo sa pagbuhos ng ulan.

---

Ang inyo pong lingkod;
@blessedsteemer🙏

---

Salamat po sa oras ng inyong pagbasa at sana po magustuhan nyo po ang aking munting tula na aking lahok sa patimpalak na ito ni ginoong @jassennesssaj.😊Mabuhay po tayong mga manunulang pilipino!😊

---