ခင်မင်မှုပျက်ပြား သံသယစိတ်ထား

https://steemit.com/myanmar/@suhlaing/khngmngm-atkyapa-thanthyasittaa-4c2dd97c175a
https://steemit.com/myanmar/@suhlaing/khngmngm-atkyapa-thanthysittaa-6b47ef9f6c3ed
လှပတဲ့ရောင်စုံမီးများကြားမှာ စန္ဒယားသံငြိမ့်ငြိမ့်လေးက ထွက်ပေါ်လို့နေပါတယ်။ စည်းချက်ညီညီနဲ့ ဘယ်ညာယိမ်းနွဲ့ရင်း စုံတွဲကနေတဲ့ အတွဲအချို့ကိုလည်း တွေ့မြင်ရပါတယ်။ ညနက်လာပေမဲ့ မိတ်ရင်းတွေသာများတာကြောင့် ပွဲလာသူတွေဟာ အနည်းငယ်သာလျော့သွားပါတယ်။ အေးချမ်းလာပြီမို့ အိမ်ထဲမှာပင်ဆက်လက်ဆင်နွဲနေကျပါတယ်။ ဒီချိန်မှာဘဲ အန်တီနီတာရဲ့ သူငယ်ချင်းဖြစ်သူ ဟန်နီက သူငယ်ချင်းဖြစ်သူရဲ့ လက်ဆောင်ထုတ်တွေကို သိလိုတာကြောင့် ဖွင့်ဖောက်ဖို့ အကြံပေးခဲ့ပါတယ်။ ဟန်နီရဲ့ အကြံပေးချက်ကို နီတာက လက်ခံပြီး လက်ဆောင်ထုတ်တွေ ဖွင့်ဖောက်ဖို့ သဘောတူလိုက်ပါတယ်။

လက်ဆောင်တွေကတော့ ပုံစံမျိုးစုံ ပစ္စည်းမျိုးစုံပါဘဲ။ လက်ပတ်နာရီ သိုးမွေးအကျီင်္ စားပွဲတင်နာရီ ကြွေပန်းကန်များ ကျမ်းစာအုပ် ဂါဝန်အရှည် ပွဲတက်ဝတ်စုံ လျှပ်စစ်ပေါင်းအိုး စသည်ဖြင့် စုံလင်လှတဲ့ လက်ဆောင်ပစ္စည်းတွေကို ဖွင့်ဖောက်အပြီးမှာတော့ ဂျွန်ရဲ့လက်ဆောင်ဖြစ်တဲ့ ဖြစ်တဲ့ သားရေလက်အိပ်လေးအတွက် အန်တီ နီတာမှ ကျေးဇူးတင်ကြောင်းပြောပါတယ်။ အဲ့နောက်မှာတော့ ဂျော်နီ့ လက်ဆောင်လေးကို ဖွင့်ဖောက်လိုက်တဲ့အခါ အန်တီနီတာရဲ့ မျက်နှာတစ်ခုလုံး ဖြူလျှော်သွားပါတယ်။ မလှုပ်မယှက် ရပ်နေခြင်းနဲ့ အတူ မျက်လုံးအိမ်ကလည်း ပြူးကျယ် ဝိုင်းစက်သွားပါတယ်။ ပြီးနောက်မှာတော့ စူးစူးဝါးဝါးအော်ဟစ်လိုက်ပြီး အရုပ်ကြိုးပျက်လဲကျသွားပါတော့တယ်။

ပွဲလာသူအပေါင်းလည်း ကြောင်အမ်းအမ်းနဲ့ ရပ်ကြည့်နေပြီးမှ အန်တီ နီတာကို ပွေ့ထူသူကထူ ဆေးရုံကားကို ဖုန်းဆက်သူက ဆက်နဲ့ ခဏအတွင်း တစ်အိမ်လုံး ဆူညံသွားပါတော့တယ်။ ဂျော်နီကိုလည်း စူးစူးဝါးဝါး မုန်းတီးတဲ့ မျက်လုံးတွေနဲ့ ကြည့်ရှုလိုက်ကျပါတယ်။ ဂျော်နီလည်း နားမလည်ခြင်းတွေနဲ့ ပြန်ကြည့်နေတုန်းဘဲ ဟယ်လင်ရဲ့ ဖခင်ထံမှ လက်သီးဒဏ်ကို ခံလိုက်ရပါတယ်။ အိမ်ထဲမှ မောင်းထုတ်သံတွေနဲ့အတူ ဂျော်နီဟာ ရှက်ခြင်း နားမလည်ခြင်းနဲ့အတူ လှည့်ထွက်ခဲ့ရပါတယ်။ အနောက်မှာတော့ ဟယ်လင့်ဖခင်နဲ့ ဂျော်နီ့ ဖခင်တို့ အပြန်အလှန်စကားများနေသံကို ကြားလိုက်ရပါတယ်။ ဂျော်နီဟာ အိမ်ပြန်ရောက်တာနဲ့ နှုတ်ခမ်းထောင့်က သွေးစကို သုတ်လိုက်ရင်း သူ ဘာမှားလည်းဆိုတာ ပြန်တွေးနေမိပါတယ်။

သူ့ရဲ့လက်ဆောင် မိန်းမပတ်နာရီလေးဟာ နယ်သာလန်မှာရှိတဲ့ သူ့အန်တီ ခရစ္စတီးနားထံ တကူးတက မှာယူထားခြင်းဖြစ်ပြီး နာရီဘေးမှာ ရုရှားစိန်ပွင့်လေးများနဲ့ အင်မတန်လှပပါတယ်။ မိမိလက်ဆောင်အတွက် အန်တီ နီတာတစ်ယောက် အပျော်လွန်လို့ မေ့လဲသွားတာလား။ အန်တီ နီတာ မေ့သွားလို့ သူ့ကို အန်ကယ်ပီတာက ထိုးတာလား။ ဘာကြောင့်လည်း သေသေချာချာတွေးမရနိုင်တော့ပါ။ ဝမ်းနည်းခြင်းတွေကတော့ ဂျော်နီ့ ရင်ထဲမှာ ပြည့်နေခဲ့ပါတယ်။ ပါးပြင်ထက် ကျလာတဲ့ မျက်ရည်တွေကို သုတ်လိုက်စဉ်မှာဘဲ ဂျော်နီ့ ဖခင်နဲ့ မိခင် အိမ်ပြန်ရောက်လာပါတယ်။

ဇာတ်သိမ်းပိုင်းမျှော်...
@suhlaing
msc 175
credit google image