Tila may mga paru-paro sa aking tiyan;
Na umiikot-ikot kapag ika'y nariyan.
Kumakabog - kabog ang aking dibdib
Di ko maintindihan kung ito ba'y pag-ibig.

Kinikilig-kilig pa, pag nagkakatagpo ang mga landas,
Sa mga titigan na ayaw tigilan, parang wala ng bukas.
Mga mata natin tila nag-uusap, dahil iba ang dala ng mga titig mong wagas.
Iba ang dulot ng pag-ibig, sa puso ko'y nag-uukit ng bakas.

Binigyan mo ng kulay ang aking mundo,
Ginising mo ang natutulog kong puso.
Pag-ibig na hindi ko inasahan,
Parang kidlat na biglang dumaan.

Nong mahulog ako sayo, agad mo naman akong sinalo.
Sobrang kasiyahan ang nadama, dahil pag-ibig ko't tinanggap ng buo.
Pwede bang wag na nating tigilan?
Hanggang sa pagtanda tayong dalawa lamang.

Ikaw at ako, alam kong para sa isa't -isa
Magkaibang mundo, tunay na tinadhana.

Orihinal na likha: @xorexman
Ang larawan ay galing sa: Pixabay

@surpassinggoogle has been a wonderful person and please support him as a witness by voting him at https://steemit.com/~witnesses and type in "steemgigs" at the first search box.
If you want to give him witness voting decisions on your behalf, visit https://steemit.com/~witnesses again and type in "surpassinggoogle" in the second box as a proxy.