The Diary Game Season 3 (October 20, 2021) | Basic Life Support Training

Maganda Araw po sa Inyong Lahat!

Kamusta kayo? Matagal-tagal na rin po ako na hindi nakapagsulat dito sa ating kumunidad. Naging abala po ako sa trabaho at naging abala din sa pagiging isang trainee sa Basic Life Support Training.

Ano ba itong Basic Life Support Training? Ito po yung training kung saan tinuturuan tayo kung paano rumisponde kung may mga life-threatening emergencies. Tinuruan kami kung paano mag CPR o Cardiopulmonary resuscitation. Mga dapat gawin kapag may sunog, baha, at kung paano sagipin ang isang taong nalulunod. Ilan lang ito sa mga tinuro sa amin.

Ako at Mga Kasamahan ko sa training.

Nagsimula pala ako magtraining noong Octobre 5. Marami na rin akong natutunan. Hanggang ngayon ay tuloy pa rin ang aming training. Tuwing gabi po ito ginaganap pagkatapos ng aking trabaho. Alas 6 hanggang alas 9 ng gabi ng Martes hanggang Biyernes. Sa October 30 na ang aming graduation.

Noong Sabado, October 16, buong araw po kami nag-ensayo paano sagipin ang isang nalulunod na tao. Pagod na pagod ako pagdating ko sa bahay. Ang sakit ng katawan ko. Muscle pains at Dahil na rin sa sunburn. Kahit ganun pa man, nagpapasalamat ako sa opportunidad na matuto at magkaroon ng kaalaman kung paano sumagip ng buhay.

Wala na po akong larawan noong na perform ko yung paano sagipin ang nalulunod na tao.

Rason Kung Bakit Ako Sumali Dito

Wala naman po akong plano na maging pangpubliko na rescuer. Gusto ko lang din matutunan ang mga ito para sa aking pamilya. Ituturo ko rin ang mga nalalaman ko sa aking asawa at mga anak. Lalong lalo na sa panahon natin ngayon na lagi may mga sakuna nangyayari sa kapaligiran. Hindi naman natin hinahangad ang mga emergencies pero mas maigi na rin yung alam natin ang gagawin kapag andun tayo sa ganun na mga sitwasyon.

Nagpapasalamat ako na may libreng training na sinimulan ng mga kasamahan namin sa simbahan. Sinamantala ko na ang panahon habang meron akong oras para matuto ng mga bagong kaalaman patungkol dito sa Basic Life Support.

Maraming salamat po sa pagbabasa hanggang dito. Naway nasa mabuti kayong kalagayan lahat.

Inaanyayahan ko sina @jewel89, @jurich60 at @olivia08 na sumali din po sa paligsahan na ito.

Ingat po tayong lahat.

Ang inyong kaibigan,

@arjayyuson