STEEMIT PHILIPPINES PHOTOGRAPHY CONTEST WEEK # 4|BLACK AND WHITE PHOTOGRAPHY| PARAAN NG PAGDIWANG SA KAARAWAN NGAYONG NEW NORMAL| 10% PAYOUT GOES TO @steemitphcurator

Maligayang araw sa lahat ng steemian dito sa Steemit Philippines community. Gusto ko pong pasalamatan ang bumubuo sa patimpalak na ito na si @steemitphcurator at pati na rin sa mga steemians na sumusubaybay at sumusuporta sa komunidad na ito. Ito nga pala ang aking pangalawang entry sa temang Black and White Photography.

Ang pagdiwang ng kaarawan. Kung saan ang mga kasapi ng pamilya at ang may kaarawan ay nakaugaliang pumunta sa simbahan para magpasalamat at mag aalay ng dasal sa diyos. Nagawa na namin iyon ng anak ko pero kaming lang dalawa habang sa bahay ay abala ang asawa ko sa paghahanda. Bumili ako ng cake kasi may kaunti akong ipon na natira. Malaki talaga ang kaibahan noon kumpara sa ngayon. Noon kapag may kaarawan dito sa amin ay luluwas ang mga kamag-anak para dumalo sa kaarawan at upang magkaroon ng salo-salo.

Ngayon bawal na ang pagtipon-tipon. Kahit pa ay GCQ na o General Community Quarantine ang aming lugar ay ipinapatupad pa rin ang social distancing at mga health protocols. Dahil sa tuwing may pagtitipong nagaganap nawawala na ang social distancing sa isat-isa. Kaya sa ngayong kaarawan ng anak ko ay minabuti naming mag asawa na hindi na lang mag imbita ng mga kamag-anak namin doon sa probinsiya. Pamimsan-mimsan din kasi nag ro-robing ang mga pulis sa bawat lugar.

Naghanda na lang kami ng tama lang para sa miyembro ng aming pamilya at yong tama rin para sa malapit na kapitbahay. Ipinagdiwang namin ang kaarawan ng anak ko ng kami lang upang maiwasan ang pagtitipon. At gayundin din ang hawaan sa virus na covid 19. Dinalhan na lang namin ng kaunting ulam ang nanay ko kasi medyo malayo ang bahay nila sa amin at ang limang kapitbahay namin. Di rin kasi medyo kalakihan ang naipon namin para sa kaarawan ng anak ko. Noon kapag malayo pa ay masyado naming pinaghahandaan ngunit ngayon ay limitado na.

Naninibago ang aking anak kasi nasanay siya noon na may maraming bata na dadalo sa kaarawan niya. Ngunit ipinapaliwanag naming mag asawa na kailangan tayong sumunod sa pamantayan ng pamahalaan dahil para rin ito sa sarili nating kapakanan. Di lang siya ang nagdiwang ng kaarawan na ganito kundi lahat naman. Ang importante ay buo, malusog at ligtas ang buong pamilya. Nakita naman namin sa mukha niya na naintindihan niya at mukhang masaya naman siya sa paraan ng pagdiwang namin sa kanyang kaarawn.

Ang dobleng pag-iingat ay hindi nakakasama sa atin. Ang pagsunod ng mga patakaran na inihahain ng gobyerno ay palaging sundin at huwag balewalain dahil itoy nakakatulong sa atin. Sa panahon ngayon hinde biro ang mahawaan ng covid 19 at huwag gumawa ng sariling patakaran dahil di mo alam kung sino ang matatamaan.