SALEUM MEUTURI

Assalamu'alaikum wr.wb.

Saleum meuturi bagi mandum-mandum anggota yang na lam grup yang meutuwah ruah nyoe....
Izin chit bak po rumoh @cicisaja baro lon cuba bergabung di pehtem.

watee lon baca deskripsi dan sejarah dibuatnya grup nyoe lon mencoba "meraba-raba" ho arah meuneuk ba komunitas nyoe..hai meunyo neuk raba arah kon hana peu2 yang bek meuraba ata gob, itak jaroe teuh entuek....

Jadi meunyo na kureueng masam masen bak lon post di sinoe lon lakee meuah....maklum nyo buet ramee2 meunan geukheun le ureueng bie sambutan bak acara khanduri.

Man lon pikee saboh got chit na grup yang geubrinan lee po teumpat "PEH TEM' atau dengan kata laen tanyo jeut ta cang panah dan cang keureupuk di sinoe...

Tanyoe mungken maseng2 sibok ngon mita raseuki oh uroe2 baik yang keurija di kanto, di toko dan laen sebagoejih. man kon seureng na rasa bosan teuh termasuk lam aktifitas tanyoe di steemit nyoe kareuna bak komunitas-komunitas laen mungkin le aturan baku yang kadang taneuk pleoh urat teuh hanjeut hinan.

Jadi lon pikee nyoe saboeh komunitas yang jroeh dimana disinoe jeut tapoh2 cakra lagee endatu tanyoe jameun lewat macam-macam media lagee tanyoe teupeu untuk geusampaikan sesuatu jeut lewat panton, Ca e, dan laen-laen. Sangat nyata takalon bahkan baroe jeih endatu bahkan geusebar informasi dan ileumee lewat "poh kipah" dan kesenian laen.

Ilon tuan sendiri lam padup2 thon terakhir ka lon ubah maindset dan style lon yang biasanya serius menjadi lebih santai dan kecenderungan jioe galak lon meukra....mungken nyan kareuna kebetulan lon keurija di kanto yang seureng berada dalam kondisi "streess", maklum tanyoe aneuk bawang yang diperintah lee awak rayeuk.

Kareuna na bahasa dari raja kadang, Lon Peuduek gata hinan nyak jeut tapikee dan tapeutimang long....
Man meunyo hana cocok ngon regulasi soe tanggong jaweub...? ya tanyoe lah ......karena bak dokumen nama tanyoe hinan kadang malah diatas materai....

Jadi nyan keuh meunan2 tanyoe jeut keu aneuk buah, jadi teupaksa tanyoe mita hiburan keudroe teuh, beulee takhem-khem tapoh cakra ngon rakan-rakan nyak gadoeh seutress teuh....

Kareuna nyoe postingan perdanalon bak lapak nyoe mungken postingan lon mantong meucawoe-cawoe, jadi meulakee meuah beurayek, ngon penulisan pun salah-salah, karena buet hantom biasa ta teumuleh ngon bahasa endatu padahai karap dua ploh jeum tapeugah haba ngon bahasa nyan......

Man di awak yang muda2 lagee @syakbans @mirzamg dan laen-laen aleih na galak ureungnyoe gabung keunoe...
bang muhammad @hasinbadir @bustamam21 dan yang laen-laen mungken lagee nyan chit.

Bagi lon tuan nyoe bisa jadi seubagoe wadah menghilangkan suntok dan streess teuh setelah beraktifitas di komunitas laen yang kadang ka ta useuha, kurasi mantong lagee-lagee nyan chit. Baroesa na lon baca percakapan bak grup WA na rakan yang komen " Postingan ka meulalat nyeo....!!!". watee tabaca teukhem-teukhem weueh teuh karena kadang sama chit lagee ata tanyoe cuma mungken beda cara menyikapinya......

Keu soal engkol bak komunitas nyoe mungken lagee geupeugah lee po rumoh bek that tapikee, bah meunan aju keudeih....yang peunteng teutap Happy......

Soe teupeu lam ta meukra-meukra nyoe na hal-hal yang berguna yang bisa saleng tabagi keu sesama tanyoe.....walau deungon cara mayang-mayang...

Oh noe kueuh dilee postingan perdana nyoe....kareuna barophon han tateujeut peugah le that...ureung tuha kheun lee tapeugah kadang le salah.....lon neuk boeh judul pih han lon teu oh boeh...kakeuh meunan dilee.
teurimong geunaseh keu po rumoh dan kerabat mandum disinoe.....

Profil Lon tuan

---

Disclamer : Foto yang na lam postingan nyoe hana maksud apa-apa, hanya bek kosong mantong, foto pih sep brat jawai, tayue cok bak awak meukat mie lagee apam jicok...kakeuh, talakee tulong bak gob....hanjeut lee that ta proteh....