Club5050|| Diary Game Season 3|| August 7, 2022|| "Ginisang Kalabasa Recipé"

Maraming magagandang benipisyo ang naibibigay ng kalabasa para sa ating katawan. Isa na dito ang bitamina D, pampalinaw ng mata at marami pang iba. May mga ibat-ibang potahe din ang naluluto gawa sa gulay na kalabasa, iilan sa mga ito ay ang mga pandesal na ang flavor nito ay mula sa kalabasa, adobong kalabasa at ginataang kalabasa. Dahil may mga tanim kaming kalabasa sa aming bakuran ay naisipan naming magluto ng ginisang kalabasa para sa aming panghalian. Napakasimple at kakaunti lamang ang sangkap sa pagluluto ng ginisang kalabasa at ito ay ang mga sumusunod;

👉 Kalabasa
👉 Bawang
👉 Sibuyas
👉 Mantika
👉 Tuyo

Bago ang lahat dapat, balatan ang kalabasa at hiwain sa maliliit na piraso. Nakakatulong ito para madaling lumambot at maluto ang kalabasa, pagkatapos nito ay hugasan ito ng malinis na tubig para matanggal ang mga dumi na nakakapit dito.

Dapat hiwain din sa pinong-pino ang sibuyas at bawang ang paghiwa-hiwa sa maliliit na piraso ay nakakatulong ito upang madaling maluto ang sibuyas at bawang.

Mag-init ng mantika sa kawali at kapag mainit na ang mantika ay agad ilagay ang bawang at sibuyas. Gisahin ito hanggang lalabas na ang bango at magiging kulay golden brown ito.

Isunod ang paglagay ng kalabasa sa kawali at haluin ito ng mabuti. Pagkatapos haluin ay lagyan ito ng kaunting tubig para sa sabaw, kung hindi naman mahilig sa sabaw ay pwede ring hindi lagyan, naluluto pa rin ito sa pamamagitan ng kanyang katas o tubig. Pagkatapos, lagyan ng tuyo o soy sauce at haluin uli ng mabuti. Takpan ito para madaling lumambot at maluto ang kalabasa.

Kapag malambot na ang kalabasa ay lagyan ng seasonings, nakapagbibigay ito ng magandang lasa sa ating mga linuto. Kapag naglalagay ng seasonings, dapat hwag nang maglagay ng vetsin at haluin ito ng mabuti.

Lagyan ng kaunting asin at haluin ito ng mabuti para maging balanse ang lasa nito. Hwag agad lagyan ng maraming asin para makontrol ang alat nito. Pagkatapos haluin ay takpan uli ito at hintaying maluto.

Ang pagluluto ng ginisang kalabasa ay isang simpleng lutuin lamang pero nakapagbibigay ito ng sustansya sa ating katawan. Pwede rin itong ibenta sa kainan at isa ito sa patok na patok na pagkain dito sa aming lugar.

Bago ko tatapusin ang talaarawan ko sa gabing ito ay nais kong ibahagi ang 20% na payout mula sa post kong ito sa @steemitphcurator.