Isang Inang Wala Ang Mga Anak Sa Tabi....

Isang mahabang bakasyon na aking ginawa at tumigil sa pag sulat dahil sa sobrang dami ng aking problema. Ito nalang ang aking tanging paraan para ako ay bumangon at manatili sa aking pagiisa habang wala ang aking mga anak sa aking tabi. Masakit man isipin na ang aking asawa ay pinagpalit na ako sa ibang babae at ang aming mga anak ay ilalayo nya pa sa akin.

Napakasakit bilang ina na mawalay sa mga anak pero kailangan tiisin upang makabangon muli at magkaron ng sariling pera at makaipon upang makuha ang aking mga anak at maalagaan sila ng mabuti. Kailangan kong umalis dahil ako ay pinaalis ng aking asawa at ang tanging nagawa ko lang ay tumayo sa aking sariling mga paa upang makabangon at magkaroon ng aking sariling pera at mabuhay ng mapayapa.

Sobrang sakit para sa akin ang mawalay sa aking mga anak pero eto lang ang tanging paraan upang makapagtabi ng pera para sa kinabukasan ng aking mga anak.