Kaala ki release date fir se change kar di gayi :(

Fir se Rajinikanth ki film ka release date badha diya gaya hai. kaafi samay se main unki film ka intezaar kar raha hoon lekin har baar unki film ka release date badha diya jaa raha hai pahle unki film 2.0 jo ki Robot ki 2nd part hai aur ab unki dusri film Kaala iss ka bhi release date badha diya gaya hai. Bhaaiyo 2.0 pichle 3 saal se kar raha hoon main ye 2017 me hi release hone waali thi lekin na ho saki aur iss saal bhi mujhe nahi lagta ki ye release hogi. 

Rajinikanth south ke bahut bade superstar hai yahi wajah hai ki unki filme Tamil aur Telegu ke saath saath Hindi me bhi release hoti hai dusri aur kisi south star ki film Hindi me release nahi hui hai Baahubali ko chod kar. 

Image Source Link

27 April ko Avengers ke saath Rajinikanth ki Kaala movie bhi release hone waali thi lekin ab iss ki date badha di gayi hai aur ab ye film 7 June ko release hogi matlab ki ab hume dedh mahine ka aur intezaar karna hoga. Iss film me Rajni sir ne ek achhe Don ka kirdaar nibhaya hai ye film dekhne me wakayi dilchasp hogi kyo ki wo Don ka abhinay mast karte hai.

Film ka release date badhne ka kaaran bataya gaya hai ki Tamil ke cinema maalik hadtaal pe baithey they to film me iska koi asar na pade iss wajah se release date badha di gayi thi lekin ab unka hadtaal khatam ho gaya hai lekin fir bhi film nirmata ka kahna hai ki wo 7 June ko hi apni film release karenge iss ka ye bhi kaaran ho sakta hai ki Avengers bhi isi din release ho rahi hai to kahi Rajinikanth ki film pichad na jaaye iss wajah se release date ab change kar di gayi hai. 

Rajni sir ke damaad Dhanush iss film ke nirmata hai aur unhone kaha hai ye film ab 7 June ko hi release hogi aur usi din sabhi bhasawo me release hogi. 

Waise Rajni sir kuch hafto ke liye America jaa rahe hai apni body ki full medical check up ke liye wo har saal America jaate hai apni body ka medical check up karwaane. lekin mujhe ye samajh nahi aata kiya India me koi achha doctor nahi hai kiya jo wo medical checkup ke liye videsh jaa rahe hai. bade log aur badi soch chaliye bhai wo jo bhi kare ussey hame kiya.

Ye raha film ka Trailer 

Mujhe to Kaala movie se jyada 2.0 film ka intezaar hai kyo ki ye sci fi film hai aur aisi filme mujhe behad pasand hai maine Rajni sir ki robot film dekhi hai aur mujhe wo film bahut achhi lagi thi aur dosto aapko pata hai 2.0 ki budget ab tak ki Indian film me wo sab se mehangi film hai aur unki VFX ki wajah se film ka schedule hamesha change karna pad raha hai iss wajah se film ki release me deri ho rahi hai.