Image Credit

---

Perlas ng silangan kung ikaw ay tawagin,
Sa taglay mong yaman, maraming nahuhamaling,
Ilang dayuhan na ang nagtangkang ikay lupigin,
Ngunit ipinaglaban ka ng mga anak mong ginigiliw.

Sa ningning ng iyong bituing marikit,
Sa nakakasilaw na sinag ng araw mong makisig,
Sa ginto at halaman ay hitik na hitik,
Pinagpalang tunay, itong bayan natin.

Pagmasdan ang karagatang biyaya ng Maykapal,
Bughaw na kulay, laman ay pinakikinabangan,
Mangingisda ay nagagalak sa buhay na hatid,
At mga turista'y dumadayo, dinadayo itong atin.

Tanawin ang kabundukan at kagubatan,
Mayaman sa puno at mga halaman,
Pati mga hayop ay dito naninirahan,
Paraisong maituturing, walang kasing yaman.

Mga anak mong Pilipino kung tawagin,
Sa mga dayuhan ay di magpapaalipin,
Handang mamatay sa pag-ibig sa iyo
Handa kang ipaglaban kahit na kanino.

Pilipinas, ikaw ang bayan ko!
Ako? Ako ay Pilipino!
Kahit san man makarating na dako ng mundo,
Di makakalimutang ikaw ang pinanggalingan ko.

Sa kanya ko inaalay itong akdang tula,
Dahil akoy kanyang inaruga't kinalinga,
Taas noo kong ipagmamayabang,
Pilipinas ang bansa ko, ako ay Pilipino!

---

Ito ang aking akdang tulang lahok para sa Paglinang ng Kasanayan sa Paggawa ng Literatura na may temang Nasyonalismo/Pagkamakabayan ng @steemph.cebu. Sinubukan ko ring umawit ng kantang "Ang Bayan Kong Pilipinas".

Steemit ~Ang Bayan Kong Pilipinas:

Sana'y inyong magustuhan.

MARAMING SALAMAT!

---