ang tulang pang-kaibigan( BaKaiLang)

source

source

Naaaliw ako sa lahat ng oras na nabibitawan mo ako.
Pakiwari ko isang bisyo na mahirap nang iwasan,
isang sugal na lagi talo pero pumupusta pa din ako
wala nang laman ang bulsa pero parang hindi ko matakasan.

source

Titiisin ko lahat ng bagay na di mo
pinapansin na masakit sakin
masisiyahan ako sa mga salitang
lumalabas sayo halos dumudurog sa
puso ko MISMO !!!

Lalanghapin ko
Oo lalanghapin ko ang sakit ng talim
pagbalewala ng nararamdaman at
pagkawala ng asim
upang malaman mo ano ang pakiramdam pag wala ako.

source

Pag wala ako hindi mo ko hahanapin
aasa ka ba pag nalaman mo na sa iba ako’y sumasaya na rin,
di mo kaya makalimutan lahat ng bagay na
pinagsama sama ng bawat karanasan?
katulad sa isang taong nasisiyahan
habang nalalaglag sa sariling patibong
Oo, di kita masisisi dahil sa umpisa pa lang
ako ang gumawa ng sarili kong kalungkutan.

source

Kalungkutan na kumukubkob sa ulap ng liwanag ng pagmamahal
na maiipon at magbibigay ng maraming ulan
tubig at hangin na matatangay sa
natigang na sakit sa lupa
na magbibigay sigla sa bawat namatay na
puso ng halaman paniguradong hindi uubra,
hindi uubra kahit anu pang pataba ang ilagay
hindi sasapat sapagkat nilason mo na.

source

nalulungkot ako pag naiisip ko ang
nakaraang masaya ako pero darating yung araw ng katapusan
Tatanungin kita ng BAKIT , wag mo kong sasagutin ng Ano.
Dahil umpisa pa lang sinagot na kita ng oo !
Tatanungin kita ng BAKIT wag mo kong sasabihan ng kahit
anong bagay na alam mong masakit,
isang salita lang ang gusto kong marinig
masaya ba pag kaibigan mo lang ako?

Masakit malaman na ang turing sa iyo ng taong mahal mo ay hanggang kaibigan lamang, pero mas magandang gumawa ng hakbang para mapatunayan sa kanya na maari ka rin nyang mahalin. Tandaan "WALANG MATIGAS NA TINAPAY SA MAINIT NA KAPE".

Ito ang aking pangalawang spoken poetry, kung gusto mong mabasa ang aking unang tula maari mo itong bisitahin post.

maraming salamat kay @tagalogtrail at jay @tpkidkai sa pagbibigay inspirasyon sa akin.

mapagpalang araw sa inyong lahat.