ﯾﮧ ﺍﯾﮏ ﺧﺎﻟﺼﺘﺎً ﻣﺮﺩﺍﻧﮧ ﻣﺤﻔﻞ ﺗﮭﯽ، ﮨﻢ ﭘﺎﻧﭻ ﺩﻭﺳﺖ ﻣﺨﺘﻠﻒ ﺍﯾﺸﻮﺯ ﭘﺮ ﺑﺤﺚ ﮐﺮ ﺭﮨﮯ ﺗﮭﮯ ، ﺍﭼﺎﻧﮏ ﺍﯾﮏ ﺯﻧﺎﻧﮧ ﺁﻭﺍﺯ ﺁﺋﯽ
’’ ﺁﺋﯽ ﻟﻮ ﯾﻮ ﺟﺎﻥ ‘‘۔
ﺳﺐ ﺑﮯ ﺍﺧﺘﯿﺎﺭ ﺍﭼﮭﻞ ﭘﮍﮮ، ﺁﻧﮑﮭﯿﮟ ﭘﮭﺎﮌ ﭘﮭﺎﮌ ﮐﺮ ﺍﺩﮬﺮ ﺍُﺩﮬﺮ ﺩﯾﮑﮭﺎ ﻟﯿﮑﻦ ﭨﯽ ﻭﯼ ﺑﮭﯽ ﺑﻨﺪ ﺗﮭﺎ ﺍﻭﺭﺩﻭﺭ ﺩﻭﺭ ﺗﮏ ﮐﻮﺋﯽ ﺧﺎﺗﻮﻥ ﺑﮭﯽ ﻧﮩﯿﮟ ﻧﻈﺮ ﻧﮩﯿﮟ ﺁﺋﯽ۔ ﺍﺗﻨﮯ ﻣﯿﮟ ﯾﮩﯽ ﺁﻭﺍﺯ ﭘﮭﺮ ﺍﺑﮭﺮﯼ ﺍﻭﺭ ﻋﻘﺪﮦ ﮐﮭﻼﮐﮧ ﯾﮧ ﺍﯾﮏ ﺩﻭﺳﺖ ﮐﮯ ﻣﻮﺑﺎﺋﻞ ﻓﻮﻥ ﺳﮯ ﺁﺭﮨﯽ ﮨﮯ۔ﺩﻭﺳﺖ ﻧﮯ ﻣﻮﺑﺎﺋﻞ ﻧﮑﺎﻻ، ﮐﭽﮫ ﺩﯾﺮ ﺑﺎﺕ ﮐﯽ ﺍﻭﺭ ﻣﺴﮑﺮﺍﺗﮯ ﮨﻮﺋﮯ ﻓﻮﻥ ﺑﻨﺪ ﮐﺮﺩﯾﺎ۔
ﭘﺘﺎ ﭼﻼ ﮐﮧ ﻣﻮﺻﻮﻑ ﻧﮯ ﺍﭘﻨﯽ ﺑﯿﮕﻢ ﮐﯽ ﺁﻭﺍﺯ ﮐﻮ ﺭِﻧﮓ ﭨﻮﻥ ﺑﻨﺎ ﺭﮐﮭﺎ ﮨﮯ۔ﺍﻥ ﮐﯽ ﺑﯿﮕﻢ ﮐﺎ ﺟﺐ ﺑﮭﯽ ﻓﻮﻥ ﺁﺗﺎ ﮨﮯ ﯾﮩﯽ ﭘﯿﺎﺭ ﺑﮭﺮﯼ ﭨﻮﻥ ﺑﺠﻨﮯ ﻟﮕﺘﯽ ﮨﮯ ﺗﺎﮨﻢ ﻭﮦ ﺟﺐ ﺑﮭﯽ ﻓﻮﻥ ﺍﭨﯿﻨﮉ ﮐﺮﺗﮯ ﮨﯿﮟ ﺩﻭﺳﺮﯼ ﻃﺮﻑ ﺳﮯ ﺩﺍﻧﺖ ﭘﯿﺴﻨﮯ ﮐﯽ ﺁﻭﺍﺯﯾﮟ ﭼﺎﺭ ﮔﺰ ﺩﻭﺭ ﺑﯿﭩﮭﮯ ﺑﻨﺪﮮ ﮐﻮ ﺑﮭﯽ ﺳﻨﺎﺋﯽ ﺩﮮ ﺟﺎﺗﯽ ﮨﯿﮟ۔ﭘﺘﺎ ﻧﮩﯿﮟ ﺍﯾﺴﮯ ﻟﻮﮔﻮﮞ ﮐﻮ ﮐﯿﺎ ﺑﯿﻤﺎﺭﯼ ﮨﮯ، ﺍﯾﺴﯽ ﺍﯾﺴﯽ ﺭِﻧﮓ ﭨﻮﻥ ﻟﮕﺎﺗﮯ ﮨﯿﮟ ﮐﮧ ﺳﺎﺭﺍ ﻣﺎﺣﻮﻝ ﺑﺪﻝ ﮐﮯ ﺭﮐﮫ ﺩﯾﺘﮯ ﮨﯿﮟ۔
ﭘﭽﮭﻠﮯ ﺩﻧﻮﮞ ﺍﯾﮏ ﺟﻨﺎﺯﮮ ﻣﯿﮟ ﺷﺮﮐﺖ ﮐﺎ ﻣﻮﻗﻊ ﻣﻼ ﺗﻮ ﻭﮨﺎﮞ ﺑﮭﯽ ﺍﯾﺴﯽ ﮨﯽ ﺻﻮﺭﺗﺤﺎﻝ ﭘﯿﺶ ﺁﮔﺌﯽ، ﮐﻨﺪﮬﺎ ﺑﺪﻟﺘﮯ ﮨﻮﺋﮯ ﺍﯾﮏ ﺻﺎﺣﺐ ﻧﮯ ﮐﻠﻤﮧ ﺷﮩﺎﺩﺕ ﮐﺎ ﻧﻌﺮﮦ ﻟﮕﺎﯾﺎ ﺍﻭﺭ ﺳﺎﺗﮫ ﮨﯽ ﺍﻥ ﮐﮯ ﻣﻮﺑﺎﺋﻞ ﺳﮯ ﺁﻭﺍ ﺯﺁﺋﯽ
’’ﭼﭩﯿﺎﮞ ﮐﻼﺋﯿﺎﮞ ﻭﮮ ‘‘ ۔
ﺍﮐﺜﺮ ﻟﻮﮔﻮﮞ ﮐﺎ ﮐﮩﻨﺎ ﮨﮯ ﮐﮧ ﻭﮦ ﻣﺨﺼﻮﺹ ﺭِﻧﮓ ﭨﻮﻥ ﺍﺱ ﻟﯿﮯ ﻟﮕﺎﺗﮯ ﮨﯿﮟ ﺗﺎﮐﮧ ﭘﺘﺎ ﭼﻞ ﺟﺎﺋﮯ ﮐﮧ ﮐﺲ ﮐﺎ ﻓﻮﻥ ﺁﺭﮨﺎ ﮨﮯ، ﻣﯿﺮﮮ ﺍﯾﮏ ﻣﺤﻠﮯ ﺩﺍﺭ ﮐﮯ ﻓﻮﻥ ﭘﺮ ﺍﮐﺜﺮ ﮔﺪﮬﮯ، ﺑﻠﯽ، ﺍﻭﻧﭧ ﺍﻭﺭ ﺑﮭﯿﮍﯾﮯ ﮐﯽ ﺁﻭﺍﺯﯾﮟ ﺳﻨﻨﮯ ﮐﻮ ﻣﻠﺘﯽ ﮨﯿﮟ۔ﺍﯾﮏ ﺩﻓﻌﮧ ﺭﺍﺯ ﭘﻮﭼﮭﺎ ﺗﻮ ﺩﺍﻧﺖ ﻧﮑﺎﻝ ﮐﺮ ﺑﻮﻟﮯ ﮨﺮ ﺳﺴﺮﺍﻟﯽ ﺭﺷﺘﮧ ﺩﺍﺭ ﮐﮯ ﻟﯿﮯ ﻣﺨﺘﻠﻒ ﺭِﻧﮓ ﭨﻮﻥ ﺳﯿﭧ ﮐﯽ ﮨﻮﺋﯽ ﮨﮯ۔ ﺍﯾﮏ ﺩﻓﻌﮧ ﺍﻥ ﮐﮯ ﻣﻮﺑﺎﺋﻞ ﺳﮯ ﺧﻄﺮﮮ ﮐﮯ ﺳﺎﺋﺮﻥ ﮐﯽ ﺁﻭﺍﺯ ﺁﺋﯽ، ﻣﯿﮟ ﻧﮯ ﭘﻮﭼﮭﺎ
ﯾﮧ ﮐﺲ ﮐﺎ ﻧﻤﺒﺮ ﮨﮯ؟
ﺍﻃﻤﯿﻨﺎﻥ ﺳﮯ ﺑﻮﻟﮯ
’’ﺩﻭﮐﺎﻧﺪﺍﺭ ﮐﺎ۔ ‘‘
ﮐﺌﯽ ﻟﻮﮔﻮﮞ ﮐﮯ ﺍﯾﮏ ﻧﺎﻡ ﻭﺍﻟﮯ ﮐﺎﻓﯽ ﺳﺎﺭﮮ ﻟﻮﮒ ﮨﻮﮞ ﺗﻮ ﻭﮦ ﯾﺎﺩ ﺩﮨﺎﻧﯽ ﮐﮯ ﻟﯿﮯ ﺍﻥ ﮐﺎ ﻧﻤﺒﺮ ﻣﺤﻔﻮﻅ ﮐﺮﺗﮯ ﻭﻗﺖ ﺍﮐﺜﺮ ﺍﻥ ﮐﺎ ﮐﺮﯾﮑﭩﺮ ﺑﮭﯽ ﺳﺎﺗﮫ ﻟﮑﮫ ﺩﯾﺘﮯ ﮨﯿﮟ ﻣﺜﻼً ﺍﮔﺮ بھولا ﻧﺎﻡ ﮐﮯ ﺍﯾﮏ ﺳﮯ ﺯﯾﺎﺩﮦ ﻟﻮﮒ ﮨﻮﮞ ﺗﻮ ﺍﻥ ﮐﮯ ﻧﺎﻡ ﮐﭽﮫ ﯾﻮﮞ ﺩﺭﺝ ﮨﻮﮞ ﮔﮯ
’’بھولا ﮈﻧﮕﺮ، بھولا ﭼﻮﻝ، بھولا ﺑﻮﻧﮕﺎ، بھولا ﻣﻨﺤﻮﺱ، بھولا شہزادہ ۔۔۔ﻭﻏﯿﺮﮦ ﻭﻏﯿﺮﮦ۔
ﺍﺳﯽ ﻃﺮﺡ ﺟﻦ ﻟﻮﮔﻮﮞ ﮐﻮ ﮨﺮ ﻧﺎﻡ ﮐﮯ ﺳﺎﺗﮫ ﺭﻧﮓ ﭨﻮﻧﺰ ﻟﮕﺎﻧﮯ ﮐﺎ ﺷﻮﻕ ﮨﻮﺗﺎﮨﮯ ﻭﮦ ﺑﮭﯽ ﮐﭽﮫ ﺍﯾﺴﺎ ﮨﯽ ﮐﺮﺗﮯ ﮨﯿﮟ ،
ﻣﯿﺮﮮ ﺁﻓﺲ ﺑﻮﺍﺋﮯ ﻧﮯ ﺑﮭﯽ ﮨﺮ ﻧﺎﻡ ﮐﮯ ﻟﯿﮯ ﮈﮬﻮﻧﮉﮈﮬﻮﻧﮉ ﮐﺮ ﮔﺎﻧﻮﮞ ﻭﺍﻟﯽ ﺭﻧﮓ ﭨﻮﻧﺰ ﻟﮕﺎﺋﯽ ﮨﻮﺋﯽ ﮨﯿﮟ۔
ﺍﺱ ﮐﯽ ﻭﺍﻟﺪﮦ ﮐﺎ ﻓﻮﻥ ﺁﺋﮯ ﺗﻮ ﮔﺎﻧﺎ ﺑﺠﺘﺎ ﮨﮯ
’’ﻣﺎﺋﮯ ﻧﯽ ﻣﯿﮟ ﮐﻨﻮﮞ ﺁﮐﮭﺎﮞ ‘‘
۔۔۔ﻭﺍﻟﺪ ﺻﺎﺣﺐ ﮐﺎ ﻓﻮﻥ ﺁﺋﮯ ﺗﻮ ﺁﻭﺍﺯ ﺁﺗﯽ ﮨﮯ
’’ﭘﺎﭘﺎ ﮐﮩﺘﮯ ﮨﯿﮟ ﺑﮍﺍ ﻧﺎﻡ ﮐﺮﮮ ﮔﺎ ‘‘۔
ﺑﮭﺎﺋﯽ ﮐﺎ ﻓﻮﻥ ﺁﺋﮯ ﺗﻮ
’’ﺩﺷﻤﻦ ﻧﮧ ﮐﺮﮮ ﺩﻭﺳﺖ ﻧﮯ ﻭﮦ ﮐﺎﻡ ﮐﯿﺎ ﮨﮯ ‘‘ ﭼﻞ ﭘﮍﺗﺎﮨﮯ۔
ﺍﯾﮏ ﺩﻓﻌﮧ ﻭﮦ ﭼﺎﺋﮯ ﺑﻨﺎ ﺭﮨﺎ ﺗﮭﺎ، ﻣﯿﮟ ﻧﮯ ﺍﭘﻨﺎ ﺳﭩﯿﭩﺲ ﭼﯿﮏ ﮐﺮﻧﮯ ﮐﮯ ﻟﯿﮯ ﺍﺳﮯ ﺑﯿﻞ ﻣﺎﺭﯼ ﺗﻮ ﺁﮔﮯ ﺳﮯ ﮔﺎﻧﺎ ﭼﻞ ﭘﮍﺍ
’’ﮔﮭﻮﮌﮮ ﺟﯿﺴﯽ ﭼﺎﻝ ﮨﺎﺗﮭﯽ ﺟﯿﺴﯽ ﺩُﻡ‘‘ ۔۔۔!!!
ﺁﭖ ﻧﮯ ﯾﻘﯿﻨﺎًﻭﮦ ﻟﻮﮒ ﺑﮭﯽ ﺩﯾﮑﮭﮯ ﮨﻮﮞ ﮔﮯ ﺟﻮ ﺭِﻧﮓ ﭨﻮﻧﺰ ﮐﮯ ﺷﯿﺪﺍﺋﯽ ﮨﻮﺗﮯ ﮨﯿﮟ،ﺍﻥ ﮐﺎﺍﻭﻟﯿﻦ ﺷﻮﻕ ﻣﻮﺑﺎﺋﻞ ﻣﯿﮟ ﻧﺌﯽ ﻧﺌﯽ ﺭﻧﮓ ﭨﻮﻧﺰ ﺑﮭﺮﻭﺍﻧﺎ ﮨﻮﺗﺎﮨﮯ ،ﯾﮧ ﮨﺮ ﺩﻭ ﮔﮭﻨﭩﮯ ﺑﻌﺪ ﺍﭘﻨﯽ ﺭِﻧﮓ ﭨﻮﻥ ﺑﺪﻝ ﺩﯾﺘﮯ ﮨﯿﮟ۔ﻓﺎﺭﻍ ﻭﻗﺖ ﻣﯿﮟ ﺍﻥ ﮐﺎ ﺑﮩﺘﺮﯾﻦ ﻣﺸﻐﻠﮧ ﺍﭘﻨﮯ ﮨﯽ ﻣﻮﺑﺎﺋﻞ ﮐﯽ ﻣﺨﺘﻠﻒ ﺭِﻧﮓ ﭨﻮﻧﺰ ﺳﻨﻨﺎ ﮨﻮﺗﺎﮨﮯ۔ﯾﮧ ﮐﮩﯿﮟ ﺑﯿﭩﮭﮯ ﮨﻮﮞ ﺗﻮ ﺍِﻥ ﮐﮯ ﻣﻮﺑﺎﺋﻞ ﮐﯽ ﺭﻧﮓ ﭨﻮﻥ ﮐﯽ ﺁﻭﺍﺯ ﺳﺎﺗﻮﯾﮟ ﻣﺤﻠﮯ ﺗﮏ ﺳﻨﺎﺋﯽ ﺩﯾﺘﯽ ﮨﮯ ﺗﺎﮨﻢ ﯾﮧ ﻓﻮﺭﺍً ﮨﯽ ﮐﺎﻝ ﺭﺳﯿﻮ ﻧﮩﯿﮟ ﮐﺮﺗﮯ ﺑﻠﮑﮧ ﺗﯿﺲ ﭼﺎﻟﯿﺲ ﺳﯿﮑﻨﮉ ﺗﮏ ﺧﻮﺩ ﺑﮭﯽ ﭨﻮﻥ ﺳﻨﻨﮯ ﮐﺎ ﻣﺰﺍ ﻟﯿﺘﮯ ﮨﯿﮟ ﺍﻭﺭ ﺍﺭﺩﮔﺮﺩ ﺑﯿﭩﮭﮯ ﮨﻮﺅﮞ ﮐﻮ ﺑﮭﯽ ﺫﮨﻨﯽ ﮐﻮﻓﺖ ﻣﯿﮟ ﻣﺒﺘﻼ ﮐﺮﺗﮯ ﮨﯿﮟ۔
ﮐﺌﯽ ﻧﯿﮏ ﻟﻮﮒ ﻣﺬﮨﺒﯽ ﮐﻠﻤﺎﺕ ﮐﻮ ﺭﻧﮓ ﭨﻮﻥ ﺑﻨﺎﻧﺎ ﭘﺴﻨﺪ ﮐﺮﺗﮯ ﮨﯿﮟ ،
ﻣﯿﺮﮮ ﺍﯾﮏ ﺩﻭﺳﺖ ﻧﮯ ’’ ﺑﺴﻢ ﺍﻟﻠﮧ ‘‘ ﮐﻮ ﺍﭘﻨﯽ ﺭﻧﮓ ﭨﻮﻥ ﺑﻨﺎ ﺭﮐﮭﺎ ﮨﮯ، ﮐﺌﯽ ﺩﻓﻌﮧ ﺟﺐ ﺍﺱ ﮐﯽ ﺑﯿﮕﻢ ﻟﮍﺍﺋﯽ ﮐﮯ ﺩﻭﺭﺍﻥ ﺍﺱ ﮐﮯ ﺍﻭﭘﺮ ﮔﺮﻡ ﮔﺮﻡ ﭼﺎﺋﮯ ﭘﮭﯿﻨﮑﻨﮯ ﻟﮕﺘﯽ ﮨﮯ ﺗﻮ ﺍﺗﻔﺎﻕ ﺳﮯ ﮐﺴﯽ ﻧﮧ ﮐﺴﯽ ﮐﺎ ﻓﻮﻥ ﺁﺟﺎﺗﺎ ﮨﮯ ﺍﻭﺭ ﭼﺎﺋﮯ ﮔﺮﻧﮯ ﺳﮯ ﭘﮩﻠﮯ ﺁﻭﺍﺯ ﺁﺗﯽ ﮨﮯ
’’ ﺑﺴﻢ ﺍﻟﻠﮧ ﺍﻟﺮﺣﻤﻦ ﺍﻟﺮﺣﯿﻢ ‘‘۔
ﺍﺳﯽ ﻃﺮﺡ ﺍﯾﮏ ﺍﻭﺭ ﺩﻭﺳﺖ ﮨﯿﮟ ﺟﻨﮩﯿﮟ ﮨﺮ ﻭﻗﺖ ﻣﻮﺕ ﯾﺎﺩ ﺭﮨﺘﯽ ﮨﮯ ﻟﮩﺬﺍ ﺍﻧﮩﻮﮞ ﻧﮯ ﺍﭘﻨﯽ ﺭﻧﮓ ﭨﻮﻥ ﺑﮭﯽ ﺍﺳﯽ ﮐﮯ ﻣﻄﺎﺑﻖ ﺳﯿﭧ ﮐﯽ ﮨﻮﺋﯽ ﮨﮯ۔ﻣﻮﺻﻮﻑ ﻧﮯ ﭘﭽﮭﻠﮯ ﺩﻧﻮﮞ ﺩﻭﺳﺮﯼ ﺷﺎﺩﯼ ﮐﺮﻟﯽ، ﻧﮑﺎﺡ ﮨﻮﮔﯿﺎ ﺗﻮ ﺍﭼﺎﻧﮏ ﺍﻥ ﮐﮯ ﻣﻮﺑﺎﺋﻞ ﺳﮯ ﺁﻭﺍﺯ ﺁﺋﯽ
’’ ﺍﻧﺎ ﻟﻠﮧ ﻭﺍﻧﺎ ﺍﻟﯿﮧ ﺭﺍﺟﻌﻮﻥ ‘‘۔
ﺍﮐﺜﺮ ﻟﻮﮒ ﻣﯿﺴﺞ ﮐﯽ ﭨﻮﻥ ﺑﮭﯽ ﻣﺨﺘﻠﻒ ﺭﮐﮭﻨﺎ ﭘﺴﻨﺪ ﮐﺮﺗﮯ ﮨﯿﮟ ﺗﺎﮨﻢ ﺑﻌﺾ ﺍﻭﻗﺎﺕ ﯾﮧ ﺍﺗﻨﯽ ﻣﺨﺘﻠﻒ ﮨﻮﺟﺎﺗﯽ ﮨﮯ ﮐﮧ ﺳﺎﺗﮫ ﻭﺍﻟﻮﮞ ﮐﻮ ﺍﻧﺪﺍﺯﮦ ﮨﯽ ﻧﮩﯿﮟ ﮨﻮﺗﺎ ﮐﮧ ﮨﻮﺍ ﮐﯿﺎ ﮨﮯ۔
ﻣﯿﮟ ﺍﯾﮏ ﺩﻓﻌﮧ ﺁﻓﺲ ﺁﻧﮯ ﮐﮯ ﻟﯿﮯ ﻟﻔﭧ ﻣﯿﮟ ﺳﻮﺍﺭ ﺗﮭﺎ ﮐﮧ ﺍﭼﺎﻧﮏ ﮐﺘﮯ ﮐﮯ ﺑﮭﻮﻧﮑﻨﮯ ﮐﯽ ﺯﻭﺭﺩﺍﺭ ﺁﻭﺍﺯ ﺁﺋﯽ، ﻟﻔﭧ ﻣﯿﮟ ﺳﻮﺍﺭ ﮨﺮ ﺑﻨﺪﮮ ﮐﯽ ﮨﺎﻑ ﭼﯿﺦ ﻧﮑﻞ ﮔﺌﯽ۔ﭘﺘﺎ ﭼﻼ ﮐﮧ ﮐﻮﻧﮯ ﻭﺍﻟﮯ ﺻﺎﺣﺐ ﮐﮯ ﻣﻮﺑﺎﺋﻞ ﭘﺮ ﻣﯿﺴﺞ ﺁﯾﺎ ﮨﮯ۔
ﺍﺳﯽ ﻃﺮﺡ ﺁﭖ ﻧﮯ ﺍﮐﺜﺮ ﺩﯾﮑﮭﺎ ﮨﻮﮔﺎ ﮐﮧ ﺑﮭﺮﯼ ﻣﺤﻔﻞ ﻣﯿﮟ ﺍﭼﺎﻧﮏ ﺩﺭﻭﺍﺯﮮ ﭘﺮ ﺩﺳﺘﮏ ﮐﯽ ﺁﻭﺍﺯ ﺁﺗﯽ ﮨﮯ، ﯾﮧ ﺑﮭﯽ ﻣﯿﺴﺞ ﮐﯽ ﭨﻮﻥ ﮨﻮﺗﯽ ﮨﮯ۔
ﻣﯿﺮﮮ ﺩﻓﺘﺮ ﮐﮯ ﮨﻤﺴﺎﺋﮯ ﻣﯿﮟ ﺍﯾﮏ ﺻﺎﺣﺐ ﻧﮯ ﻣﯿﺴﺞ ﮐﯽ ﭨﻮﻥ ﭘﺮ ﺍﯾﮏ ﺧﺎﺗﻮﻥ ﮐﯽ ﮐﺮﺑﻨﺎﮎ ﭼﯿﺦ ﻟﮕﺎ ﺭﮐﮭﯽ ﮨﮯ ،
ﺳﻮ ﮐﺌﯽ ﺩﻓﻌﮧ ﮨﻮﺍ ﮐﮧ ﮔﺎﮌﯼ ﭼﻼﺗﮯ ﮨﻮﺋﮯ ﺍﻧﮩﻮﮞ ﻧﮯ ﺷﯿﺸﮯ ﮐﮭﻮﻟﮯ،ﮐﻮﺋﯽ ﻣﯿﺴﺞ ﺁﯾﺎ ﺍﻭﺭﮐﺴﯽ ﻗﺮﯾﺒﯽ ﺭﺍﮨﮕﯿﺮﻧﮯ ﺍﻥ ﮐﯽ ﮔﺎﮌﯼ ﮐﺎ ﻧﻤﺒﺮ ﻧﻮﭦ ﮐﺮﮐﮯ ﻭﻥ ﻓﺎﺋﯿﻮ ﭘﺮ ﻓﻮﻥ ﮐﺮ ﺩﯾﺎ۔ﺗﺎﮨﻢ ﭘﭽﮭﻠﮯ ﮐﭽﮫ ﺩﻧﻮﮞ ﺳﮯ ﻣﺠﮭﮯ ﭼﯿﺨﻮﮞ ﮐﯽ ﺁﻭﺍﺯ ﻧﮩﯿﮟ ﺁﺋﯽ ﺗﻮ ﭘﺘﺎ ﭼﻼ ﮐﮧ ﺍﻧﮩﻮﮞ ﻧﮯ ﯾﮧ ﺭِﻧﮓ ﭨﻮﻥ ﺑﺪﻝ ﺩﯼ ﮨﮯ، ﻣﯿﮟ ﻧﮯ ﻭﺟﮧ ﭘﻮﭼﮭﯽ ﺗﻮﮐﮭﺴﯿﺎﻧﮯ ﮨﻮﮐﺮ ﺑﺎﺕ ﺑﺪﻟﻨﮯ ﮐﯽ ﮐﻮﺷﺶ ﮐﯽ، ﻣﯿﮟ ﻧﮯ ﺯﻭﺭ ﺩﯾﺎ ﺗﻮ ﺷﺮﻣﻨﺪﮦ ﮨﻮﮐﺮﺑﻮﻟﮯ
’’ﯾﺎﺭ ﺑﺲ ﺟﻤﻌﮧ ﭘﮍﮬﻨﮯ ﮔﯿﺎ ﺗﮭﺎ ﺍﻭﺭ ﺟﻠﺪﯼ ﻣﯿﮟ ﻣﻮﺑﺎﺋﻞ ﮐﻮ ﻣﯿﻮﭦ ﭘﺮﮐﺮﻧﺎ ﺑﮭﻮﻝ ﮔﯿﺎ۔۔۔‘‘!!!

ﻣﻮﺑﺎﺋﻞ ﮐﯽ ﺍﯾﮏ ﭨﻮﻥ ﺗﻮ ﻭﮦ ﮨﻮﺗﯽ ﮨﮯ ﺟﻮ ﺁﭖ ﮐﯽ ﮐﺎﻝ ﺁﻧﮯ ﭘﺮ ﺁﭖ ﮐﮯ ﻣﻮﺑﺎﺋﻞ ﻣﯿﮟ ﺑﺠﺘﯽ ﮨﮯ، ﺩﻭﺳﺮﯼ ﻭﮦ ﮨﻮﺗﯽ ﮨﮯ ﺟﺴﮯ ’’ ﮐﺎﻟﺮ ﭨﻮﻥ ‘‘ ﮐﮩﺘﮯ ﮨﯿﮟ،

ﻣﯿﮟ ﻧﮯ ﺍﯾﮏ ﺩﻓﻌﮧ ﺷﻮﻕ ﺷﻮﻕ ﻣﯿﮟ ﯾﮧ ﭨﻮﻥ ﻟﮕﺎ ﻟﯽ ﺍﻭﺭ ﺍﺱ ﮐﮯ ﺑﻌﺪ ﻋﺬﺍﺏ ﻣﯿﮟ ﭘﮭﻨﺲ ﮔﯿﺎ، ﺩﻭﺩﮪ ﻭﺍﻟﮯ ﮐﺎ ﺑﮭﯽ ﻓﻮﻥ ﺁﺗﺎ ﺗﮭﺎ ﺗﻮ ﺍﺳﮯ ﻣﯿﺮﯼ ﻃﺮﻑ ﺳﮯ ﺳﻨﺎﺋﯽ ﺩﯾﺘﺎ ﺗﮭﺎ
’’ ﺑﮩﺖ ﭘﯿﺎﺭ ﮐﺮﺗﮯ ﮨﯿﮟ ﺗﻢ ﮐﻮ ﺻﻨﻢ‘‘ ۔
ﻣﯿﮟ ﻧﮯ ﺑﮍﯼ ﮐﻮﺷﺶ ﮐﯽ ﮐﮧ ﺍﺱ ﭨﻮﻥ ﺳﮯ ﭼﮭﭩﮑﺎﺭﺍ ﺣﺎﺻﻞ ﮐﺮ ﺳﮑﻮﮞ ﻟﯿﮑﻦ ﻧﺎﮐﺎﻡ ﺭﮨﺎ، ﻣﻮﺑﺎﺋﻞ ﮐﻤﭙﻨﯽ ﺳﮯ ﺭﺍﺑﻄﮧ ﮐﯿﺎ ﺗﻮ ﺍﻧﮩﻮﮞ ﻧﮯ ﺍﯾﮏ ﮐﻮﮈ ﺑﺘﺎﯾﺎ ﮐﮧ ﺍِﺳﮯ ﻓﻼﮞ ﻧﻤﺒﺮ ﭘﺮ ﺍﯾﺲ ﺍﯾﻢ ﺍﯾﺲ ﮐﺮﺩﯾﮟ ﺁﭖ ﮐﯽ ﮐﺎﻟﺮ ﭨﻮﻥ ﺧﺘﻢ ﮨﻮﺟﺎﺋﮯ ﮔﯽ۔ﻣﯿﮟ ﻧﮯ ﻓﻮﺭﯼ ﻃﻮﺭ ﭘﺮ ﺍﯾﺴﺎ ﮨﯽ ﮐﯿﺎ ﺍﻭﺭ ﭼﯿﮏ ﮐﺮﻧﮯ ﮐﮯ ﻟﯿﮯ ﭘﯽ ﭨﯽ ﺳﯽ ﺍﯾﻞ ﺳﮯ ﺍﭘﻨﮯ ﻧﻤﺒﺮ ﭘﺮ ﻓﻮﻥ ﮐﯿﺎ ﺗﻮ ﺁﻭﺍﺯ ﺁﺋﯽ
’’ﮔﻨﺪﯼ ﺑﺎﺕ، ﮔﻨﺪﯼ ﮔﻨﺪﯼ ﮔﻨﺪﯼ ﺑﺎﺕ‘‘
ﻣﯿﺮﮮ ﮨﺎﺗﮫ ﭘﺎﺅﮞ ﭘﮭﻮﻝ ﮔﺌﮯ، ﺟﻠﺪﯼ ﺳﮯ ﻣﻮﺑﺎﺋﻞ ﮐﻤﭙﻨﯽ ﮐﯽ ﮨﯿﻠﭗ ﻻﺋﻦ ﭘﺮ ﺩﻭﺑﺎﺭﮦ ﮐﺎﻝ ﮐﯽ، ﭘﯿﻨﺘﯿﺲ ﻣﻨﭧ ﺗﮏ ﺗﻮ ﮐﻤﭙﻨﯽ ﻭﺍﻟﮯ ﻣﺠﮭﮯ ﺍﭘﻨﯽ ﺭﯾﮑﺎﺭﮈﮈ ﺁﻓﺮﺯ ﺳﻨﺎﺗﮯ ﺭﮨﮯ، ﺑﺎﻵﺧﺮ ﺍﻥ ﮐﮯ ﻧﻤﺎﺋﻨﺪﮮ ﺳﮯ ﺑﺎﺕ ﮨﻮﺋﯽ ﺗﻮ ﻣﯿﮟ ﻧﮯ ﺍﭘﻨﯽ ﻣﺼﯿﺒﺖ ﺑﯿﺎﻥ ﮐﯽ۔ ﺍﺱ ﻧﮯ ﺍﻃﻤﯿﻨﺎﻥ ﺳﮯ ﺟﻮﺍﺏ ﺩﯾﺎ ﮐﮧ
" ﺁﭖ ﮐﻮ ﮐﺴﯽ ﻧﮯ ﻏﻠﻂ ﮔﺎﺋﯿﮉ ﮐﯿﺎ ﮨﮯ، ﺁﭖ ﯾﮧ ﻭﺍﻻ ﮐﻮﮈ ﻣﻼﺋﯿﮟ ﺗﻮ ﺳﮑﮭﯽ ﮨﻮﺟﺎﺋﯿﮟ ﮔﮯ۔"
ﻣﯿﮟ ﻧﮯ ﺗﮩﮧ ﺩﻝ ﺳﮯ ﺍﺱ ﮐﺎ ﺷﮑﺮﯾﮧ ﺍﺩﺍ ﮐﯿﺎ ﺍﻭﺭ ﺍﯾﮏ ﺑﺎﺭ ﭘﮭﺮ ﻧﯿﺎ ﮐﻮﮈ ﺍﯾﺲ ﺍﯾﻢ ﺍﯾﺲ ﮐﺮﮐﮯ ﺩﮬﮍﮐﺘﮯ ﺩﻝ ﺳﮯ ﺩﻭﺑﺎﺭﮦ ﺍﭘﻨﺎ ﻧﻤﺒﺮ ﻣﻼﯾﺎ۔ ﺑﮩﺖ ﺧﻮﺷﯽ ﮨﻮﺋﯽ ﮐﮧ ﮐﻮﺋﯽ ﮔﺎﻧﺎ ﻧﮩﯿﮟ ﭼﻼ ﺍﻟﺒﺘﮧ ﮐﻤﭙﻨﯽ ﮐﺎ ﺟﻮﺍﺑﯽ ﻣﯿﺴﺞ ﺁﮔﯿﺎ ﮐﮧ
’’ ﺁﭖ ﮐﯽ ﺧﻮﺍﮨﺶ ﮐﮯ ﺍﺣﺘﺮﺍﻡ ﻣﯿﮟ ﺁﭖ ﮐﯽ ﺗﻤﺎﻡ ﮐﺎﻟﺮ ﭨﻮﻧﺰ ﺧﺘﻢ ﮐﺮﺩﯼ ﮔﺌﯽ ﮨﯿﮟ ﺍﻭﺭ ﺍﺱ ﮐﮯ ﻋﻮﺽ ﺁﭖ ﮐﮯ ﺍﮐﺎﺅﻧﭧ ﺳﮯ ﻣﺒﻠﻎ 30 ﺭﻭﭘﮯ ﺟﮭﺎﮌ ﻟﯿﮯ ﮔﺌﮯ ﮨﯿﮟ ﺍﮔﺮ ﺁﭖ ﺩﻭﺑﺎﺭﮦ ﯾﮧ ﻋﺬﺍﺏ ﺣﺎﺻﻞ ﮐﺮﻧﺎ ﭼﺎﮨﺘﮯ ﮨﯿﮟ ﺗﻮ ﺍﺱ ﻣﯿﺴﺞ ﮐﮯ ﺟﻮﺍﺏ ﻣﯿﮟ ﮐﭽﮫ ﺑﮭﯽ ﻟﮑﮫ ﮐﺮ ﺑﮭﯿﺞ ﺩﯾﮟ، ﺍﻧﺸﺎﺀ ﺍﻟﻠﮧ ﮨﻢ ﺁﭖ ﮐﯽ ﺯﻧﺪﮔﯽ ﺍﺟﯿﺮﻥ ﺑﻨﺎﻧﮯ ﻣﯿﮟ ﮐﻮﺋﯽ ﺩﯾﺮ ﻧﮩﯿﮟ ﻟﮕﺎﺋﯿﮟ ﮔﮯ۔ ‘‘
ﻣﯿﮟ ﻧﮯ ﻓﻮﺭﯼ ﻃﻮﺭ ﭘﺮ ﻣﯿﺴﺞ ﮐﯿﺎ
’’ ﭘﻠﯿﺰ ﻣﯿﮟ ﺍﯾﺴﺎ ﮐﭽﮫ ﻧﮩﯿﮟ ﭼﺎﮨﺘﺎ ،ﻣﯿﮟ ﭘﮩﻠﮯ ﮨﯽ ﺑﮩﺖ ﺗﻨﮓ ﮨﻮﮞ ﺁﭖ ﮐﯽ ﻣﮩﺮﺑﺎﻧﯽ ﻣﺠﮭﮯ ﻣﻌﺎﻑ ﺭﮐﮭﯿﮟ ‘ ‘۔
ﻓﻮﺭﺍً ﮨﯽ ﺟﻮﺍﺏ ﺁﯾﺎ
’’ﺁﭖ ﮐﺎ ﺑﮩﺖ ﺷﮑﺮﯾﮧ، ﺁﭖ ﮐﯽ ﻓﺮﻣﺎﺋﺶ ﭘﺮ ﺁﭖ ﮐﯽ ﺗﻤﺎﻡ ﺳﺎﺑﻘﮧ ﭨﻮﻧﺰ ﺑﺤﺎﻝ ﮐﺮﺩﯼ ﮔﺌﯽ ﮨﯿﮟ۔۔