Word Poetry Challenge #18 : "Tamang Panahon"| Ang aking lahok.

Pinagkuhanan ng litrato

---

"TAMANG PANAHON"
katha ni: @blessedsteemer🙏***

---

May mga bagay sa mundo na minsan mahirap maintindihan,
At kadalasan ay hindi kaya arukin ng ating limitadong kaisipan.
Bakit may mga bagay na sa atin pinapahintulutan,
At ang mga pinapangarap na buhay ay di natin nararanasan.

---

Bakit sa buhay ay puno ng pasakit,
Kaya mga mahihirap ay puno ng hinanakit.
Dahil ang buhay nila ay puno ng hinagpis,
Samantalang ang iba ay puno ng ligaya at tamis.

---

Dobleng pagsisikap ang ginagawa sa maghapon,
Upang sa hirap ng buhay ay makaahon.
Ngunit sa karukhaan ay lalong nababaon,
Kaya minsan dahil sa depresyon,ay nasisi tuloy ang Panginoon.

---

Kaya ikaw sa langit ay napapatingala,
Nagtatanong sa Diyos sabay agos ng luha.
Bakit kay ilap ng Kanyang mga biyaya,
Na ikaw naman ay di nakakalimot at sa Kanya nanampalataya.

---

Ngunit lagi natin tatandaan at itatak sa puso't isipan,
Lahat ng pangyayari sa buhay natin ay Kanyang pinapahintulutan.
Dahil may inilaan na biyaya sa atin ang ating Panginoon,
At ibibigay Niya ito sa "Tamang Panahon"!

---

Ito po ang aking lahok sa patimpalak na ito ni ginoong @jassennessaj. Sana ay magustuhan nyu po ang aking simpleng akda.😊. Salamat sa pagbasa! Mabuhay po ang mga manunulang pilipino!🙌💪

---

Ang inyo pong lingkod;
@blessedsteemer🙏

---

---

Vote my witness: @good-karma; @precise; @steemgigs; @cloh76.witness; @ausbitbank

To cast your vote visit https://steemit.com/~witnesses