Free me training ke saath salary bhi

Hello Dosto, Akhirkaar steemit sahi ho gaya yaar, Aur bittrex ne wallet bhi on kar diya hai steem aur sbd ka. Kaafi dino se band tha ab jaa ke fir se shuru hua hai. Hard fork se kaafi kuch change hua steemit me. Jitna bhi change hua na mujhe usme se ek bhi change pasand na aaya. 

Image Source welcomenri.com

Khair iss baat ko jaane de hum apne mudde pe aate hai. Dosto agar aap 12th pass hai aur aap ke pass koi nokri wagera nahi hai ya fir aisa kisi ko aap jaante hai to ye article usko jarur suggest karna aap. Aaj main aap ko Pradhan Mantri Kaushal Vikas Yojana (PMKVY) ke baare me bataunga. Jiss me sarkar training bhi deti hai aur salary bhi deti hai training karne ke liye. 

Pradhan Mantri Kaushal Vikas Yojana kya hai? 

Iss yojana ka maksad hai ki logo ko industries se judi training dena hai aur iss ka kharcha sarkar khud uthaati hai. Isliye aap ko iss me apne paise bhi nahi lagaane hai ulta aap ko training lene ka paisa milega. Aur training ke baad aap ko job bhi asaani se mil jaayegi. 

Kon le sakta hai traing? 

Iss me sab ko training nahi milti hai kewal unhi ko training milegi jo kam padhe likhe ho matlab 12th se niche hi padhe ho. Agar iss ke aage kisi ne padhaayi ki ho to fir usko training nahi di jaayegi. Aur sarkar ka sapna hai ki 2022 khatam hote tak croro logo ko iss me joda jaaye. 

Kaise kare apply? 

Agar aap iss me apply karna chahte hai to fir http://pmkvyofficial.org iss website par jaaye aur yaha aap ko apni saari details bharni hogi, apna email id wagera sab kuch dena hoga. Aur aap ko adhar card ki bhi jarurat padegi. 

Dosto iss ki aage ki jankaari main aap ko apni agli post me dunga, Matlab kaise aap select honge aur kaha aap ka center hoga kaha aap ko training di jaayegi ye sab main aap ko apni agli post par bataunga.