Pidgin Contest: The creed of life (@ogoowinner)

eprolific (65)in #npc • 7 years ago

This na my correct entry for @ogoowinner pidgin english contest for the creed of life NPC episode 3 wey she nack for her blog

https://busy.org/life/@ogoowinner/the-creed-of-life-npc-episode-3

Me gree say na every pesin get full right to make people love, see am and hear am
Me gree say all of of us in the world we be equal na Baba God create all of us
Me gree say this world big well well for for us to live life jeje
Me gree say no mata how he be every pesin na original for something
Me gree say every person in this world dey special and unique
Me gree say every pesin get esu inside and also get angel inside am, but for me oh I go try well well to package the esu for tight corner, so that na only the angel go get beta chance to show himself
Me gree say our tribe, religion and position for life na notin but na stingy wicked people naim carry am for head,sothat control go dey dere hand, cause gbege and put am for people mind say na them be all in all but me chose to be “correct pesin wey get sense” before tribe , religion and position for life.
Me na wetin I like people to do to me naim I go do to dem also
Me no go just dey behave to people anyhow becos of who dem be but becos of who I go like dem to be
For me any mata or business wey go cause gbeke, kasala,my hand no dey inside a gain
Me I go try to dey understand people inside of make I dey judge them about
Me no go allow carry body, tight hand, jealousy to control anything I won do for this life
Me, before I go kpai comot for the earth I go do big thing wey people not to forget me like dat
Me go try to dey agile, strong and kampe when alarm don blow, kasala do shele, gbege do burst
Me no go gree for fear to package my life for one corner
Me no go gree for anyhow bad thinking to come full my mind but as the bad thinking they come I dey resist am sharply and dey replace with coreect and beta thinking, becos thinking get power 2much, if I thinking anyhow my life go become anyhow but if I think well my life go go well
Me, na original I go always be, I no go be copy copy of another pesin , come dey lie anoda pesin life tufiakwa!
*Me, go make beta difference f I put only my best for anything I dey do
My life na one big journey for me no be race at all ,me no go dey competition with any pesin. Every pesin get him life to live.
Na peace naim I get hand put
Na charity naim I get hand put
Na forgiveness naim I get hand put
Na love naim I get hand put
Na mercy naim I get hand put
Na justice for every pesin naim I get hand put
Me, don decide say I won “live” life, I no just come exist for life to be like musin musin for this earth
Me , myself and I Efe Eric don declared say this naim my creed everyday for my life