ANG AKING BUHAY , PARA SA BAYAN

(tula)

wala akong ibang hangad kundi kapayapaan
para sa pinakamamahal kong bayan
mga masasamang loob ay handa kong labanan
kahit kanilang mga bala ay aking haharangan
kahit maging kapalit nito ay ang aking buhay.

Ngayon ako'y napadpad, sa lugar ng digmaan
upang gampanan, sinumpaan kong tungkulin,
upang puksain, mga taong sumisira sa kapayapaan
upang labanan mga kapwa ko Filipino.

Sa paglipas ng mga araw, kaguluhan ay nagpapatuloy
at ako'y unti-unting pinapatay ng kalungkutan
kalungkutan sa pananbik sa aking pamilya
pananabik na masilayan mukha ng aking kabiyak
at pag lalambing ng pinakamamahal kong anak.

Isang araw akoy namulat sa lugar ng bakbakan
na baril at bala ang tangi kong tangan
ngunit paninindigan at pananampalataya
ang aking tunay na sandata
upang mapuksa ang kaaway ng aking bayan.

Ngunit sa isang iglap akoy nagulat
sa isang balang tumama, sa aking puso
katawan ko'y nangina, at humandusay sa lupa
unti-unting nanumbalik maliligayang yugto, ng aking buhay
at ang aking pamilyang sa akin ay nagmamahal
hanggang ang aking paningin, binalot ng kadiliman.

Ngunit ako'y nahimlay, na may ngiti sa aking labi
dahil ang aking buhay sa bayan ay inalay
at hangad kong kapayapaan, ay makakamtan
ng PINAKAMAMAHAL KONG BAYAN.

MARAMING SALAMAT SA PAGBASA

Sana ay nagustuhan nyo

MARAMING SALAMAT!