Philippine Poetry and Song Writing Contest #1: "Ang Haligi ng Tahanan"

This is my Official Entry for Philippine Poetry and Song Writing Contest#1 headed by @jassennessaj and his team.

Have good one reading my entry dear Steemians

Ang Haligi ng Tahanan

Ikaw ang pinakaunang lalaki na aking nakagisnan, nakilala't minahal
Ang unang matitipong bisig na sa aki'y umalalay
Lakas mo ay aking naging gabay
Ang unang musika't sayaw
na sa aking buhay binigyang kulay

Kapag may takot sa Puso at lungkot sa mga mata
at kung minsan ay may alinlangan at pangamba
sa matinik at abot-dili na landas
Ikaw Tatay ang kasangga at kasama sa agos ng buhay

Tay isa kang larawan ng isang mabuting kaibigan
Tapat, maaasahan at laging masasandalan bakal ang kalooban
sa iyo ay may natatanging patakaran magdilat ng mata at
Laging dapat manaig ay pagmamahalan sa isa't-isa

Kaya kong tumawa at umiyak, sa iyo lang ay mailahad
Laman ng puso't kaisipan kailanma'y di masusukat
Para sa iyo, ang maging "AKO" ay sapat na at walang katumbas na ligaya
Para sa amin ikaw ay isang biyaya
Ipinagkaloob ng poong Maykapal,
Ang pag-ibig mong tunay at wagas
sa puso namin ay pinamalas

Ngayong sa aking mga balikat ay pasan,
ang isang Anghel ng Tahanan
Ang mga aral na dulot mo ay aking gabay,
dahil sa ikaw ay dakilang Tatay, Ako ay lubos na nagpapasamalat
dahil sayo aking naiwasto ang mga bagay-bagay
Dahil Tay ako ay isa na ring Tatay

Ang Tula na ito ay isang mensahe na nais lamang ipabatid kung gaano ka lubos hinahangaan at kamahal ng anak ang kanyang mahal na Ama

Thank you for reading my fellow Steemians, I hope you like my poem have a nice day everyone ⛅⛅

》》SPREAD THE VIBES《《

ApexZachMarie